5T ସଚିବଙ୍କ ଗଞ୍ଜାମ ଗସ୍ତ, କଳାପତାକା ଦେଖାଇ ବିରୋଧ କଲା ବିଜେପି

ବ୍ରହ୍ମପୁର: ଆଜି 5T ସଚିବ ଭିକେ ପାଣ୍ଡିଆନଙ୍କ ଗଞ୍ଜାମ ଗସ୍ତକୁ ନେଇ ହାଇଡ୍ରାମା ଦେଖିବାକୁ ମିଳିଛି । ଗୋଟିଏ ପଟେ ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ବିଜେଡି କର୍ମୀଙ୍କ ଅଣ୍ଡା ଓ ପଥରମାଡ଼, ତଥା ବିଧାୟକଙ୍କ ସମର୍ଥକ ଓ ବିଜେଡି କର୍ମୀ ହାତାହାତି ହେବା ଘଟଣା ଦିନ ତମାମ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ଅନ୍ୟପଟେ 5T ସଚିବଙ୍କ ଗଞ୍ଜାମ ଗସ୍ତକୁ ବିଜେପି ପକ୍ଷରୁ ବିରୋଧ ପ୍ରଦର୍ଶନ କରାଯାଇଛି । ଗଞ୍ଜାମ କନିଷି ନିକଟରେ ଜିଲ୍ଲା ବିଜେପି ସଭାପତି ବିଭୂତି ଜେନାଙ୍କ ନେତୃତ୍ବରେ ଅନେକ ବିଜେପି କର୍ମୀ ଏକାଠି ହୋଇ 5T ସଚିବଙ୍କ ଜିଲ୍ଲା ଗସ୍ତର ପ୍ରତିବାଦ କରିଛନ୍ତି । ସେ କେବଳ ଜଣେ ସରକାରୀ ଚାକିରିଆ ହୋଇ କିପରି ଏଭଳି ରାଜନୈତିକ କାର୍ଯ୍ୟକ୍ରମ କରୁଛନ୍ତି ବୋଲି ପ୍ରଶ୍ନ କରିଛି ବିଜେପି ।

ଏହା ମଧ୍ୟ ପଢ଼ନ୍ତୁ...ଗୋପାଳପୁର ବିଧାୟକଙ୍କୁ ଆକ୍ରମଣ ଉଦ୍ୟମ, ପୋଲିସ ଉପସ୍ଥିତିରେ ବିଧାୟକଙ୍କ ସମର୍ଥକ ଓ ବିଜେଡି କର୍ମୀ ଠେଲାପେଲା

ଇଟିଭି ଭାରତ, ବ୍ରହ୍ମପୁର