ସଂଘର୍ଷ ଆଣିଦେଲା ସଫଳତା: ହାତଗୋଡ ଅଚଳ, ବିଜନେସରେ ଅଟଳ

କଟକ: ଦୃଢ଼ ଇଚ୍ଛାଶକ୍ତି ଆଗରେ ଫିକା ପଡିଯାଏ ସବୁ କିଛି । ଲକ୍ଷ୍ୟ ସାଧନା ଦିଗରେ ଶରୀର ଅପେକ୍ଷା ମନ ବଳର ଆବଶ୍ୟତକା ଅଧିକ । ଏପରି ଜଣେ ବ୍ୟକ୍ତିତ୍ବ ହେଲେ ହ୍ବିଲ୍ ଚେୟାରକୁ ସାଥୀ କରିଥିବା କଟକ ଦେଉଳସାହି ଅଞ୍ଚଳର ଦିବ୍ୟାଙ୍ଗ ମନୋଜ ସ୍ବାଇଁ । ଜଣେ ଦିବ୍ୟାଙ୍ଗ ହୋଇ ସେ ଏକ ଟ୍ରାଭେଲ ଏଜେନ୍ସି ଚଳାଉଛନ୍ତି । ଆଉ ନିଜର ଦୃଢ଼ ପ୍ରତିଜ୍ଞା ବଳରେ ସଫଳତାର ସହ ଏ ଦିଗରେ ଅଗ୍ରସର ହୋଇ ଚାଲିଛନ୍ତି । କେବଳ ଏତିକି ନୁହେଁ ନିଜକୁ ସ୍ବାବଲମ୍ବୀ କରିବା ସହ ଆଉ 30 ଜଣ ବେକାରୀଙ୍କୁ ଦେଇଛନ୍ତି ନିଯୁକ୍ତି । ଆଉ ସମାଜ ପାଇଁ ପାଲଟିଛନ୍ତି ପ୍ରେରଣାର ଉତ୍ସ ।