Holi: ପୋଲିସ ବାବୁ ଖେଳୁଥିଲେ ହୋଲି, ଉଡି ଉଡି ମାରିଲେ ମହୁମାଛି !

ରାଞ୍ଚି: ରଙ୍ଗ ତଥା ଖୁସିର ପର୍ବ ହୋଲି ଖେଳ ବେଳେ ଝାଡ଼ଖଣ୍ଡ ରାଞ୍ଚିରେ ଘଟିଛି ଅଘଟଣ । ପୋଲିସ କର୍ମଚାରୀଙ୍କ ହୋଲି ଖେଳରେ ବିଘ୍ନ ସାଜିଛି ମହୁମାଛି । ରାଜଧାନୀ ରାଞ୍ଚିରେ ପୋଲିସ କର୍ମଚାରୀଙ୍କ ହୋଲି ଖେଳ ପ୍ରତିବର୍ଷ ଧୁମଧାମରେ ପାଳିତ ହେଉଥିବା ବେଳେ ଚଳିତ ବର୍ଷ କିନ୍ତୁ ଘଟିଛି ଅଘଟଣ । ରାଞ୍ଚିର ସିନିୟର ଏସପି, ସିଟି ଏସପି, ବହୁ ପୋଲିସ୍ ଷ୍ଟେସନ ଇନ୍-ଚାର୍ଜ ଏବଂ ଅନେକ ପୋଲିସ କର୍ମଚାରୀ ହୋଲି ଖେଳିବା ପାଇଁ ରାଞ୍ଚି ଆଇଜି ପଙ୍କଜ କମ୍ବୋଜଙ୍କ ବାସଭବନରେ ପହଞ୍ଚିଥିଲେ । ଆଇଜିଙ୍କ ବାସଭବନରେ ହୋଲି ପାଳନ ସମୟରେ ହଠାତ ଦଳେ ମହୁମାଛି କର୍ମଚାରୀଙ୍କ ଉପରେ ଆକ୍ରମଣ କରିଥିଲେ । ଏହାପରେ ଏଣେତେଣେ ଦୌଡିବାକୁ ଲାଗିଥିଲେ କର୍ମଚାରୀ । ଅନେକ ପୋଲିସ କର୍ମଚାରୀ ମହୁମାଛି ଆକ୍ରମଣର ଶିକାର ହୋଇଥିବା ବେଳେ ସେମାନଙ୍କ ପ୍ରାଥମିକ ଚିକିତ୍ସା କରାଯାଇଛି । ବ୍ୟୁରୋ ରିପୋର୍ଟ, ଇଟିଭି ଭାରତ ବ୍ୟୁରୋ ରିପୋର୍ଟ, ଇଟିଭି ଭାରତ