ସ୍ବାସ୍ଥ୍ୟକର୍ମୀଙ୍କୁ ଅବହେଳା: ମିଳୁନି ଦରମା, ବିକୁଛନ୍ତି ପାମ୍ପଡ-ନଳୀ

କଟକ: କୋଭିଡ ମହାମାରୀ ସମୟରେ ନିଜ ଜୀବନକୁ ବାଜି ଲଗାଇ ଅହରହ କାମ କରୁଥିବା ମଣିଷଟି ହେଉଛି ସ୍ବାସ୍ଥ୍ୟକର୍ମୀ । କିନ୍ତୁ ମାନବସେବାରେ ନିୟୋଜିତ ଏହି ସ୍ବାସ୍ଥ୍ୟକର୍ମୀ ଏବେ ମେଡିକାଲ କର୍ତ୍ତୁପକ୍ଷର ସାବତ ଛୁଆ ପାଲଟିଛି । ଦିନରାତି ଡ୍ୟୁଟି କରିବା ସତ୍ତ୍ବେ ସେମାନଙ୍କ ହାତକୁ ଆସୁନି ଦରମା । ମାସେ କି 2ମାସ ନୁହେଁ ଦୀର୍ଘ 17ମାସ ହେବ ସେମାନଙ୍କୁ ମିଳୁନି ଦରମା । ଇଏ କୌଣସି ଉପାନ୍ତ ଅଞ୍ଚଳ କିମ୍ବା କୌଣସି ବେସରକାରୀ ଅନୁଷ୍ଠାନରେ ନୁହେଁ ବରଂ କଟକ ଶିଶୁଭବନରେ ସୃଷ୍ଟି ହୋଇଛି ଏଭଳି ସମସ୍ୟା। ଏହିଭଳି ଅବହେଳାର ଶୀକାର ହେଉଛନ୍ତି କଟକ ଶିଶୁଭବନରେ କାର୍ଯ୍ୟରତ 8ଜଣ ସ୍ବାସ୍ଥ୍ୟକର୍ମୀ । ଏନେଇ ବାରମ୍ବାର ଅଭିଯୋଗ କଲେ ବି କୌଣସି ସୁଫଳ ମିଳୁ ନଥିବା ଅଭିଯୋଗ କରିଛନ୍ତି କାର୍ଯ୍ୟରତ ସ୍ବାସ୍ଥ୍ୟକର୍ମୀ।