ରାମ ମନ୍ଦିର ବେଢାରେ ପୋଛା ମାରିଲେ ଅଭିନେତା ଜ୍ୟାକି ଶ୍ରଫ

Jackie Shroff Cleaning Stairs Of Ram Mandir: ମୁମ୍ବାଇ: ଅଭିନୟ ବ୍ୟତୀତ ବଲିଉଡ ଅଭିନେତା ଜ୍ୟାକି ଶ୍ରଫ ଜଣେ ଫିଟନେସ ଏବଂ ପ୍ରକୃତି ପ୍ରେମୀ ଭାବରେ ବେଶ ଜଣାଶୁଣା । ସେ ପ୍ରାୟତଃ ଅନେକ ଇଭେଣ୍ଟରେ ଚାରା ଉପହାର ଦେଉଥିବାର ଦେଖିବାକୁ ମିଳିଥାଏ । ଏହାରି ମଧ୍ୟରେ ବର୍ତ୍ତମାନ ଅଭିନେତାଙ୍କ ଏକ ଭିଡିଓ ସାମ୍ନାକୁ ଆସିଛି ।  ଯେଉଁଥିରେ 'ଅପନା ବିଡୁ' ଜ୍ୟାକି ଶ୍ରଫ ରାମ ମନ୍ଦିର ବେଢାରେ ସଫେଇ କାର୍ଯ୍ୟ କରୁଥିବା ଦେଖିବାକୁ ମିଳିଛି । ଏଥିସହ ସେ ମନ୍ଦିରର ସିଢିରେ ପୋଛା ମାରୁଥିବା ନଜର ଆସିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ ଭାଇରାଲ ହେଉଛି ।  

ମୁମ୍ବାଇର ଏକ ପୁରାତନ ରାମ ମନ୍ଦିରରେ ଜ୍ୟାକି ଶ୍ରଫ ସଫେଇ କରିବା ସହ ମନ୍ଦିରର ସିଢିରେ ପୋଚା ମାରୁଥିବା ନଜର ଆସିଛନ୍ତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ଜାନୁଆରୀ ୨୨ରେ ଅଯୋଧ୍ୟାରେ ପ୍ରଭୁ ଶ୍ରୀ ରାମଙ୍କ ପ୍ରାଣ ପ୍ରତିଷ୍ଠା ଆୟୋଜିତ ହେବାକୁ ଥିବା ବେଳେ ଅଭିନେତାଙ୍କ ଏପରି କାର୍ଯ୍ୟକୁ ଖୁବ ପ୍ରଶଂସା କରାଯାଉଛି ।  

ଏହା ମଧ୍ୟ ପଢନ୍ତୁ: ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବରେ ନୃତ୍ୟ ନାଟକ ପ୍ରଦର୍ଶନ କରିବେ ହେମା ମାଲିନୀ

ସୂଚନା ଥାଉ କି, ଜାନୁଆରୀ ୨୨ରେ ଆୟୋଜିତ ମହାସମାରୋହ ପାଇଁ ସାରା ବିଶ୍ବବାସୀ ବେଶ ଉତ୍ସାହିତ ରହିଛନ୍ତି । ଏହି ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ରାଜନେତା ଏବଂ ଶିଳ୍ପପତି ସାମିଲ ହେବାର କାର୍ଯ୍ୟକ୍ରମ ରହିଛି । ଏଥିସହ ଏହି ପ୍ରାଣ ପ୍ରତିଷ୍ଠା ଉତ୍ସବରେ ବଲିଉଡର ଅନେକ ସେଲିବ୍ରିଟିଙ୍କୁ ମଧ୍ୟ ନିମନ୍ତ୍ରଣ କରାଯାଇଛି । ନିକଟରେ ବଲିଉଡ ଅଭିନେତା ଜ୍ୟାକି ଶ୍ରଫଙ୍କୁ ଏହି ସମାରୋହରେ ସାମିଲ ହେବା ପାଇଁ ନିମନ୍ତ୍ରଣ କରାଯାଇଛି ।