ସୁରତରୁ ଆନନ୍ଦପୁର ଆସିଲେ 53 ପ୍ରବାସୀ ଓଡ଼ିଆ

ଆନନ୍ଦପୁର: କୋରୋନା ପାଇଁ ବାହାର ରାଜ୍ୟରେ ଫସି ରହିଛନ୍ତି ବହୁ ଓଡ଼ିଆ । ଏବେ ସେମାନଙ୍କୁ ଫେରାଇ ଆଣିବା ପାଇଁ ସରକାର ଯଥା ସମ୍ଭବ ଚେଷ୍ଟା ଚଳାଇଛନ୍ତି । ତେବେ ସୁରତରୁ ଓଡ଼ିଆଙ୍କୁ ନେଇ ଆନନ୍ଦପୁର ଅଭିମୁଖେ ବାହାରିଥିବା ବସ ଶନିବାର ହାଟଡ଼ିହି ବ୍ଲକ ପରିସରରେ ପହଞ୍ଚିଛି । ବସରେ ସର୍ବମୋଟ ୫୩ଜଣ ପ୍ରବାସୀ ଓଡ଼ିଆ ଫେରିଥିବା ଜଣା ପଡ଼ିଛି । ବସଟି ବରଗଡ଼ ଲୋହାରଚଟି ରାସ୍ତା ଦେଇ ଓଡ଼ିଶା ମଧ୍ୟରେ ପ୍ରବେଶ କରିବା ପରେ ସେଠାରେ ସମସ୍ତ ଯାତ୍ରୀଙ୍କର ସ୍ୱାସ୍ଥ୍ୟ ପରୀକ୍ଷା ହୋଇଥିଲା । ହାଟଡ଼ିହି ବ୍ଲକରେ ବସ ପହଞ୍ଚିବା ପରେ ସେମାନଙ୍କୁ ପ୍ରଶାସନ ସହାୟତାରେ ନିଜ ନିଜ ପଞ୍ଚାୟତ ଅଧିନ କ୍ବାରେଣ୍ଟାଇନ ସେଣ୍ଟରରେ ଭର୍ତ୍ତି କରାଯାଇଛି ।