ଦେଖାଗଲା ଜହ୍ନ, ଦେଶର ବିଭିନ୍ନ ସ୍ଥାନରେ କରୱାଚୌଥ ପାଳନ

ହାଇଦ୍ରାବାଦ: ସାରା ଦେଶରେ ସଧବା ନାରୀଙ୍କ ସବୁଠୁ ବଡ ପର୍ବ କରୱାଚୌଥ ବେଶ ଧୂମଧାମରେ ପାଳନ ହୋଇଛି । ସ୍ତ୍ରୀ ନିଜ ସ୍ବାମୀର ଦୀର୍ଘ ଜୀବନ କାମନା କରି ଏହି ଦିନ ବ୍ରତ ରଖିଥାଏ । ଆଉ ଚନ୍ଦ୍ରକୁ ଅର୍ଘ୍ୟ ଅର୍ପଣ କରି ଏହି ବ୍ରତ ଭାଙ୍ଗିବାର ପରମ୍ପରା ରହିଆସିଛି । ବିଶେଷ କରି ଉତ୍ତର ଭାରତରେ ଏହି ପର୍ବ ପାଳନ କରାଯାଇଥାଏ । ତେବେ ଦିଲ୍ଲୀ ସମେତ ଅନେକ ସହରରେ ଚନ୍ଦ୍ର ଦେଖି ବ୍ରତ ଭାଙ୍ଗିବା ସହ ଏହି ପର୍ବ ପାଳନ କରିଛନ୍ତି ବିବାହିତା ନାରୀ ।