ଲକଡାଉନ ଇଫେକ୍ଟ: ଘରେ ରହି ମ୍ୟୁଜିକ ଆଲବମ କଲେ ବଚ୍ଚା ପାର୍ଟି

ଥିରୁବନନ୍ତପୁରମ୍ : ଦେଶରେ ଜାରି ରହିଛି ଲକ ଡାଉନ । ଫଳରେ ଜନ ଜୀବନ ଠପ ହୋଇଯାଇଛି । କେରଳର ମାଲାପୁରମ୍ ଚୁଙ୍ଗାଥାରା ମାର୍ଟୋମା ଉଚ୍ଚ ମାଧ୍ୟମିକ ବିଦ୍ୟାଳୟର କିଛି ଛାତ୍ରଙ୍କ ସଙ୍ଗୀତ ଅଭ୍ୟାସରେ ସମସ୍ୟା ସୃଷ୍ଟି ହୋଇଥିଲା । ହେଲେ ଲକ ଡାଉନକୁ ଖାତିର ନ ସେମାନେ ଘରେ ରହି ମଧ୍ୟ ଅନ ଲାଇନ ମାଧ୍ୟମରେ ଏକ ଭିଡିଓ ଆଲବମ କରିଥିଲେ । ଭିଡିଓ ତିଆରି ପାଇଁ ପ୍ରଥମ ସେମାନେ ବିଜୟଙ୍କ ଅଭିନୀତ ତାମିଲ ଚଳଚ୍ଚିତ୍ର ବିଗିଲର ଥିମ୍ ଗୀତ ବାଛିଥିଲେ। ତେବେ ଏହି ମ୍ୟୁଜିକାଲ ଟିମରେ 10 ଜଣ ସଦସ୍ୟ ରହିଛନ୍ତି । ଜିନୁ - ଗିଟାର, ଆନନ୍ଦ-ଥାକିଲ, ଜ୍ୟୋତି- ଜାଜ୍ ଡ୍ରମ୍, ଶାଲଭିନ- ରିଥମ୍ ପ୍ୟାଡ୍, ମିଡୁନ୍- ତବଲା, ଲିଜୁ - କାଜନ୍, ବିବେକ ଏବଂ ଜସଭିନ - କି ବୋର୍ଡ ବଜାଇ ଥିଲେ । ତେବେ ସମସ୍ତେ ନିଜ ନିଜ ଘରେ ରହି ଭିଡିଓ ଓ ଅଡିଓ ରେକର୍ଡିଂ କରିଥିଲେ । ଭିଡିଓଟିକୁ ଏଡିଟିଂ କରିବାକୁ ମ୍ୟୁଜିକାଲ ଟ୍ରେନରଙ୍କ ଭାଇ ମଧ୍ୟ ସହଯୋଗ ମଧ୍ୟ କରିଥିଲେ । ତେବେ ଭିଡିଓଟି ରିଲିଜ ହେବା ପରେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଏହି ସଂଗୀତଜ୍ଞଙ୍କ ଟ୍ରୁପ୍‌ର ‘ଲକଡାଉନ୍ ଆଇଡିଆ’ ଟ୍ରେଣ୍ଡ ହେବାକୁ ଲାଗିଲା । ବିଦ୍ୟାଳୟର ତାରକାମାନେ ବର୍ତ୍ତମାନ ସୋସିଆଲ ମିଡିଆରେ ମଧ୍ୟ ତାରକା ବନି ଯାଇଛନ୍ତି | ବ୍ୟୁରୋ ରିପୋର୍ଟ, ଇଟିଭି ଭାରତ