120 ଘଣ୍ଟା ଲଗାତାର ତାବଲା ବଜାଇ ବିଶ୍ୱ ରେକର୍ଡ କଲେ ପଞ୍ଜାବର ଅମ୍ରିତପ୍ରୀତ

ଚଣ୍ଡିଗଡ: 120 ଘଣ୍ଟା ଲଗାତାର ତାବଲା ବଜାଇ ବିଶ୍ବ ରେକର୍ଡ । ପଞ୍ଜାବର ବଟାଳା ସହର ଉତ୍ତମ ନଗର ନିବାସୀ ଅମ୍ରିତପ୍ରୀତ ସିଂ ଏହି ବିଶ୍ବ ରେକର୍ଡ କରିଛନ୍ତି। ସେ 5 ଦିନ ଧରି  ଲଗାତାର ତାବଲା ବଜାଇଛନ୍ତି। 31 ଡିସେମ୍ବର ରୁ ତାବଲା ବଜାଇବା ଆରମ୍ଭ କରି ଜାନୁଆରୀ 5 ତାରିଖ ଯାଏଁ ବଜାଇ ଥିଲେ ।  

ତେବେ ଏନେଇ  ଅମ୍ରିତପ୍ରୀତ କହିଛନ୍ତି ଯେ,  ଏହା ପୂର୍ବରୁ ବଟାଲାର ଜଣେ ଯୁବକ ଏହି ରେକର୍ଡ କରିଥିଲେ ଯିଏକି  110 ଘଣ୍ଟା ଧରି ଲଗାତାର ତାବଲା ବଜାଇ ରେକର୍ଡ କରିଥିଲେ । କିନ୍ତୁ  ଉକ୍ତ ବ୍ୟକ୍ତିଙ୍କୁ ପଛରେ ପକାଇ ଅମ୍ରିତପ୍ରୀତ 120 ଘଣ୍ଟା ଧରି ଲଗାତାର ତାବଲା ବଜାଇବା ସହ ବିଶ୍ବ ରେକର୍ଡ ହାସିଲ କରିଛନ୍ତି  । ତେବେ ପିତା ଗୁରୁଦର୍ଶନ ସିଂ ଏବଂ ମାତା ଭୁପିନ୍ଦର କୌରଙ୍କ ସହିତ ସମ୍ପର୍କୀୟମାନେ ତାଙ୍କ ନାମ ବିଶ୍ୱ ରେକର୍ଡରେ ପଞ୍ଜୀକୃତ ହୋଇଥିବାରୁ ଖୁସି ବ୍ୟକ୍ତ କରିଛନ୍ତି ।  

ବ୍ୟୁରୋ ରିପୋର୍ଟ, ଇଟିଭି ଭାରତ