ହାଇଦ୍ରାବାଦ: ଭାରତୀୟ ପୋଥି ପୁରାଣ ଅନୁସାରେ ତିନି ପ୍ରକାରର ଯଥା, ସାତ୍ତ୍ବିକ, ରାଜସିକ ଏବଂ ତାମସିକ ଗୁଣର ଲୋକ ଥାଆନ୍ତି । ଏମାନଙ୍କ ମଧ୍ୟରୁ ଶାକାହାରୀ ଅର୍ଥାତ୍ ସବୁଜ ପନିପରିବା ସେବନ କରୁଥିବା ବ୍ୟକ୍ତିଙ୍କୁ ସାତ୍ତ୍ବିକ ଗୋଷ୍ଠୀର ବିବେଚନା କରାଯାଏ । ଶାକାହାରୀ ଜୀବନଶୈଳୀରେ ସ୍ୱାସ୍ଥ୍ୟ, ନୈତିକ, ମାନବିକତା ଏବଂ ପରିବେଶ ଉପକାରିତା ବିଷୟରେ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ପ୍ରତିବର୍ଷ ଆଜିର ଦିନ ଅର୍ଥାତ୍ ଅକ୍ଟୋବର 1 କୁ ସାରା ବିଶ୍ୱରେ ଶାକାହାରୀ ଦିବସ(World Vegetarian Day) ରୂପେ ପାଳନ କରାଯାଉଛି । 1977 ମସିହାରେ ଉତ୍ତର ଆମେରିକୀୟ ଶାକାହାରୀ ସମାଜ ( North American Vegetarian Society, NAVS) ଦ୍ୱାରା ବିଶ୍ୱ ଶାକାହାରୀ ଦିବସ ପ୍ରତିଷ୍ଠା କରାଯାଇଥିଲା ।
1978 ରେ ଏହା ଅନ୍ତର୍ଜାତୀୟ ଶାକାହାରୀ ୟୁନିଅନ୍ ଦ୍ବାରା ଅନୁମୋଦିତ ପାଇବା ପରେ ଅକ୍ଟୋବରକୁ ଶାକାହାରୀ ସଚେତନତା ମାସ ଭାବରେ ପାଳନ କରାଯାଏ । ଶାକାହାରୀମାନେ କେବଳ ଶବୁଜ ପନିପରିବା ଖାଦ୍ୟ ସେବନ କରୁ ଥିବାବେଳେ ମାଂସାସୀ ଖାଦ୍ୟରୁ ଦୂରେଇ ରହିଥାନ୍ତି । ଶାକାହାରୀ ଖାଦ୍ୟକୁ ମୁଖ୍ୟତଃ ତିନିଟି ମୁଖ୍ୟ ଶ୍ରେଣୀରେ ବିଭକ୍ତ କରାଯାଇଛି । ନ୍ୟାସନାଲ ହେଲଥ ପୋର୍ଟାଲ ଅଫ ଇଣ୍ଡିଆ ଅନୁସାରେ ତିନି ପ୍ରକାର ଶାକାହାରୀ ଅଛନ୍ତି ।
ଭେଜିଟେରିଆନ- ଏହି ଡାଏଟରେ କେବଳ ଉଦ୍ଭିବଦ ଜାତ ଖାଦ୍ୟ ଥାଏ । କୌଣସି ପଶୁର ମାଂସ ବା ଅଣ୍ଡା, କ୍ଷୀର ଓ ମହୁ ଏ ପ୍ରକାର ଖାଦ୍ୟରେ ଅନ୍ତର୍ଭୁକ୍ତ କରାଯାଏ ନାହିଁ । ଭେଜିଟେରିଆନ ଖାଦ୍ୟରେ କେବଳ କଞ୍ଚାଫଳ, ପନିପରିବା, ସ୍ପ୍ରାଉଟ୍ସ ଓ ବାଦାମଜାତୀୟ ଖାଦ୍ୟ ବ୍ୟବହାର ହୁଏ ।
ଲାକ୍ଟୋ-ଭେଜିଟେରିଆନ–ଏ ପ୍ରକାର ଡାଏଟ ପ୍ଲାଣ୍ଟ ଫୁଡ ଓ ଦୁଗ୍ଧଜାତ ସାମଗ୍ରୀ ଥାଏ । କିନ୍ତୁ ଅଣ୍ଡା ନ ଥାଏ ।
ଲାକ୍ଟୋ-ଓଭୋ ଭେଜିଟାରିଆନ– ଏଥିରେ ପ୍ଲାଣ୍ଟ ଫୁଡ ସମେତ ଦୁଗ୍ଧଜାତ ସାମଗ୍ରୀ ଓ ଅଣ୍ଡା ରହେ ।
ଆପଣ ଯେକୌଣସି ପ୍ରକାର ଶାକାହାରୀ ହୁଅନ୍ତୁ ନା କାହିଁକି, ସବୁବେଳେ ସ୍ବାସ୍ଥ୍ୟକର ଓ ସନ୍ତୁଳିତ ଖାଦ୍ୟ ଖାଇବା ଦରକାର । ଯାହା ଦ୍ବାରା ଯଥେଷ୍ଟ ପରିମାଣରେ ନ୍ୟୁଟ୍ରିଏଣ୍ଟସ ମିଳିବା ସହ ଶରୀରର ବିକାଶ ଠିକ ରୂପେ ହୋଇପାରିବ । ଏକ ସଠିକ ଓ ସନ୍ତୁଳିତ ଶାକାହାରୀ ଭୋଜନ ସବୁ ବୟସର ଲୋକଙ୍କ ପୋଷକ ଆବଶ୍ୟକତା ପୂରଣ କରେ । ଶିଶୁ, ମହିଳା ଓ ବୟସ୍କମାନେ ଏଥିରୁ ଉପକୃତ ହୁଅନ୍ତି । ଆପଣଙ୍କର ପୋଷକ ଆବଶ୍ୟକତା ଯେପରି ପୂରଣ ହୋଇପାରୁଥିବା, ସେଥିପ୍ରତି ହିଁ ଧ୍ୟାନ ଦେବାକୁ ପଡିବ । ଆଉ ତାହାକୁ ଦେଖି ଡାଏଟ ପ୍ଲାନ କରାଯାଇପାରେ ।
ତେବେ କୌଣସି ଏକ ନିର୍ଦ୍ଦିଷ୍ଟ ଧର୍ମ ଗ୍ରହଣ କରିଥିବା ବ୍ୟକ୍ତି ଶାକାହାରୀ ଖାଦ୍ୟ ଗ୍ରହଣ କରିଥାନ୍ତି, ତେଣୁ ଜୈନ ଧର୍ମର ସଦସ୍ୟମାନେ ଏକ ଶାକାହାରୀ ଖାଦ୍ୟ ଅନୁସରଣ କରନ୍ତି, ଯାହା କେବଳ ମାଂସାସୀ ଖାଦ୍ୟ ଖାଇବାକୁ ବାରଣ କରେ ନାହିଁ ବରଂ ପିଆଜ, ଆଳୁ ପରି ପନିପରିବା ବ୍ୟବହାରକୁ ମଧ୍ୟ ବାରଣ କରିଥାଏ ।
ଲୋକମାନେ ପରିବେଶର ସୁରକ୍ଷା ପାଇଁ ଏକ ଉପାୟ ଭାବରେ ଶାକାହାରୀ ଖାଦ୍ୟକୁ ମଧ୍ୟ ଅନୁସରଣ କରନ୍ତି । କାରଣ ସେମାନେ ବିଶ୍ୱାସ କରନ୍ତି ଯେ, ଖାଦ୍ୟ ପାଇଁ ପଶୁମାନଙ୍କୁ ପାଳିବା ଏବଂ ପରେ ହତ୍ୟା କରିବା ପରିବେଶ ଉପରେ ନକାରାତ୍ମକ ପ୍ରଭାବ ପକାଇଥାଏ, ପ୍ରଦୂଷଣ ସୃଷ୍ଟି କରିଥାଏ ଏବଂ ଜଳବାୟୁ ପରିବର୍ତ୍ତନର କାରଣ ହୋଇଥାଏ ।
ଅନ୍ୟପକ୍ଷରେ, ଲୋକମାନେ ଏହାର ସ୍ୱାସ୍ଥ୍ୟ ଉପକାର ପାଇଁ ଶାକାହାରୀ ଖାଦ୍ୟ ଗ୍ରହଣ କରନ୍ତି । ଅନୁସନ୍ଧାନରୁ ଜଣାପଡିଛି ଯେ, ଏକ ଉଦ୍ଭିଦ ଭିତ୍ତିକ ଖାଦ୍ୟ ହୃଦୟର ସ୍ୱାସ୍ଥ୍ୟରେ ସାହାଯ୍ୟ କରିଥାଏ । କାରଣ ଉଚ୍ଚ ଫାଇବର, ଶସ୍ୟଜାତୀୟ, ଲେମ୍ବୁ, ବାଦାମ ଇତ୍ୟାଦି ହୃଦୟ ଏବଂ ଶରୀର ସ୍ୱାସ୍ଥ୍ୟ ପାଇଁ ବହୁତ ଭଲ । ଏହା ନିମ୍ନ ରକ୍ତଚାପ, ହାଡକୁ ମଜବୁତ, ଓଜନ ପରିଚାଳନା ଏବଂ ମଧୁମେହକୁ ନିୟନ୍ତ୍ରଣ କରିବାରେ ମଧ୍ୟ ସାହାଯ୍ୟ କରେ ।
ନ୍ୟାସନାଲ ହେଲ୍ଥ ପୋର୍ଟାଲ ଅଫ୍ ଇଣ୍ଡିଆ ଅନୁଯାୟୀ, ଅତ୍ୟାବଶ୍ୟକ ଆମିନୋ ଏସିଡ୍ ଗ୍ରହଣ କରିବାକୁ, ଲୋକମାନେ ବିଭିନ୍ନ ପ୍ରୋଟିନ୍ ସମୃଦ୍ଧ ଖାଦ୍ୟ ଖାଇବା ଉପରେ ଧ୍ୟାନ ଦେବା ଉଚିତ୍ ଯେଉଁଥିରେ ମସୁର ଡାଲି, ସ୍ପାଉଟ୍ସ ଓଟସ୍, ସୋୟା, ସୋୟା କ୍ଷୀର, ଆଲମଣ୍ଡ ଏବଂ ୱଲନଟ୍ସ, ବିନ୍ସ, କ୍ଷୀର ଅନ୍ତର୍ଭୁକ୍ତ । ବାସ୍ତବରେ, ଏକ ସୁଚିନ୍ତିତ ଶାକାହାରୀ ଭୋଜନ ଗ୍ରହଣ ଶରୀରକୁ ସୁସ୍ଥ ରଖିବା ସହ ପରିବେଶ ସୁରକ୍ଷା ପାଇଁ ମଧ୍ୟ ଉପକାରୀ ହୋଇଥାଏ ।
