ସୁନ୍ଦରଗଡରେ ଜଘନ୍ୟ ହତ୍ୟାକାଣ୍ତ: ପୋଖରୀ କୂଳରେ ମୁଣ୍ତ ବିହୀନ ଶରୀର

ସୁନ୍ଦରଗଡ: ବିଭତ୍ସ, ଭୟଙ୍କର ଓ ବର୍ବର । ସୁନ୍ଦରଗଡ ଅଞ୍ଚଳକୁ ସ୍ତବ୍ଧ କରିଦେଇଛି ରମେଶ ସିଂଙ୍କ ଜଘନ୍ୟ ହତ୍ୟାକାଣ୍ଡ। ଶରୀରକୁ ଖଣ୍ଡଖଣ୍ଡ କରି ଏଣେତେଣେ ଫିଙ୍ଗି ଦେଇଛି ହତ୍ୟାକାରୀ । ପୋଲିସକୁ ମୃତ ଦେହର ବିଭିନ୍ନ ଅଙ୍ଗ ଅନେକ ସ୍ଥାନରୁ ମିଳିଛି । (ଗୁରୁବାର) ରାତିରେ ପ୍ରଥମେ ଆମ୍ବିଆନସ୍ ହୋଟେଲ ପଛପଟ ଧାନ ବିଲରୁ ଗୋଟିଏ କଟା ହାତ ପୋଲିସ ଉଦ୍ଧାର କରିଥିଲା । ପରେ ମଧ୍ୟରାତ୍ରୀରେ ଏକ ପୋଖରୀ କୂଳରୁ ହାତ,ଗୋଡ ଓ ମୁଣ୍ତ ବିହୀନ ଶରୀରକୁ ଉଦ୍ଧାର କରିଥିଲା ପୋଲିସ । ଆଜି (ଶୁକ୍ରବାର) ଶରୀରର ଗୋଟିଏ ହାତ ,ଗୋଟିଏ ଗୋଡ ଓ ଅଧ ପୋଡା ମୁଣ୍ଡକୁ ପୋଖରୀରୁ ପାଇଛି ତଦନ୍ତକାରୀ ଟିମ । ତେବେ ଏବେ ବି ଶରୀର ଗୋଟିଏ ଗୋଡକୁ ଖୋଜୁଛି ପୋଲିସ । ଯେଉଁ ଯେଉଁ ସ୍ଥାନରେ ମୃତଦେହର ଅଂଶ ବିଶେଷ ପୋଲିସକୁ ମିଳିଛି ସେହି ସବୁ ସ୍ଥାନରେ ପୋଲିସ ଫୋର୍ସ ମୃତୟନ ହୋଇଛନ୍ତି । ଓଡ୍ରାଫ୍, ଫାୟାର ଟିମ୍, ସନ୍ଧାନୀ କୁକୁର, ସାଇଣ୍ଟିଫିକ ଟିମର ସର୍ଚ୍ଚ ଅପରେସନ ଜାରି ରଖିଛି ।