ପୌର ଫାଇଟ: କେନ୍ଦୁଝରରେ BJD ଜିତିବା ନେଇ ପୌରାଧ୍ୟକ୍ଷ ପ୍ରାର୍ଥିନୀଙ୍କ ଦୃଢ଼ୋକ୍ତି

କେନ୍ଦୁଝର: ପୌର ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ ପ୍ରକ୍ରିୟା ଶେଷ ହୋଇଛି । ପ୍ରମୁଖ ଦଳ ସହ ବହୁ ନିର୍ଦଳୀୟ ପ୍ରାର୍ଥୀ ନାମଙ୍କନ ପତ୍ର ଦାଖଲ କରିସାରିଛନ୍ତି । କେନ୍ଦୁଝରଗଡ଼ ପୌରପାଳିକା ପାଇଁ ବିଜେଡି ପକ୍ଷରୁ ଅର୍ଚ୍ଚନା ରାଉତ ପୌରଧ୍ୟକ୍ଷା ପ୍ରାର୍ଥିନୀ ଭାବେ ନାମାଙ୍କନ ଦାଖଲ କରିଛନ୍ତି । ନାମାନଙ୍କ ପତ୍ର ଦାଖଲ ପରେ ପ୍ରଚାର ମୈଦାନକୁ ଓହ୍ଲାଇ ନିର୍ବାଚନ ପ୍ରଚାର ଆରମ୍ଭ କରିଛନ୍ତି । ମୁଖ୍ୟମନ୍ତ୍ରୀଙ୍କ ବିକାଶର ବାର୍ତ୍ତା ନେଇ ସେ ଭୋଟ ଭିକ୍ଷା କରିବେ ବୋଲି କହିଛନ୍ତି । ପଞ୍ଚାୟତ ନିର୍ବାଚନ ଭଳି କେନ୍ଦୁଝରରେ ପୌର ନିର୍ବାଚନରେ ମଧ୍ୟ ବିଜେଡି ବାଜିମାତ୍‌ କରିବ ବୋଲି ଦୃଢ଼ୋକ୍ତି ଦେଇଛନ୍ତି । ଏଠାରେ ବିଜେଡି ସହ କେହି ପ୍ରତିଦ୍ବନ୍ଦ୍ବୀତା କରି ପାରିବେ ନାହିଁ ବୋଲି ଆଶ୍ବସ୍ତ ଅଛନ୍ତି । ଏକ ରାଜନୈତିକ ପରିବାରର ସଦସ୍ୟ ହୋଇଥିବାରୁ ତାଙ୍କୁ ଜନସମର୍ଥନ ମିଳିବ ବୋଲି ସେ କହିଛନ୍ତି । ଏହିସବୁ ବିଷୟକୁ ନେଇ ତାଙ୍କ ଅଧିକ ଆଲୋଚନା କରିଛନ୍ତି ଆମ କେନ୍ଦୁଝର ସମ୍ବାଦଦାତା ସନ୍ତୋଷ କୁମାର ମହାପାତ୍ର ।