Cricket World Cup 2023: 'ଭାରତୀୟ ବୋଲରଙ୍କ ଆଗରେ ତିଷ୍ଠିବନି ଦକ୍ଷିଣ ଆଫ୍ରିକା'

କଟକ: ଇଡେନ ଗାର୍ଡେନରେ ଆଜି ବଡ଼ ମୁକାବିଲା ରହିଛି । ଚଳିତବର୍ଷ ବିଶ୍ୱକପର ଏକ ରୋମାଞ୍ଚକର ମ୍ୟାଚ ଖେଳିବେ ଭାରତ ଓ ସାଉଥ ଆଫ୍ରିକା । ଗୋଟିଏ ପଟେ ବିରାଟଙ୍କ ଜନ୍ମ ଦିନ ଅନ୍ୟପଟେ ଭାରତର ଲକ୍ଷ୍ୟ ଅପରାଜେୟ । ଆଇସିସି ଦିନିକିଆ କ୍ରିକଟେ ବିଶ୍ବକପରେ ଆଜି ଭାରତ ବନାମ ସାଉଥ ଆଫ୍ରିକା ମଧ୍ୟରେ ଖେଳାଯିବ ହାଇଭୋଲ୍ଟେଜ ମ୍ୟାଚ୍‌ । ଇଡେନ ଗାର୍ଡେନରେ ମୁହାଁମୁହଁ ହେବେ ଦୁଇ ଟେବୁଲ ଟପର ଟିମ୍‌ । ସେମି ଫାଇନାଲରେ ପ୍ରବେଶ କରି ସାରିଥିବା ଭାରତ ଦକ୍ଷିଣ ଆଫ୍ରିକାକୁ ହରାଇ ଅଷ୍ଟମ ବିଜୟ ଲକ୍ଷ୍ୟରେ ରହିଛି । ସେହିପରି ଦକ୍ଷିଣ ଆଫ୍ରିକା ଆଜିର ମ୍ୟାଚ୍‌ ଜିତି ସେମିରେ ଜାଗା ପକ୍କା କରିବାକୁ ଲକ୍ଷ୍ୟ ରଖିଛି । ତେବେ କିଏ ମାରିବ ବାଜି ଏନେଇ କ୍ରୀଡା ସାମ୍ବାଦିକ ସୁକେଶ ବେହେରାଙ୍କ ସହ ସିଧାସଳଖ ଆଲୋଚନା କରିଛନ୍ତି ଆମ ସମ୍ବାଦଦାତା । ଇଡେନ୍‌ ଗାର୍ଡେନ ଭାରତକୁ ସୁହାଇବ । ବିରାଟ କୋହଲିଙ୍କଠୁ ଏକ ବଡ଼ ଇନିଂସ ଆଶା କରାଯାଇଛି । ଭାରତୀୟ ବୋଲରଙ୍କ ଆଗରେ ତିଷ୍ଠିବନି ଦକ୍ଷିଣ ଆଫ୍ରିକା ବୋଲି କହିଛନ୍ତି କ୍ରୀଡ଼ା ସମୀକ୍ଷକ ।

ଇଟିଭି ଭାରତ, କଟକ