ଅସୁରକ୍ଷିତ ସାମ୍ବାଦିକ ! ସୁରକ୍ଷା ପାଇଁ ଜୋର ଧରିଲା ଦାବି

ବାଲେଶ୍ବର: ସୁରକ୍ଷା ଚିନ୍ତାରେ ଜିଲ୍ଲା ସାମ୍ବାଦିକ ସଙ୍ଘ । ବାଲେଶ୍ଵର ଜିଲ୍ଲା ଖଇରା ଅଞ୍ଚଳର ବରିଷ୍ଠ ସାମ୍ବାଦିକ କୈଳାସ ଚନ୍ଦ୍ର ଦାସଙ୍କୁ ଶୁକ୍ରବାର ଖଣି ମାଫିଆଙ୍କ ଆକ୍ରମଣ ଘଟଣାକୁ ନିନ୍ଦା କରାଯାଇଛି। ଏହି ଘଟଣାରେ ଆକ୍ରମଣ କରିଥିବା ଦୁଇଜଣ ମାଫିଆଙ୍କୁ ପୋଲିସ ଗିରଫ କରିଛି । ଆଉ ଏହାକୁ ନେଇ ଶନିବାର ସନ୍ଧ୍ୟାରେ ସାମ୍ବାଦିକମାନେ ଏକତ୍ରିତ ହୋଇ ଘଟଣାର ପୁନରାବୃତ୍ତି ନହେବାପାଇଁ ଆଲୋଚନା କରାଯାଇଥିଲା। ସାମ୍ବାଦିକ ସୁରକ୍ଷା ଆଇନ କଡାକଡି କାର୍ଯ୍ୟକାରୀ କରିବା ସହ ସାମ୍ବାଦିକମାନଙ୍କ ଅଧିକାର ଉପରେ ଗୁଋତ୍ବ ଦେବାପାଇଁ ଆଗାମୀ ଦିନରେ ରାଜ୍ୟ ସରକାରଙ୍କୁ ଦାବିପତ୍ର ଦିଆଯିବା ନେଇ ଆଲୋଚନା କରିଛନ୍ତି ଜିଲ୍ଲାର କାର୍ଯ୍ୟରତ ସାମ୍ବାଦିକ ମାନେ । ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ