Karnataka elections: ଡେଲିଭରୀ ବଏଙ୍କ ସ୍କୁଟରରେ ବୁଲିଲେ ରାହୁଲ ଗାନ୍ଧୀ

ବେଙ୍ଗାଲୁରୁ: କର୍ଣ୍ଣାଟକରେ ଦଳ ପାଇଁ ପ୍ରଚାର ଜାରି ରଖିଥିବା କଂଗ୍ରେସ ନେତା ରାହୁଲ ଗାନ୍ଧୀ ଆଜି ଜଣେ ଡେଲିଭରୀ ବଏଙ୍କ ସ୍କୁଟରରେ ବୁଲିଛନ୍ତି । ବେଙ୍ଗାଲୁରରେ ରାହୁଲଙ୍କ ପ୍ରଚାର ସମୟରେ ଏହି ଡେଲିଭରୀ ବଏଙ୍କ ସହ ତାଙ୍କର ସାକ୍ଷାତ ହୋଇଥିଲା । ରାହୁଲ ତାଙ୍କ ସ୍କୁଟରର ପଛ ସିଟରେ ବସିଥିବା ବେଳେ ଉକ୍ତ ଡେଲିଭରୀ ବଏଜଣଙ୍କ କିଛି ବାଟ ସ୍କୁଟର ଚଳାଇଥିଲେ ।

ଚଳିତ 10 ତାରିଖରେ ଏଠାରେ ନିର୍ବାଚନ ହେବାକୁ ଯାଉଛି । ବିଜେପି ଶାସନରେ ଥିବା ବେଳେ ମୁଖ୍ୟ ବିରୋଧୀ ସ୍ଥାନରେ କଂଗ୍ରେସ ରହିଛି । ବିଜେପି ପାଇଁ ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଜଧାନୀ ବେଙ୍ଗାଲୁରୁରେ ରୋଡ ସୋ’ କରିଥିଲେ । ଆଜି କଂଗ୍ରେସ ପାଇଁ ରାହୁଲ ଗାନ୍ଧୀ ମଧ୍ୟ ବେଙ୍ଗାଲୁରୁର ବିଭିନ୍ନ ସ୍ଥାନରେ ପ୍ରଚାର ଜାରି ରଖିଛନ୍ତି । 10 ତାରିଖରେ ଏକକ ପର୍ଯ୍ୟାୟରେ ରାଜ୍ୟରେ ମତଦାନ ଶେଷ ହେବା ପରେ 13ରେ ଭୋଟଗଣତି ଓ ଜନାଦେଶ ପ୍ରକାଶ ପାଇବ । ଉଭୟ କଂଗ୍ରେସ ଓ ବିଜେପି କ୍ଷମତା ହାତେଇବା ପାଇଁ ପ୍ରାଣମୂର୍ଚ୍ଛା ପ୍ରୟାସ ଜାରି ରଖିଛନ୍ତି ।