Swachh Bharat Awareness: ମୁଁ ସଫେଇ ବାଲା, ଅଳିଆ ଦେବାରେ କରନି ଢିଲା

ନୟାଗଡ଼ : ପୌରପରିଷଦର ନିଆରା ପଦକ୍ଷେପ l ନୟାଗଡ଼କୁ ସ୍ୱଚ୍ଛ ରଖିବାକୁ ଲୋକଙ୍କୁ ସଚେତନ କରାଇବା ପାଇଁ ଆରମ୍ଭ ହୋଇଛି ପଦକ୍ଷେପ l ଏକ ଗୀତ ମାଧ୍ୟମରେ ସଚେତନ କରାଇବା ପାଇଁ ଆଜି(ଶନିବାର) ଏହାକୁ ଉଦଘାଟନ କରାଯାଇଛି l ମୁଁ ସଫେଇ ଵାଲା..ଅଳିଆ ଦେବାରେ କରନି ଢିଲା....ସକାଳୁ ସକାଳୁ ଏ ଗୀତ ସହ ନୟାଗଡ଼ର ପ୍ରତ୍ୟେକ ଗଳି କନ୍ଦି ବୁଲି ବୁଲି ଅଳିଆ ସଂଗ୍ରହ କରିବେ ପୌର ପରିଷଦର ସଫେଇ କର୍ମଚାରୀ l ଏହା ଦ୍ୱାରା ଲୋକ ମାନେ ସଚେତନ ହେବା ସହ ସଫେଇ କର୍ମଚାରୀଙ୍କୁ ସହଯୋଗ କରିବେ l ପୌରପରିଷଦ ପକ୍ଷରୁ ଏହାକୁ ଉଦଘାଟନ କରାଯାଇଛି l ଏଥିରେ ନୟାଗଡ଼ ବିଧାୟକ ତଥା କୃଷି ମନ୍ତ୍ରୀ ଅରୁଣ ସାହୁ,ଜିଲ୍ଲାପାଳ ପୋମା ଟୁଡୁ, ବରିଷ୍ଠ ସାମ୍ବାଦିକ ପ୍ରମୋଦ ପଟ୍ଟନାୟକ ପ୍ରମୁଖ ଏହି ଗୀତକୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ l ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ