ହାଇଦ୍ରାବାଦ: 1989 ମସିହାରେ, ବିଶ୍ବର ଜନସଂଖ୍ୟା ପ୍ରାୟ 5 ବିଲିୟନ ବୋଲି କୁହାଯାଉଥିଲା । ଜନସଂଖ୍ୟା ବୃଦ୍ଧି ହେଉଥିବା କାରଣରୁ ସୃଷ୍ଟି ହୋଇଥିବା ସମସ୍ୟାକୁ ନେଇ ଚିନ୍ତା ବଢିଥିଲା। ଏହାପରେ ଜନସଂଖ୍ୟା ରୋକିବା ସହ ସମସ୍ତଙ୍କ ମନରେ ସଚେତନତାକୁ ଜାଗ୍ରତ କରିବା ପାଇଁ ଏହି ଦିନଟିକୁ ପାଳନ କରାଯିବା ପାଇଁ ସ୍ଥିର କରାଯାଇଥିଲା । ମିଳିତ ଜାତିସଂଘ ବିକାଶ କାର୍ଯ୍ୟକ୍ରମ ପ୍ରତିବର୍ଷ 11 ଜୁଲାଇରେ 'ବିଶ୍ୱ ଜନସଂଖ୍ୟା ଦିବସ' ପାଳନ କରିବାକୁ ପଦକ୍ଷେପ ନେଇଥିଲା। ଏହି ଦିନ ଅଧିକ ଜନସଂଖ୍ୟା ପ୍ରସଙ୍ଗରେ ଗମ୍ଭୀରତା ଏବଂ ବିଶ୍ବ ଉପରେ ଏହାର ସମସ୍ୟାଜନିତ ପ୍ରଭାବକୁ ଆଲୋକିତ କରିଥାଏ ।
ଅତ୍ୟଧିକ ଜନସଂଖ୍ୟା ନିଃସନ୍ଦେହରେ ଏହିପରି ଏକ ପ୍ରସଙ୍ଗ ଯାହା ଏହି ଗ୍ରହର ପ୍ରତ୍ୟେକ ଜୀବଙ୍କ ପାଇଁ ଅନେକ ଅସୁବିଧା ସୃଷ୍ଟି କରିବ ବୋଲି ଆଶା କରାଯାଉଛି । 2023 ମସିହାରେ ବିଶ୍ବର ଜନସଂଖ୍ୟା ପ୍ରାୟ 8 ବିଲିୟନ ବୋଲି ଜଣାଯାଇଛି । ପ୍ରତ୍ୟେକ ଦେଶ ଏହାର ନାଗରିକଙ୍କ ଜନସଂଖ୍ୟାକୁ ନିୟନ୍ତ୍ରଣ କରିବା ପାଇଁ ସକରାତ୍ମକ ପଦକ୍ଷେପ ନେବା ଉଚିତ୍ । ଜନସଂଖ୍ୟାକୁ ନିୟନ୍ତ୍ରଣରେ ରଖିବା ପାଇଁ ନାଗରିକମାନେ ନିଜ ନିଜ ସରକାର ଗ୍ରହଣ କରିଥିବା ପଦକ୍ଷେପ ଅନୁସରଣ କରି ସହଯୋଗ କରିବା ଉଚିତ୍ ।
ଏହା ମଧ୍ୟ ପଢନ୍ତୁ: World Health Day: ସୁସ୍ଥ ସ୍ୱାସ୍ଥ୍ୟ ପ୍ରତ୍ୟେକଙ୍କ ମୌଳିକ ଆବଶ୍ୟକତା ଓ ଅଧିକାର
ଖବର ଅନୁଯାୟୀ, 1.4 ବିଲିୟନରୁ ଅଧିକ ଜନସଂଖ୍ୟା ବିଶିଷ୍ଟ ଜନସଂଖ୍ୟା ଦୃଷ୍ଟିରୁ ଭାରତ ବିଶ୍ୱର ସବୁଠାରୁ ଜନସଂଖ୍ୟା ବିଶିଷ୍ଟ ଦେଶ । ଜନସଂଖ୍ୟା ନିୟନ୍ତ୍ରଣ ପାଇଁ ପରିବାର ଯୋଜନା ଏବଂ କଲ୍ୟାଣ କାର୍ଯ୍ୟକ୍ରମ ଭଳି ଭାରତ ସରକାର ଅନେକ ପଦକ୍ଷେପ ନେଇଛନ୍ତି । କିନ୍ତୁ, ଯଦି ଫଳପ୍ରଦ ଭାବରେ ବ୍ୟବହୃତ ହୁଏ, ଏକ ବର୍ଦ୍ଧିତ ଜନସଂଖ୍ୟା କିଛି ସକାରାତ୍ମକତା ହୋଇପାରେ । ଦେଶର ପ୍ରଗତି ବ୍ୟତୀତ ଜନସଂଖ୍ୟା ବୃଦ୍ଧି ମହିଳାମାନଙ୍କ ସ୍ବାସ୍ଥ୍ୟ ଉପରେ ମଧ୍ୟ କୁପ୍ରଭାବ ପକାଇଛି । ବାରମ୍ବାର ଗର୍ଭଧାରଣ ଦ୍ବାରା ମହିଳାଙ୍କ ସ୍ବାସ୍ଥ୍ୟହାନୀ ଘଟିବା ସହିତ ବିଭିନ୍ନ ରୋଗର ଶିକାର ହୋଇଥାନ୍ତି ।
2023 ମସିହାରେ, ବିଶ୍ବ ଜନସଂଖ୍ୟା ଦିବସର ଥିମ ରହିଛି ଲିଙ୍ଗଗତ ସମାନତାର ସହ ଶକ୍ତି ଦେଖାଇବା । ଏହି ଥିମ୍ ମହିଳାମାନଙ୍କ ପାଇଁ ସମାନ ଅଧିକାରର ମହତ୍ତ୍ବ ଏବଂ ଲିଙ୍ଗଗତ ସମାନତାର ମୂଳଦୁଆ ପାଇଁ ଯୌନ ଏବଂ ପ୍ରଜନନ ସ୍ବାସ୍ଥ୍ଯ ଦୃଷ୍ଟିରୁ ମହିଳାଙ୍କ ଆବଶ୍ୟକତାକୁ ହୃଦୟଙ୍ଗମ କରିବା କେତେ ଗୁରୁତ୍ୱପୂର୍ଣ୍ଣ ତାହା ଆଲୋକିତ କରେ । ମହିଳାମାନଙ୍କୁ ସଶକ୍ତ କରିବା ଏବଂ ସେମାନଙ୍କର ପୂର୍ଣ୍ଣ ସାମର୍ଥ୍ୟକୁ ପ୍ରକାଶ କରିବା ପାଇଁ ଏହି ଦିବସ ପାଳନ କରାଯାଇଥାଏ ।
ଜନସଂଖ୍ୟାର କେତେକ କାରଣ ହେଉଛି ପରିବାର ଯୋଜନା, ଲିଙ୍ଗଗତ ସମାନତା, ବାଲ୍ୟ ବିବାହ, ମାନବିକ ଅଧିକାର, ସ୍ବାସ୍ଥ୍ୟଗତ ଅଧିକାର, ଶିଶୁର ସ୍ବାସ୍ଥ୍ୟ । ଏଥିପାଇଁ ବିଶ୍ବ ଜନସଂଖ୍ୟା ଦିବସ ସବୁବେଳେ ପ୍ରଜନନ ସ୍ବାସ୍ଥ୍ୟ ଉପରେ ଲକ୍ଷ୍ୟ ରଖିଥାଏ । ଜାତିସଂଘ ଅନୁଯାୟୀ, ଶିଳ୍ପ ବିପ୍ଳବ ପରେ ବିଶ୍ୱରେ ଏକ ବଡ଼ ପରିବର୍ତ୍ତନ ଘଟିଥିବାରୁ 1804 ମସିହାରେ ପ୍ରଥମ ଥର ପାଇଁ ବିଶ୍ବ ଜନସଂଖ୍ୟା ଏକ ବିଲିୟନରେ ପହଞ୍ଚିଥିଲା । ତେବେ ଜନସଂଖ୍ୟା ବୃଦ୍ଧି ନେଇ ଜାତିସଂଘର ସେକ୍ରେଟାରୀ ଜେନେରାଲ୍ ଆଣ୍ଟୋନିଓ ଗୁଟେରସ୍ ଗତବର୍ଷ କହିଥିଲେ ଯେ, "ବିଶ୍ବର ଜନସଂଖ୍ୟା ଆଠ ବିଲିୟନ ପହଞ୍ଚିବା ଏକ ସାଂଖ୍ୟିକ ଚିହ୍ନ, କିନ୍ତୁ ଆମର ଧ୍ୟାନ ସର୍ବଦା ଲୋକମାନଙ୍କ ଉପରେ ରହିବା ଆବଶ୍ୟକ । ଅର୍ଥାତ୍ ସେମାନଙ୍କ ସ୍ବାସ୍ଥ୍ୟ, ଶିକ୍ଷା ଇତ୍ୟାଦି ଉପରେ ବିଶେଷ ଧ୍ୟାନ ରିହବା ଉଚିତ।"
ବ୍ୟୁରୋ ରିପୋର୍ଟ, ଇଟିଭି ଭାରତ
