Watch: ମଥୁରାରେ କୋଠା ଭୁଶୁଡିବା ଘଟଣା, ଆସିଲା ସିସିଟିଭି ଫୁଟେଜ

ଲକ୍ଷ୍ନୌ: ଉତ୍ତର ପ୍ରଦେଶ ମଥୁରାରେ କୋଠା ଭୁଶୁଡି ୫ ମୃତ ଘଟଣା । ଆସିଲା ସିସିଟିଭି ଫୁଟେଜ । ସିସିଟିଭିରେ କଏଦ ହୋଇଛି କୋଠା ଭୁଶୁଡିବାର ଭୟଙ୍କର ଦୃଶ୍ୟ । ବାଙ୍କବିହାରୀ ମନ୍ଦିର ନିକଟରେ ଥିବା ଏହି ପୁରୁଣା କୋଠାର ଉପର ଅଂଶ ହଠାତ୍ ଭୁଶୁଡି ପଡିଥିଲା । କୋଠାର ଭଗ୍ନାବଶେଷ ତଳେ 5 ଜଣ ଲୋକେ ଚାପି ହୋଇ ପ୍ରାଣ ହରାଇଥିଲେ । ଏହି ଦୁର୍ଘଟଣାରେ ଅନେକ ଲୋକ ଆହତ ମଧ୍ୟ ହୋଇଛନ୍ତି ।  

ଅନ୍ୟପଟେ ସରକାରୀ ଭାବେ ମୃତକଙ୍କ ସମ୍ପର୍କରେ କିଛି କୁହାଯାଇନଥିବା ବେଳେ ଗଣମାଧ୍ୟମରେ ସେମାନଙ୍କ ପରିଚୟ ସ୍ପଷ୍ଟ ହୋଇଥିବା ଖବର ପ୍ରକାଶ ପାଇଛି । ପ୍ରାଣ ହରାଇଥିବା 5ଜଣଙ୍କ ମଧ୍ୟରୁ 3ଜଣ କାନପୁରର ଓ 2 ଜଣ ବୃନ୍ଦାବନର ବାସିନ୍ଦା । ସେମାନେ ମନ୍ଦିରକୁ ଦର୍ଶନ ପାଇଁ ଆସିଥିଲେ । ମୃତକଙ୍କ ନାମ ଗୀତା କଶ୍ୟପ, ଅରବିନ୍ଦ କୁମାର ,ରଶ୍ମୀ ଗୁପ୍ତା ଓ ଅଞ୍ଜୁ ମୁଗି । ଅନ୍ୟ ଜଣେ ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳିନାହିଁ । ପୋଲିସ ମୃତକଙ୍କ ପରିଚୟ ସଂଗ୍ରହ କରିବାରେ ଲାଗିଛି । ତେବେ କୋଠା ଭୁଶୁଡିବାର ନିର୍ଦ୍ଦିଷ୍ଟ କାରଣ ଜଣାପଡିନଥିଲେ ସୁଦ୍ଧା ପୁରୁଣା କୋଠାଟି ଦୁର୍ବଳ ହୋଇ ପଡିଥିବା କାରଣରୁ ଭୁଶୁଡି ପଡିଥିବା ସନ୍ଦେହ କରାଯାଇଛି ।

ବ୍ୟୁରୋ ରିପୋର୍ଟ , ଇଟିଭି  ଭାରତ