କଟକରେ ସୁରୁଖୁରୁରେ ଶେଷ ହେବ କାର୍ତ୍ତିକେଶ୍ବର ପୂଜା: ଡିସିପି

କଟକ: ଚଳିତ ବର୍ଷ କଟକରେ ସୁରୁଖୁରରେ ଶେଷ ହେବ କାର୍ତ୍ତିକେଶ୍ବର ପୂଜା । ଯେପରି ଦୁର୍ଗା ପୂଜା, ଗଣେଶ ପୂଜା, କାଳୀପୂଜା ଖୁବ ଭଲ ଭାବରେ ଶେଷ ହୋଇଛି, ସେହି ଅନୁସାରେ କାର୍ତ୍ତିକେଶ୍ବର ପୂଜା ମଧ୍ୟ ସମାପନ ହେବ । ଏନେଇ ସାରଳା ଭବନରେ ପାର୍ବଣ ଋତୁର ଅନ୍ତିମ ପୂଜା କାର୍ତ୍ତିକେଶ୍ବର ପୂଜା ପ୍ରସ୍ତୁତି ବୈଠକ ଶେଷ ହୋଇଛି । କମିଶନରେଟ ପୋଲିସ ପକ୍ଷରୁ ଆୟୋଜିତ ଏହି ବୈଠକରେ ସମସ୍ତ ପୂଜା କମିଟି ଓ ଶାନ୍ତି କମିଟି କର୍ମକର୍ତ୍ତା ଯୋଗ ଦେଇଥିଲେ । କମିଶନରେଟ ପୋଲିସର ବରିଷ୍ଠ ଅଧିକାରୀମାନେ ମଧ୍ୟ ବୈଠକରେ ଉପସ୍ଥିତ ଥିଲେ । ଦୁର୍ଗାପୂଜା ଓ କାଳୀ ପୂଜା ପରି ଏହି ପୂଜା ମଧ୍ୟ ଶାନ୍ତି ଶୃଙ୍ଖଳାର ସହ ସମାପନ କରିବାକୁ ବୈଠକରେ ଯୋଜନା ପ୍ରସ୍ତୁତ ହୋଇଛି । ଆସନ୍ତା ୯ ଓ ୧୦ ତାରିଖରେ କାର୍ତ୍ତିକେଶ୍ବର ପୂଜା ଭସାଣି ପାଇଁ ଦିନ ଧାର୍ଯ୍ୟ କରାଯାଇଛି । ବାଲିଯାତ୍ରା ୮ ତାରିଖରୁ ଆରମ୍ଭ ହେଉଥିବାରୁ ଭସାଣି ସମୟରେ ସୁରକ୍ଷାର କଡା ବନ୍ଦୋବସ୍ତ କରାଯିବ ବୋଲି କଟକ ଡିସିପି କହିଛନ୍ତି । ଇଟିଭି ଭାରତ, କଟକ