ବିନା ଦଳରେ ଲୋକଙ୍କ ଭଲପାଇବା ଓ ଆଶୀର୍ବାଦ ବିଜୟ କରିଛି: ସ୍ବାଧୀନ ପ୍ରାର୍ଥୀ ବନ୍ଦିତା ପାଲ

ଭୁବନେଶ୍ୱର: ମହାନଗର ନିଗମ ପାଇଁ ଆରମ୍ଭ ହୋଇଛି ଭୋଟ ଗଣତି । ସାରା ରାଜ୍ୟରେ ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇ ଥିବାବେଳେ ଭୁବନେଶ୍ୱରରେ କିନ୍ତୁ ବିଳମ୍ବରେ ଆରମ୍ଭ ହୋଇଛି । ଗତକାଲି ରାତିରେ ବିଜେବି କଲେଜରେ ହୋଇଥିବା ଷ୍ଟ୍ରଙ୍ଗରୁମରେ ସାମ୍ନାରେ ଉତ୍ତେଜନା କାରଣରୁ ଆଜି ବିଳମ୍ବରେ ଆରମ୍ଭ ହୋଇଥିଲା । ତେବେ ଭୁବନେଶ୍ୱର ମହାନଗର ନିଗମରେ ଭୋଟ ଗଣତିରେ ଆଗୁଆ ରହିଛି ବିଜୁ ଜନତା ଦଳ । ତେବେ ବର୍ତ୍ତମାନ ସୁଦ୍ଧା ୩୦ ରୁ ଊର୍ଦ୍ଧ୍ବ କର୍ପୋରେଟର ପ୍ରାର୍ଥୀଙ୍କର ଫଳାଫଳ ଆସି ଥିବାବେଳେ ବିଜେଡି ଆଗୁଆ ରହିଛି । ପରେ ପରେ ବିଜେପି ଓ କଂଗ୍ରେସ ରହିଥିଲେ ମଧ୍ୟ ୪ ଜଣ ସ୍ୱାଧୀନ ପ୍ରାର୍ଥୀ ବିଜୟ ଲାଭ କରିଛନ୍ତି । ଏହାରି ଭିତରେ ହାଇପ୍ରୋଫାଇଲ ୱାର୍ଡ ୩୭ ରୁ ସ୍ୱାଧୀନ ପ୍ରାର୍ଥୀ ବନ୍ଦିତା ପାଲ ବିଜେଡିର ପୂର୍ବତନ କର୍ପୋରେଟର ନବ ବେହେରାଙ୍କୁ ହରାଇ ବିଜୟୀ ହୋଇଛନ୍ତି । ତେବେ ବନ୍ଦିତା ଏହାକୁ ମିଶାଇ ଦୁଇ-ଦୁଇ ଥର ବିଜୟୀ ହୋଇଛନ୍ତି । ବିଜୟୀ ପରେ କଣ କହୁଛନ୍ତି ବନ୍ଦିତା, ଶୁଣନ୍ତୁ... ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ