ଦଶହରାରେ ଜମିଲା ବାଡ଼ି ଖେଳ

ବାଲେଶ୍ବର: ବାଲେଶ୍ଵରର କଳା ଓ ସଂସ୍କୃତି ଯେତିକି ସୁନ୍ଦର ସେତିକି ଆକର୍ଷଣୀୟ । ସେଥିମଧ୍ୟରୁ ବାଲେଶ୍ଵରର ବାଡିଖେଳ ଅନ୍ୟତମ । ବିଭିନ୍ନ ଆଖଡା ଦଳଦ୍ବାରା ପରିବେଷଣ ହେଉଥିବା ବାଡିଖେଳ ବେଶ ଚିତାକର୍ଷକ ହୋଇଥାଏ । ବିଶେଷକରି ଦୁର୍ଗାପୂଜା ସମୟରେ ଏହି ବାଡିଖେଳ ଜମିଥାଏ ।ଦୁର୍ଗାଷ୍ଟମୀରେ ଆଖଡା ଦଳ ବାଲେଶ୍ଵର ସହରର ମାକଲପୁର ଠାରେ ଥିବା ମହାବୀରଙ୍କ ମନ୍ଦିରରେ ଆଶୀର୍ବାଦ ନେଇ ଖେଳ ପ୍ରଦର୍ଶନ କରାଯାଏ । ସେହିପରି ବିଜୟା ଦଶମୀରେ ସହରର ସିନେମା ଛକରେ ଆଖଡା ଦଳଗୁଡିକ କଳା ପ୍ରଦର୍ଶନ କରିଥାନ୍ତି । ବାଡ଼ି, ବନାଟି, ନିଆଁଗୁଲା ସହ ବିଭିନ୍ନ ପ୍ରକାରର ଖେଳ ପ୍ରଦର୍ଶନ କରିଥିଲେ । ଏସବୁ ଦେଖିବା ପାଇଁ ପ୍ରବଳ ମାତ୍ରାରେ ଜନସମାଗମ ହୋଇଥିଲା । ପ୍ରାୟ 24ଟି ଆଖଡା ଦଳ ବେଶ ଆକର୍ଷଣୀୟ ବାଡ଼ି ଖେଳ ପ୍ରଦର୍ଶନ କରିଥିଲେ। ଇଟିଭି ଭାରତ, ବାଲେଶ୍ବର