ହେଲିକପ୍ଟରରେ ଆସିଲା ବର, ବରଯାତ୍ରୀକୁ ଦେଖିବା ପାଇଁ ଜମିଲା ଭିଡ଼

ଗାନ୍ଧୀନଗର:  ସବୁ ଝିଅଙ୍କ ଇଚ୍ଛା ଥାଏ ତାର ସ୍ବପ୍ନର ରାଜକୁମାର ଧଳାଘୋଡ଼ା ଚଢ଼ି ଆସିବ ।  ଆଉ ସେଇ ଧଳା ଘୋଡ଼ାରେ ବସେଇ ତାକୁ ତାର ରାଇଜକୁ ନେଇଯିବ । ସମୟ ବଦଳିବା ସହ ଆଉ କେହି ସେ ଧଳାଘୋଡ଼ାର ସ୍ବପ୍ନ ଦେଖୁ ନାହାନ୍ତି,  କିନ୍ତୁ ନିଜ ବାହାଘରକୁ ନେଇ ସମସ୍ତେ ଉତ୍ସାହିତ ଥାନ୍ତି । ବର ବ୍ୟାଣ୍ଡ, ବାଜା, ବାରାତ ସହିତ ବାହାଘରରେ ଆସିବା ତ ସମସ୍ତେ  ଦେଖିଥିବେ । କିନ୍ତୁ ବରକୁ କ’ଣ ହେଲିକପ୍ଟରରେ ଆସିବା କେବେ ଦେଖିଛନ୍ତି । ଆଶ୍ଚର୍ଯ୍ୟ ଲାଗିଲେ ବି ସତ । ନିଜ ରାଜକୁମାରୀକୁ ନେବେ ପାଇଁ ତାର ରାଜକୁମାର ହେଲିକପ୍ଟର ନେଇ ଆସିଥିଲା ।  

ଏହା ମଧ୍ୟ ପଢ଼ନ୍ତୁ....ସହ-ତାରକା ଭାବେ କ୍ୟାରିୟର ଆରମ୍ଭ କରିଥିଲେ ରଜନୀକାନ୍ତ; ଏବେ ବକ୍ସ ଅଫିସ ବାଦଶାହା

ତେବେ ଘଟଣାଟି ଗୁଜୁରାଟ ସ୍ତିତ ଜାମନଗରର । ବିଶିଷ୍ଟ ବ୍ୟବସାୟୀ ଅଜୟସିଂ ଛତ୍ରସିଂହ ଚୁଡ଼ାସ୍ମାଙ୍କ ପୁଅ କରନ ସିଂହଙ୍କ ବିବାହ ସମାରୋହରେ ସେ ତାଙ୍କ ମନର ମଇନାକୁ ଆଣିବା ପାଇଁ ହେଲିକପ୍ଟରରେ ଯାଇଥିଲେ । ଆଉ ସେପଟେ ଏହି ଅଦ୍‌ଭୁତ ବରଯାତ୍ରୀକୁ ଦେଖିବା ପାଇଁ ଝିଅ ପକ୍ଷ ବନ୍ଧୁବାନ୍ଧବଙ୍କ ସମେତ ଭାୱନଗର ଲୋକଙ୍କ ଭିଡ଼ ଜମିଥିଲା । କେହି କେହିତ ହେଲିକପ୍ଟର ସହିତ ସେଲ୍ଫି ମଧ୍ୟ ନେଉଥିବାର ଦେଖାଯାଇଛି । 

ବ୍ୟୁରୋ ରିପୋର୍ଟ, ଇଟିଭି ଭାରତ