ମକର ସଂକ୍ରାନ୍ତିରେ ଧବଳେଶ୍ବର ପୀଠରେ ଲାଗିବ 144 ଧାରା

କଟକ: ଆସନ୍ତା 14 ତାରିଖ ମକର ସଂକ୍ରାନ୍ତିରେ ଧବଳେଶ୍ବରଙ୍କ ପୀଠରେ ବନ୍ଦ ରହିବ ସାଧାରଣ ଦର୍ଶନ। ପ୍ରଶାସନ ପକ୍ଷରୁ ଧବଳେଶ୍ବରଙ୍କ ପୀଠରେ ଲାଗିଲା 144 ଧାରା । ସମ୍ଭାବ୍ୟ ଭିଡକୁ ଆଖି ଆଗରେ ରଖି ପ୍ରଶାସନ ପକ୍ଷରୁ ନିଆଯାଇଛି ଏପରି ନିଷ୍ପତ୍ତି । ଏନେଇ ଉପଜିଲ୍ଲାପାଳ ସୂଚନା ଦେଇଛନ୍ତି । ପ୍ରତିବର୍ଷ ବାବା ଧବଳେଶ୍ବରଙ୍କ ପୀଠରେ ମକର ସଂକ୍ରାନ୍ତିରେ ହଜାର ହଜାର ଭକ୍ତଙ୍କ ଭିଡ଼ ପରିଲକ୍ଷିତ ହୋଇଥାଏ । ରାଜ୍ୟର କୋଣ ଅନୁକୋଣରୁ ଛୁଟିଥାଏ ଭକ୍ତଙ୍କ ସୁଅ । ତେବେ ଚଳିତବର୍ଷ କୋଭିଡ ସ୍ଥିତିକୁ ଆଖି ଆଗରେ ରଖି ଏପରି ନିଷ୍ପତି ନେଇଛନ୍ତି ସ୍ଥାନୀୟ ପ୍ରଶାସନ । ସାମାଜିକ ଦୂରତା ରକ୍ଷାକରିବା ପାଇଁ ସଂକ୍ରାନ୍ତି ଦିନ ପୀଠରେ 144 ଧାରା ଜାରି କରାଯାଇଛି ।