ହାଇଦ୍ରାବାଦ: ଫ୍ୟାନ୍ସଙ୍କୁ ଖୁସି ଖବର ଦେଲେ ସାଉଥ ଲୋକପ୍ରିୟ ଅଭିନେତ୍ରୀ କୀର୍ତ୍ତି ସୁରେଶ । ଦୀର୍ଘ ଦିନ ଧରି ତାଙ୍କ ବିବାହକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ବର୍ତ୍ତମାନ ଏହି ଚର୍ଚ୍ଚାରେ ପୂର୍ଣ୍ଣଚ୍ଛେଦ ପକାଇଛନ୍ତି କୀର୍ତ୍ତି । ଅଭିନେତ୍ରୀ ସୋସିଆଲ ମିଡିଆରେ ନିଜ ସମ୍ପର୍କକୁ ଅଫିସିଆଲ ଘୋଷଣା କରିଛନ୍ତି । କିର୍ତ୍ତୀ ସୁରେଶ ଦୀର୍ଘ ଦିନର ବୟଫ୍ରେଣ୍ଡ ତଥା ବ୍ୟବସାୟୀ ଆଣ୍ଟୋନି ଥାଟିଲଙ୍କ ସହ ଇନଷ୍ଟାଗ୍ରାମରେ ସେମାନଙ୍କର ପ୍ରଥମ ଫଟୋ ସେୟାର କରି ସମ୍ପର୍କକୁ ନିଶ୍ଚିତ କରିଛନ୍ତି । 15 ବର୍ଷ ଧରି ଉଭୟଡେଟିଂ କରୁଥିବା ବେଳେ ନିଜର ସମ୍ପର୍କ ନିଶ୍ଚିନ୍ତ କରିଛନ୍ତି । ଏହି ଘୋଷଣା ପରେ କପଲଙ୍କୁ ଛୁଟୁଛି ଶୁଭେଚ୍ଛାର ସୁଅ ।
ଆଣ୍ଟୋନି ଥାଟିଲଙ୍କ ସହ ସମ୍ପର୍କରେ ଲଗାଇଲେ ମୋହର
ଇନଷ୍ଟାଗ୍ରାମରେ ଆଣ୍ଟୋନିଙ୍କ ସହ ତାଙ୍କର ସମ୍ପର୍କକୁ ସାର୍ବଜନୀନ କରି କୀର୍ତ୍ତି ଲେଖିଛନ୍ତି: "15 ବର୍ଷ ଏବଂ ଗଣନା, ଏହା ସର୍ବଦା ହୋଇଆସୁଛି । AntoNY x KEerthy (Iykyk) । ନଜର ଇମୋଜି ଏବଂ ଲାଲ ହାର୍ଟ ଇମୋଜି ମଧ୍ୟ ଦେଇଛନ୍ତି । ସେୟାର ହୋଇଥିବା ଏହି ଫଟୋରେ ଦିୱାଲୀ ସମୟରେ କ୍ଲିକ୍ ହୋଇଥିବା ଜଣାପଡିଛି । ଏଥିରେ ଆଣ୍ଟୋନି ଫାୟାରକ୍ରାକ ଧରିଥିବାବେଳେ କିର୍ତ୍ତୀ ତାଙ୍କ କାନ୍ଧରେ ହାତ ରଖି ଛିଡା ହୋଇଥିବା ନଜର ଆସିଛନ୍ତି । ଦୁହେଁ ଆକାଶକୁ ଚାହିଁ ରହିଛନ୍ତି । ଏହି ଘୋଷଣା ହେବା ମାତ୍ରେ ଫ୍ୟାନ୍ସ ସମେତ ସେଲିବ୍ରିଟି ଉଭୟଙ୍କୁ ଶୁଭକାମନା ଜଣାଉଛନ୍ତି ।
ଆଣ୍ଟୋନି ଥାଟିଲ୍ କିଏ?
କିର୍ତ୍ତୀ ସୁରେଶ ଏବଂ ଆଣ୍ଟୋନି 15 ବର୍ଷ ଧରି ପରସ୍ପରକୁ ଡେଟ୍ କରୁଛନ୍ତି । ବର୍ତ୍ତମାନ 15 ବର୍ଷ ଡେଟିଂ ପରେ ଉଭୟ ବିବାହ କରିବାକୁ ନିଷ୍ପତି ନେଇଛନ୍ତି । ଖବର ଅନୁଯାୟୀ, କିର୍ତ୍ତୀ ସୁରେଶ ସେହି ସମୟରେ ଉଚ୍ଚ ବିଦ୍ୟାଳୟରେ ପଢୁଥିଲେ ଏବଂ ଆଣ୍ଟୋନି କୋଚିରେ ଗ୍ରାଜୁଏସନ କରୁଥିଲେ। ଉଭୟ ଯୁବା ଅବସ୍ଥାରେ ସାକ୍ଷାତ ହୋଇଥିଲେ । ବର୍ତ୍ତମାନ ଆଣ୍ଟୋନି ଦୁବାଇରେ ଅଛନ୍ତି ଏବଂ ଜଣେ ବ୍ୟବସାୟୀ । ତାଙ୍କ ପରିବାର ଏବଂ ପୃଷ୍ଠଭୂମି ବିଷୟରେ ଅଧିକ ସୂଚନା ପ୍ରକାଶ କରାଯାଇ ନାହିଁ । ଇନଷ୍ଟାଗ୍ରାମରେ ଆଣ୍ଟୋନି ଥାଟିଲଙ୍କର 548 ଫୋଲର୍ସ ଅଛନ୍ତି ।
ଏହା ମଧ୍ୟ ପଢନ୍ତୁ: 'ବେବି ଜନ' ପ୍ରଥମ ଗୀତ 'ନେନ ମଟକ୍କା' ରିଲିଜ; ବରୁଣ-କୀର୍ତ୍ତିଙ୍କ କେମେଷ୍ଟ୍ରି ଦେଖି ଫିଦା ଫ୍ୟାନ୍ସ
ଏହି ଦିନ ଏଠାରେ ବିବାହ କରିବେ କୀର୍ତ୍ତି ସୁରେଶ
ଗଣମାଧ୍ୟମ ରିପୋର୍ଟ ଅନୁଯାୟୀ, କିର୍ତ୍ତୀ ସୁରେଶ ଆସନ୍ତା ଡିସେମ୍ବର 11 କିମ୍ବା 12 ରେ ବିବାହ କରିପାରନ୍ତି । ଏହି କପଲଙ୍କ ଏକ ଡେଷ୍ଟିନେସନ ବିବାହ ହେବ ଯେଉଁଥିରେ ସେମାନଙ୍କର ବିଶେଷ ବନ୍ଧୁ, ପରିବାର ଏବଂ ଘନିଷ୍ଠ ବ୍ୟକ୍ତିମାନେ ଯୋଗଦେବେ ବୋଲି ଜଣାପଡିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
