Chandrayaan-3: ଇତିହାସ ରଚିଲା ଇସ୍ରୋ, ଚାନ୍ଦକୁ ଗଲା ଭାରତର ଚନ୍ଦ୍ରଯାନ; ସଫଳତା ପାଇଁ ଦୀପଦାନ ସହିତ ପୂଜାର୍ଚ୍ଚନା

ବ୍ରହ୍ମପୁର: ସମସ୍ତ ପ୍ରତୀକ୍ଷାର ଅନ୍ତ ପରେ ଚନ୍ଦ୍ରଯାନ-୩ ମିଶନ ଆରମ୍ଭ ହୋଇଯାଇଛି । ଚନ୍ଦ୍ରକୁ ଛୁଇଁବା ପାଇଁ  ଇସ୍ରୋ ପକ୍ଷରୁ ଶ୍ରୀହରିକୋଟାରୁ ଉତକ୍ଷେପଣ ହୋଇଛି ଚନ୍ଦ୍ରଯାନ-୩ । ଦେଶର ଏହି ମିଶନର ସଫଳତା କାମନା କରି ରେଶମ ସହର ବ୍ରହ୍ମପୁରର ଜନସାଧାରଣଙ୍କ ପକ୍ଷରୁ ସହରର କୋର୍ଟପେଟା ଜଗନ୍ନାଥ ମନ୍ଦିରରେ ପୂଜାର୍ଚ୍ଚନା କରାଯାଇଛି । ଏହି ମିଶନ ସଫଳ ହେଲେ ଭାରତ ଚନ୍ଦ୍ରରେ ପହଞ୍ଚିବାରେ ପୃଥିବୀର ଚତୁର୍ଥ ଦେଶ ହେବାକୁ ଯାଉଥିବାରୁ ଏହାକୁ ନେଇ ସମସ୍ତଙ୍କ ମନରେ ଦେଖିବାକୁ ମିଳିଛି ଉତ୍ସାହ।

ଦୀର୍ଘ ଦିନ ଧରି ଉଦ୍ୟମ ଜାରି ରହିଥିବା ବୈଜ୍ଞାନିକମାନଙ୍କ ସମସ୍ତ ପ୍ରୟାସ ସଫଳ ହେବା ପାଇଁ ଜଗତର ନାଥ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ବଳନ କରାଯାଇ ପ୍ରାର୍ଥନା କରାଯାଇଛି । ସମସ୍ତେ ବେଶ ଖିସି ଥିବା କହିବା ସହ ଭଗବାନଙ୍କ ନିକଟରେ ସଫଳତା କାମନା କରିଛନ୍ତି। ତେବେ ଜହ୍ନ ରାଇଜକୁ ପହଞ୍ଚିବା ଭଳି ସଫଳତା ପାଇଁ କେବଳ ଦେଶ କାହିଁକି ସମଗ୍ର ବିଶ୍ୱବାସୀ ଅପେକ୍ଷା କରି ରହିଛନ୍ତି । 

ଇଟିଭି ଭାରତ, ବ୍ରହ୍ମପୁର