ଛତିଶଗଡରେ ବିଜେପି ସରକାର ନିଶ୍ଚିତ: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ରାୟପୁର: ଛତିଶଗଡ ବିଧାନସଭା ନିର୍ବାଚନ ପ୍ରଚାର ମୈଦାନକୁ ଓହ୍ଲାଇଲେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଜି ଦଳୀୟ ପ୍ରାର୍ଥୀ ପୁରନ୍ଦର ମିଶ୍ରାଙ୍କ ପାଇଁ ଉତ୍ତର ରାୟପୁର ଆସନରେ ପ୍ରଚାର କରିବା ସହିତ ଜନସଭାକୁ ସମ୍ବୋଧିତ କରିଛନ୍ତି । ଏହାସହ ରୋଡ ଶୋ ’ ଓ ପ୍ରେସମିଟ କରି ଧର୍ମେନ୍ଦ୍ର ପ୍ରଧାନ ଛତିଶଗଡରେ ପୁଣି ଥରେ ବିଜେପି କ୍ଷମତାକୁ ଫେରିବ ବୋଲି ଦମ୍ଭୋକ୍ତି  ଦେଖାଇଛନ୍ତି । ଏହାସହ କେନ୍ଦ୍ର ସରକାରଙ୍କ ବିଭିନ୍ନ କଲ୍ୟାଣକାରୀ ଯୋଜନା, ପ୍ରଧାନମନ୍ତ୍ରୀ ମୋଦିଙ୍କ ଦୃଢ ନେତୃ୍ତ୍ବ ଭାରତର ପ୍ରଗତିକୁ ଛତିଶଗଡବାସୀ ଗ୍ରହଣ କରିବେ ବିଜେପିକୁ ଭୋଟ ଦେବେ ବୋଲି କହିଛନ୍ତି । ଏହାସହ ଛତିଶଗଡରେ ନିଶ୍ଚିତ ଭାବେ ପୁଣି ଥରେ ବିଜେପି ସରକାର ଗଠନ କରିବ । ଭ୍ରଷ୍ଟାଚାରିଙ୍କୁ ଜେଲ ପଠାଯିବ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ । ସେହିପରି ଧର୍ମେନ୍ଦ୍ର ପ୍ରଧାନ ଆସନ୍ତାକାଲି ମଧ୍ୟ ଏକାଧିକ ବିଧାନସଭା କ୍ଷେତ୍ରରେ ପ୍ରଚାର କରିବା ସହିତ ଦଳୀୟ ପ୍ରାର୍ଥୀଙ୍କ ପାଇଁ ଭୋଟ ମାଗିବେ ।