ଷ୍ଟ୍ରଙ୍ଗରୁମ ବାହାରେ ଚିରା ବାଲଟ ଘଟଣାରେ ତାତିଲେ ପ୍ରାର୍ଥୀ ଓ ସମର୍ଥକ

କେନ୍ଦ୍ରାପଡା: ଗତକାଲି (ଗୁରବାର) ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଶେଷ ହୋଇଥିବା ବେଳେ ବାଲଟ ବକ୍ସରେ ସିଲ୍ ହୋଇଛି ପ୍ରାର୍ଥୀଙ୍କ ଭାଗ୍ୟ । ହେଲେ ଗଣତି ପୂର୍ବରୁ କେନ୍ଦ୍ରାପଡ଼ା ସ୍ୱୟଂ ଶାସିତ ମହାବିଦ୍ୟାଳୟ ଷ୍ଟ୍ରଙ୍ଗରୁମ ବାହାରୁ ଠାବ ହୋଇଛି ମୋହର ମରା ଯାଇଥିବା ବାଲାଟ ପେପର । ଷ୍ଟ୍ରଙ୍ଗରୁମ ସୁରକ୍ଷା ପାଇଁ ବ୍ୟାପକ ପୋଲିସ ପ୍ରଶାସନ ବ୍ୟବସ୍ଥା ନହୋଇଥିବା କାରଣରୁ ଶାସକ ଦଳର ଚାପରେ ରହି ବାଲାଟ ବାକ୍ସକୁ ଜିଲ୍ଲା ପ୍ରଶାସନ ବଦଳାଇବା ପାଇଁ ପ୍ରୟାସ କରୁଥିବା ଅଭିଯୋଗ କରିଛନ୍ତି ବିଜେପି ପ୍ରାର୍ଥୀ ଓ ସମର୍ଥକ । ଘଟଣାର ତୁରନ୍ତ ପଦକ୍ଷେପ ଓ କାର୍ଯ୍ୟାନୁଷ୍ଠାନ ନିଆନଗଲେ ଆନ୍ଦୋଳନ କରାଯିବ ବୋଲି ଚେତାବନୀ ମଧ୍ୟ ଦେଇଛନ୍ତି । ଏନେଇ କଲେଜ ପରିସରରେ ପ୍ରାର୍ଥୀ ଓ ସମର୍ଥକଙ୍କ ସହ ଅଧିକ ଆଲୋଚନା କରିଛନ୍ତି ଆମ କେନ୍ଦ୍ରାପଡା ପ୍ରତିନିଧି ରାଧାକାନ୍ତ ମହାନ୍ତି ।