8 ଜଣିଆ ଡକାୟତ ଗ୍ଯାଙ୍ଗକୁ ଧରିଲା ବୌଦ୍ଧ ଜିଲ୍ଲା ପୋଲିସ

ବୌଦ୍ଧ: ଜିଲ୍ଲା ପୋଲିସକୁ ମିଳିଛି ବଡ ସଫଳତା । ଏକ ଆଠ ଜଣିଆ ଡକାୟତ ଗ୍ୟାଙ୍ଗକୁ କାବୁ କରିବା ସହ ସେମାନଙ୍କଠାରୁ ଏକ ମାଉଜର, ଦୁଇଟି ଭୁଜାଲି ଓ ଏକ ଇନୋଭା କାରକୁ ପୋଲିସ ଉଦ୍ଧାର କରିଛି । ନାଟକୀୟ ଢଙ୍ଗରେ ଜିଲ୍ଲା ପୋଲିସ ଡକାୟତ ଗ୍ୟାଙ୍ଗଙ୍କୁ ଧରିଛି । ଭୁବନେଶ୍ୱରରୁ ବଲାଙ୍ଗୀରକୁ ବିବାହ ଭୋଜି ପାଇଁ ଏକ ଟ୍ରାଭେଲ ଏଜେଣ୍ଟଙ୍କଠାରୁ ଭଡାରେ ଈନୋଭା କାର ନେଇଥିଲେ କିଛି ଯୁବକ । ତେବେ ସେମାନେ ଫେରିବା ସମୟରେ କାରର ଡ୍ରାଇଭର ସେମାନଙ୍କର କିଛି ମନ୍ଦ ଉଦ୍ଦେଶ୍ୟ ରହିଛି ବୋଲି ଠଉରାଇ ନିଜ ମାଲିକକୁ ମୋବାଇଲରେ ମେସେଜ ପଠାଇଥିଲେ । ଏହି ଖବର ବୌଦ୍ଧ ଏସପିଙ୍କ ନିକଟରେ ପହଞ୍ଚିବା ପରେ ଜିଲ୍ଲା ପୋଲିସ ତତକ୍ଷଣାତ ତତ୍ପର ହୋଇଉଠିଥିଲା ।