Biden meets Maya: କିଏ ସେ କୁନି ଝିଅ ? ଯାହାକୁ ଦିଲ୍ଲୀରେ ପହଞ୍ଚିବା ପରେ ବାଇଡେନ କରିଥିଲେ ହଗ୍‌

ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଜୋ ବାଇଡେନ ଗତକାଲି ସନ୍ଧ୍ୟା ୬ଟା ୪୫ମିନିଟରେ ଭାରତରେ ପହଞ୍ଚିଥିଲେ । ଦିଲ୍ଲୀର ପାଲମ ବିମାନବନ୍ଦରରେ ବାଇଡେନଙ୍କୁ ଭବ୍ୟ ସ୍ବାଗତ କରାଯାଇଥିଲା । ବାଇଡେନଙ୍କୁ ସ୍ବାଗତ କରିବା ଲାଗି ଏକତ୍ରିତ ହୋଇଥିବା ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ ଜଣେ ଛୋଟ ଝିଅ ମଧ୍ୟ ଉପସ୍ଥିତ ଥିଲେ । ଯାହାକୁ ବାଇଡେନ ହଗ୍‌ କରିବା ସହିତ ବାର୍ତ୍ତାଳାପ କରିଥିଲେ । ଏହି କୁନି ଝିଅଟି କିଏ ସେ ନେଇ ଦେଶବାସୀଙ୍କ ମନରେ ପ୍ରଶ୍ନ ଉଙ୍କି ମାରିଥିଲା । ତେବେ ଆମେ ଆପଣଙ୍କ ଦ୍ବନ୍ଦ୍ବ ଦୂର କରିବାକୁ ଯାଉଛୁ । ଏହି କୁନି ଝିଅଟି ହେଉଛନ୍ତି ଭାରତରେ ଥିବା ଆମେରିକା ରାଷ୍ଟ୍ରଦୂତ ଏରିକ ଗାର୍ସେଟିଙ୍କ ଝିଅ ମାୟା । ଯିଏକି ବାଇଡେନଙ୍କୁ ସ୍ବାଗତ କରିବା ଲାଗି ବିମାନ ବନ୍ଦରରେ ଉପସ୍ଥିତ ଥିଲେ । ବାଇଡେନଙ୍କୁ ମାୟାଙ୍କୁ ଭେଟିବା ସମୟରେ ତାଙ୍କ ସହିତ କିଛି ବାର୍ତ୍ତାଳାପ କରିଥିଲେ ଓ ଆଲିଙ୍ଗନ କରିଥିବା ମଧ୍ୟ ଦେଖିବାକୁ ମିଳିଥିଲା । ସୂଚନା ଥାଉ କି ଆଜି (ସେପ୍ଟେମ୍ବର ୯)ଠୁ ଦିଲ୍ଲୀରେ ୨ଦିନ ଧରି ଅନୁଷ୍ଠିତ ହେବାକୁ ଥିବା ଜି-୨୦ ଶିଖର ସମ୍ମିଳନୀରେ ସାମିଲ ହେବା ଲାଗି ବାଇଡେନ ଭାରତ ଗସ୍ତରେ ଅଛନ୍ତି ।  

ବ୍ୟୁରୋ ରିପୋର୍ଟ, ଇଟିଭି ଭାରତ