ଜମି ଅଧିଗ୍ରହଣ ପାଇଁ ଯାଇ ଫସିଲେ MCL କର୍ତ୍ତୃପକ୍ଷ!

କୋଇଲା ଖଣି ସମ୍ପ୍ରସାରଣ ପାଇଁ ଉଚ୍ଛେଦ ବେଳେ ଉତ୍ତେଜନା । ଗ୍ରାମବାସୀ ଓ ପୋଲିସ ମୁହାଁମୁହିଁ । ମଙ୍ଗଳବାର ଏଭଳି ସ୍ଥିତି ଲାଗି ରହିଥିଲା ତାଳଚେର ହିଙ୍ଗୁଳା କୋଇଲା ଖଣି ଅଞ୍ଚଳରେ । ଏହି ଖଣିର ସମ୍ପ୍ରସାରଣ ପାଇଁ ଭାଲୁଗାଡ଼ିଆ ଗାଁର ନାଏକ ସାହିର ପ୍ରାୟ ୪୦ ପରିବାର ଘର ଭାଙ୍ଗିବା ପାଇଁ MCL ମେସିନ ନେଇ ପହଞ୍ଚିଥିଲା। ସାଙ୍ଗରେ ଥିଲେ ଜିଲ୍ଲା ଏସପିଙ୍କ ସହ ଶହ ଶହ ପୋଲିସ, ତାଳଚେର ଉପଜିଲ୍ଲାପାଳ ଓ ମାଜିଷ୍ଟ୍ରେଟ । ଗାଁ ଲୋକେ ଉଚ୍ଛେଦକୁ ବିରୋଧ କରିବାରୁ ମୁହାଁମୁହିଁ ପରିସ୍ଥିତି ଉପୁଜିଥିଲା।