ସାଂସଦ ପଦ ଫେରି ପାଇବା ପରେ ସଂସଦରେ ପହଞ୍ଚିଲେ ରାହୁଲ

ନୂଆଦିଲ୍ଲୀ: ସାଂସଦ ପଦ ଫେରି ପାଇବା ପରେ ସଂସଦରେ ପହଞ୍ଚିଲେ ରାହୁଲ ଗାନ୍ଧୀ । ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତିରେ ପ୍ରଥମେ ଶ୍ରଦ୍ଧାଞ୍ଜଳି ଅର୍ପଣ କରିବା ପରେ ସଂସଦ ଭବନରେ ପ୍ରବେଶ କରିଥିଲେ। ଏହି ସମୟରେ ବିରୋଧୀ ମେଣ୍ଟର ସଦସ୍ୟମାନେ ରାହୁଲ ଗାନ୍ଧୀଙ୍କୁ ସ୍ବାଗତ କରିଥିଲେ। ରାହୁଲ ଗାନ୍ଧୀ ଜିନ୍ଦାବାଦ ନାରାରେ କମ୍ପି ଉଠିଥିଲା ପୁରା ସଂସଦ ଭବନ । କଂଗ୍ରେସ ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧୀ ଓ ରାହୁଲ ଗାନ୍ଧୀ ସଂସଦ ଭବନରେ ବୁଲି ଥିବାର ନଜର ଆସିଛନ୍ତି । ମୋଦି ସର୍‌ନେମ୍ ମାମଲାରେ ଗତ ମାର୍ଚ୍ଚ ୨୪ ତାରିଖରେ ସାଂସଦ ପଦ ହରାଇଥିଲେ ରାହୁଲ ଗାନ୍ଧୀ । ଦୀର୍ଘ 5 ମାସ ପରେ ପୁଣି ସାଂସଦ ପଦ ଫେରି ପାଇଛନ୍ତି ରାହୁଲ ଗାନ୍ଧୀ । ଏହାକୁ ନେଇ କଂଗ୍ରେସ ମହଲରେ ଖୁସିର ଲହରି ଖେଳିଯାଇଛି। ମିଠା ଖୁଆଇ ବଜା ବଜାଇ ସୋନିଆ ଗାନ୍ଧୀଙ୍କ ବାସଭବନ ସମ୍ମୁଖରେ ଉତ୍ସବ ମନାଉଛନ୍ତି କଂଗ୍ରେସ କର୍ମୀ। 

ବ୍ୟୁରୋ ରିପୋର୍ଟ, ଇଟିଭି ଭାରତ