Municipal Election: କମ୍ପୁଛି ପ୍ରଚାର ମୈଦାନ, BJD ପ୍ରାର୍ଥୀଙ୍କ ଜୋରଦାର କ୍ୟାମ୍ପେନିଂ

କେନ୍ଦ୍ରପଡା: ପୌର ନିର୍ବାଚନ ପ୍ରଚାର ଶେଷ ହେବାକୁ ଆଉ ମାତ୍ର ଗୋଟିଏ ଦିନ ବାକି ରହିଛି । କେନ୍ଦ୍ରାପଡା ପୌର ପରିଷଦର ୨୧ଟି ୱାର୍ଡରେ ୮୪ଜଣ ପ୍ରାର୍ଥୀଙ୍କ ସମେତ ୪ଜଣ ଅଧ୍ୟକ୍ଷା ପ୍ରାର୍ଥୀ ପ୍ରଚାର ଜୋରଦାର କରିଛନ୍ତି । ତେବେ ପ୍ରଚାର ପ୍ରସାର ସମେତ ଲୋକଙ୍କ ବିଶ୍ୱାସଭାଜନରେ ବିଜେଡି ସହରରେ ସକ୍ରିୟ ରହିଥିବା ବେଳେ ଅନ୍ୟ ଦୁଇ ପ୍ରମୁଖ ଦଳର ପ୍ରାର୍ଥୀ ଯଥେଷ୍ଟ ପଛରେ ପଡି ଯାଇଛନ୍ତି । କେନ୍ଦ୍ରାପଡା ୧୧ନଂ ୱାର୍ଡରେ ପ୍ରାର୍ଥୀନୀ ହୋଇଥିବା ପୁଷ୍ପାଞ୍ଜଳୀ ବସ୍ତିଆଙ୍କ ସ୍ୱାମୀ ଏହି ସିଟରୁ ପୂର୍ବରୁ ବିଜୟୀ ହୋଇ ଲୋକମାନଙ୍କ ସେବା କରିଥିବା ବେଳେ ଡ୍ରେନେଜ ସମସ୍ୟା, ପାନୀୟଜଳ ଭଳି ସମସ୍ୟାକୁ ସମାଧାନ କରିବା ସହ ଲୋକଙ୍କ ବିଶ୍ୱାସ ଜିତି ଥିବାରୁ ଚଳିତଥର ସେ ପ୍ରାର୍ଥୀନୀ ହୋଇ ଲୋକଙ୍କ ଆଶିଷ ପାଉଥିବା କହିଛନ୍ତି । ଅନ୍ୟପଟେ ନବୀନ ପଟ୍ଟନାୟକଙ୍କ ମହିଳାଙ୍କୁ ଅଗ୍ରାଧିକାର ସହ ସ୍ୱାବଲମ୍ବୀ ଏବଂ ସ୍ୱାଭିମାନି କରିବା କ୍ଷେତ୍ରରେ ଉଲ୍ଲେଖନୀୟ ଅବଦାନ ଯୋଗୁଁ ବିଜୁ ଜନତା ଦଳ ପ୍ରତି ଲୋକଙ୍କ ଆଶା ଭରସା ଓ ଆଶୀର୍ବାଦ ରହିଥିବା କହିଛନ୍ତି ପୁଷ୍ପାଞ୍ଜଳୀ । କେନ୍ଦ୍ରାପଡାରୁ ରାଧାକାନ୍ତ ମହାନ୍ତି, ଇଟିଭି ଭାରତ