ବାଲୁକାକଳାରେ ଋଷି କପୁରଙ୍କୁ ଶ୍ରଦ୍ଧାଞ୍ଜଳି

ପୁରୀ: ବଲିଉଡର ବିଶିଷ୍ଟ ଅଭିନେତା ଋଷି କପୁର ଆଉ ନାହାନ୍ତି। ମୁମ୍ବାଇର ଏକ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ଯାହା ସମଗ୍ର ସିନେଜଗତକୁ ସ୍ତବ୍ଧ କରିଦେଇଛି । ଅନେକ ନେତା, ଅଭିନେତା ତଥା ମାନ୍ୟଗଣ୍ୟ ବ୍ୟକ୍ତି ତାଙ୍କ ପାଇଁ ଶୋକ ପ୍ରକାଶ କରିଛନ୍ତି । ଏପଟେ ପୁରୀ ବେଳାଭୂମୀରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ବାଲୁକା କଳା ମାଧ୍ୟମରେ ତାଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି । ବାଲୁକାକଳାରେ ଋଷିଙ୍କ ପ୍ରତିକୃତି କରିବା ସହ ହିରୋ ଅଫ ମିଲିଅନ ହାଟର୍ସ ବୋଲି ଲେଖିଛନ୍ତି । ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ