Panchayat Poll: ମାଛ ଧରି ପ୍ରଚାର କରୁଛନ୍ତି ପୂର୍ବତନ ସେନା କର୍ମଚାରୀ

ବ୍ରହ୍ମପୁର: ଭିନ୍ନ ତରିକାରେ ନିର୍ବାଚନ ପ୍ରଚାର । ପଞ୍ଚାୟତ ନିର୍ବାଚନରେ ପ୍ରାର୍ଥୀ ଓ ପ୍ରାର୍ଥନୀ ମାନେ ବିଭିନ୍ନ ତରିକାରେ ଭୋଟରଙ୍କୁ ଆକୃଷ୍ଟ କରିବାକୁ ଉଦ୍ୟମ ଜାରି ରଖୁଥିବା ବେଳେ ଗଞ୍ଜାମ ଜିଲ୍ଲାର ରଙ୍ଗେଇଲୁଣ୍ଡା ବ୍ଳକର ବକ୍ସିପଲ୍ଲୀ ପଞ୍ଚାୟତରେ ଚଳିତ ବର୍ଷ ସରପଞ୍ଚ ପଦବୀ ପାଇଁ ପ୍ରତିଦ୍ବନ୍ଦିତା କରୁଥିବା ଏ.ନାରାସି°ମୁଲୁ ପ୍ରାର୍ଥୀ ହୋଇଛନ୍ତି । ଏହି ପ୍ରାର୍ଥୀଙ୍କୁ ନିର୍ବାଚନରେ ମାଛ ଚିହ୍ନ ମିଳିଥିବା ବେଳେ ସେ ଏକ ମାଛକୁ ଧରି ନିଜ ସମର୍ଥକଙ୍କ ସହିତ ଜାରି ରଖିଛନ୍ତି ପ୍ରଚାର । ଦୀର୍ଘ ବର୍ଷ ଧରି ପଞ୍ଚାୟତରେ ନାନା ସମସ୍ୟା ରହିଥିବା ବେଳେ ଶେଷରେ ଏହାର ସମାଧାନ କରିବା ପାଇଁ ଜଣେ ଅବସରପ୍ରାପ୍ତ ସେନା କର୍ମଚାରୀ ଚଳିତ ଥର ପ୍ରାର୍ଥୀ ହୋଇ ଘରକୁ ଘର ବୁଲି ନିଜର ପ୍ରଚାର ଜାରି ରଖିଛନ୍ତି । ସେପଟେ ପଞ୍ଚାୟତରେ ଅନେକ ସମସ୍ୟା ରହିଥିବାରୁ ସାଧାରଣ ଜନତାଙ୍କ ସେବା ଯିଏ କରିବ ସେଭଳି ପ୍ରାର୍ଥୀଙ୍କୁ ଚଳିତ ନିର୍ବାଚନରେ ଚୟନ କରିବେ ବୋଲି କହିଛନ୍ତି । ତେବେ ନେଇ ପ୍ରାର୍ଥୀଙ୍କ ଡୋର ଡୁ ଡୋର କ୍ୟାମ୍ପେନ ସହିତ ଆଲୋଚନା କରିଛନ୍ତି ବ୍ରହ୍ମପୁର ସମ୍ବାଦଦାତା ସମୀର ଆଚାର୍ଯ୍ୟ ।