ବାହାନଗାରେ ଭୟଙ୍କର ଟ୍ରେନ୍‌ ଦୁର୍ଘଟଣା, ରାୟଗଡ଼ାରେ ମୃତକଙ୍କୁ ଶ୍ରଦ୍ଧାଞ୍ଜଳି ଜଣାଇଲା ବିଜେଡି

ରାୟଗଡା: ବାହାନଗାର ଭୟଙ୍କର ଟ୍ରେନ ଟ୍ରାଜେଡିରେ ମୃତକଙ୍କୁ ଶ୍ରଦ୍ଧାଞ୍ଜଳି ଜଣାଇଲା ଜିଲ୍ଲା ବିଜେଡି । ଗତ ଶୁକ୍ରବାର ରାତିରେ ବାଲେଶ୍ୱର ଜିଲ୍ଲା ବାହନଗାଠାରେ ଘଟିଗଲା ଭୟଙ୍କର ଟ୍ରେନ ଦୁର୍ଘଟଣା । ୩ଟି ଟ୍ରେନ୍ ଦୁର୍ଘଟଣାଗ୍ରସ୍ତ ହେବା ଫଳରେ ଟ୍ରାକରୁ ଦୁଇଟି ଟ୍ରେନ୍‌ର ୧୭ଟି କୋଚ୍‌ ଲାଇନ ଚ୍ୟୁତ୍ ହୋଇ ଭୟଙ୍କର ଭାବେ କ୍ଷତିଗ୍ରସ୍ତ ହୋଇଛି । ସକାଳୁ ସକାଳୁ ଦେଖିବାକୁ ମିଳିଥିଲା ଦୁର୍ଘଟଣାର ସେ ଭୟଙ୍କର ଦୃଶ୍ୟ । ଏ ଦୃ୍ଶ୍ୟ  ଖାଲି ସ୍ଥାନୀୟ ବାସିନ୍ଦା ନୁହେଁ, ସାରା ବିଶ୍ୱବାସୀଙ୍କ ହୃଦୟକୁ ଭିଜାଇ ଦେଇଛି । ସମସ୍ତେ ସ୍ତବ୍ଧ । ସମସ୍ତଙ୍କ ହୃଦୟ ଶୋକାକୁଳ । ସବୁଠି ଶୋକର ବାର୍ତ୍ତା ଛୁଟୁଛି । ଏହି କ୍ରମରେ ରାୟଗଡା ଜିଲ୍ଲା ସଦର ମହକୁମା ସ୍ଥିତ ଗାନ୍ଧୀ ପାର୍କଠାରେ ଜିଲ୍ଲା ବିଜେଡି ପକ୍ଷରୁ ଏହି ଦୁର୍ଘଟଣାରେ ମୃତକଙ୍କୁ କ୍ୟାଣ୍ଡେଲ ଜାଲି ଶ୍ରଦ୍ଧାଞ୍ଜଳି ଦିଆଯାଇଛି । ଏଥିରେ ଆଦିବାସୀ କଲ୍ୟାଣ ତଥା ଆଇନ ମନ୍ତ୍ରୀ ଜଗନ୍ନାଥ ସାରକା , ଜିଲ୍ଲା ବିଜେଡି ସଭାପତି ତଥା ରାଜ୍ୟ ବିଜୁ ସ୍ୱାସ୍ଥ୍ୟ କଲ୍ଯାଣ ଯୋଜନାର ଉପଦେଷ୍ଟା , ଜିଲ୍ଲା ସଂସ୍କୃତି ପରିଷଦ ଅଧ୍ୟକ୍ଷା ଅନୁଶୟା ମାଝି , ଜିଲ୍ଲାପରିଷଦ ଅଧ୍ୟକ୍ଷା ସରସ୍ଵତୀ ମାଝି ପ୍ରମୁଖ ଯୋଗ ଦେଇ ମୃତକଙ୍କ ପରିବାରକୁ ସମବେଦନା ଜଣାଇବା ସହ ଆହତଙ୍କ ଆଶୁ ଆରୋଗ୍ୟ କାମନା କରିଥିଲେ । 

ଇଟିଭି ଭାରତ, ରାୟଗଡା