Goddess Durga Immersion: ବଲାଙ୍ଗୀରରେ ମେଲାଣି ନେଲେ ମା’ ଦୁର୍ଗା

ବଲାଙ୍ଗୀର: ଜିଲ୍ଲାରେ ଧୁମଧାମରେ ଶେଷ ହୋଇଛି ଜଗତଜନନୀଙ୍କ ଭସାଣ ଉତ୍ସବ । ଡିଜେ ଗୀତ ସାଙ୍ଗକୁ ଢୋଲର ତାଳେ ତାଳେ ମା'ଙ୍କୁ ଧରାପୃଷ୍ଠରୁ ବିଦାୟ ଦେଇଛନ୍ତି ଭକ୍ତ । ବୁଧବାର ସନ୍ଧ୍ୟାରେ ବଲାଙ୍ଗୀରରେ ଆରମ୍ଭ ହୋଇଥିଲା ଭସାଣ ଉତ୍ସବ । ସହରର ସବୁ ପୂଜା କମିଟି ଭବ୍ୟ ସମାରୋହର ଆୟୋଜନ କରି ବିରାଟ ପଟୁଆରାରେ ମା’ଙ୍କୁ ବିଦାୟ ଦେଇଛନ୍ତି । ରୁଗୁଡି ପଡା ପୂଜା କମିଟି ସଭାପତି ଚେତନାନନ୍ଦ ପଣ୍ଡା କହିଛନ୍ତି ଯେ, ଦୀର୍ଘ 46 ବର୍ଷ ହେବ ଆମ କମିଟି ପକ୍ଷରୁ ଦୁର୍ଗା ପୂଜା କରାଯାଉଛି । ସବୁ ଥର ପରି ଏଥର ମଧ୍ୟ ମା’ଙ୍କ ପୂଜାକୁ ଅତି ନିଷ୍ଠାର ଓ ନିୟମରେ ପୂଜାର୍ଚ୍ଚନା କରାଯାଇଥିଲା । ମନରେ ଦୁଃଖ ଥିଲେ ମଧ୍ୟ ମା'ଙ୍କୁ ବିଦାୟ ଦିଆଯାଇଛି । କଲେଜ ଛକ ପୂଜା କମିଟି ସଭାପତି ସିଦ୍ଧାର୍ଥ ଶଙ୍କର ରାଉତରାୟ କହିଛନ୍ତି ଯେ, 21 ବର୍ଷ ହେଲା ମା’ ଦୁର୍ଗାଙ୍କ ଆମେ ପୂଜା କରି ଆସୁଛୁ । ଚଳିତ ବର୍ଷ ଶାନ୍ତି ଶୃଙ୍ଖଳାରେ ମା’ଙ୍କ ପୂଜା କରାଯିବା ସହ ଭସାଣ ମଧ୍ୟ ଶେଷ ହୋଇଛି।  

ଇଟିଭି ଭାରତ, ବଲାଙ୍ଗୀର