ବନ୍ଦିପୋରା-ସାପୋର ରାସ୍ତାରୁ IED ବୋମା ଉଦ୍ଧାର, ନିଷ୍କ୍ରିୟ କଲା ସ୍କ୍ୱାର୍ଡ

ଶ୍ରୀନଗର: ଜମ୍ମୁକାଶ୍ମୀରର ବନ୍ଦିପୋରା ଜିଲ୍ଲାରୁ ଘାତକ IED ବୋମାକୁ ଉଦ୍ଧାର କରିଛି ବୋମା ନିଷ୍କ୍ରିୟକାରୀ ଦଳ Bomb Disposal Squad) । ଆଜି ସକାଳ ପ୍ରାୟ ୮ଟା ୩୫ ବେଳେ ସର୍ଚ୍ଚ ଅପରେସନ ସମୟରେ ବଦ୍ୟାରା ଓ କାନବତୀ ଗ୍ରାମ ନିକଟ ବନ୍ଦିପୋରା-ସାପୋର ରାସ୍ତା ନିକଟରେ ଏକ ଆଇଡି ବୋମା ଠାବ ହୋଇଥିଲା । ଏ ସମ୍ପର୍କର ସୂଚନା ପାଇବା ମାତ୍ରେ ଉକ୍ତ ସ୍ଥଳରେ ପହଞ୍ଚିଥିଲା ବୋମା ନିଷ୍କ୍ରିୟକାରୀ ଟିମ । ଏହି ବୋମାକୁ ଜନବସତି ସ୍ଥାନରୁ ନିଆଯାଇ ଏକ ଘଞ୍ଚ ଜଙ୍ଗଲ ମଧ୍ୟରେ ବୋମାକୁ ନଷ୍ଟ କରାଯାଇଛି । ଏଥିରେ କାହାରି କୌଣସି କ୍ଷତି ହୋଇନଥିବା କହିଛନ୍ତି ଶ୍ରୀନଗର ସୂଚନା ଓ ଲୋକସମ୍ପର୍କ ଅଧିକାରୀ ।