ହାଇଦ୍ରାବାଦ: ସୁସ୍ଥ ଜୀବନ ପାଇଁ ସନ୍ତୁଳିତ ଖାଦ୍ୟ ଏବଂ ବ୍ୟାୟାମର ଆବଶ୍ୟକତା ଉପରେ ସ୍ୱାସ୍ଥ୍ୟ ବିଶେଷଜ୍ଞମାନେ ସମୟ ସମୟରେ ଦୃଷ୍ଟି ଆକର୍ଷଣ କରିଛନ୍ତି । କିନ୍ତୁ ଅଫିସ୍ ଚାକିରି ହେତୁ ସୁସ୍ଥ ଜୀବନର ନିୟମ ଭଙ୍ଗ କରୁଛନ୍ତି ଲୋକେ । ନିକଟରେ ହୋଇଥିବା ଏକ ଅନୁସନ୍ଧାନରେ କୁହାଯାଇଛି ଯେ ଅଫିସରେ କାର୍ଯ୍ୟ କରୁଥିବା 10 ଜଣଙ୍କ ମଧ୍ୟରୁ 6 ଜଣ ମେଦବହୁଳତାର ଶିକାର ହୁଅନ୍ତି । ଏଥିସହ ଡାଇବେଟିସ ଏବଂ ହୃଦ୍ରୋଗ ଭଳି ଅନ୍ୟାନ୍ୟ ରୋଗର ମଧ୍ୟ ଶିକାର ହୋଇଥାନ୍ତି । ଏହାର ପ୍ରମୁଖ କାରଣ ହେଉଛି ଅସନ୍ତୁଳିତ ଖାଦ୍ୟ ଏବଂ ବ୍ୟାୟାମର ଅଭାବ ।
ବିଶେଷଜ୍ଞମାନେ କହିଛନ୍ତି ଯେ, ଅଫିସରେ ଦୀର୍ଘ ସମୟ ବସି କାର୍ଯ୍ୟ କରିବା ସମୟରେ ଲୋକମାନେ ପ୍ରାୟତଃ ନିଜ ଓଜନ ପ୍ରତି ଅସାବଧାନତା ଅବଲମ୍ବନ କରନ୍ତି ଏବଂ ସେହି ସମୟରେ ଡାଇବେଟିସ ମଧ୍ୟ ଏକ ସାଇଲେଣ୍ଟ୍ କିଲର ପରି କାମ କରେ । ଏଭଳି ପରିସ୍ଥିତିରେ ମେଦବହୁଳତା ଦ୍ରୁତ ଗତିରେ ବଢ଼ିଯାଏ ଏବଂ ଏହା ସହିତ ହୃଦ୍ରୋଗର ଆଶଙ୍କା ବଢିଯାଏ।
ସୂଚନା ଅନୁସାରେ, ନାଗପଡାସ୍ଥିତ ଜିଏସ୍ଟି ଭବନରେ କରାଯାଇଥିବା ଏକ ସର୍ଭେରୁ ଜଣାପଡିଛି ଯେ, ଦଶ ଜଣଙ୍କ ମଧ୍ୟରୁ ପ୍ରତି 6 ଜଣ ମୋଟାପଣର ଶିକାର ହୁଅନ୍ତି ଏବଂ ଏହି କାରଣରୁ ସେମାନଙ୍କ ଶରୀରରେ ଅନ୍ୟାନ୍ୟ ରୋଗ ହେବାର ଆଶଙ୍କା ରହିଥାଏ । ଏଭଳି ପରିସ୍ଥିତିରେ ଜଣା ପଡିଛି ଯେ ଅଫିସରେ କାମ କରିବା ସମୟରେ ଲୋକମାନେ ସେମାନଙ୍କ ସ୍ୱାସ୍ଥ୍ୟକୁ ବହୁତ ଅଣଦେଖା କରନ୍ତି । ଫଳରେ ଅଧିକାଂଶ କର୍ମଚାରୀଙ୍କ ମେଦବହୁଳତା, ବିପି ଏବଂ ଡାଇବେଟିସର ସମସ୍ୟା ଅଧିକ ରହିଛି ।
ଏହା ମଧ୍ୟ ପଢନ୍ତୁ: ଗର୍ଭାବସ୍ଥାରେ ମେଦ ଉଭୟ ମାଆ-ଛୁଆ ପାଇଁ ବିପଦ
ସର୍ଭେରେ କୁହାଯାଇଛି ଯେ 18 ପ୍ରତିଶତ ଲୋକ ପ୍ରଥମ ଥର ଜାଣିବାକୁ ପାଇଲେ ଯେ ସେମାନେ ଡାଇବେଟିସ ରୋଗର ଶିକାର ହୋଇଛନ୍ତି । ଅଫିସରେ ଦୀର୍ଘ ସମୟ ଧରି ବସି କାମ କରିବା ଦ୍ବାରା କେବଳ ମୋଟାପଣ ନୁହେଁ, ଏହି କାରଣରୁ ଡାଇବେଟିସ, ଉଚ୍ଚ ରକ୍ତଚାପ ଏବଂ ହାର୍ଟ ସମ୍ବନ୍ଧୀୟ ରୋଗ ହେବାର ଆଶଙ୍କା ବଢିଥାଏ । ଏହାକୁ ଏଡାଇବା ପାଇଁ, ନିତିଦିନିଆ ଜୀବନରେ ପରିବର୍ତ୍ତନ ଆଣିବା ଆବଶ୍ୟକ । ଯୋଗ ସହ ବ୍ୟାୟାମ ଏବଂ ମଦ୍ୟପାନର ମାତ୍ରା ହ୍ରାସ କରିବା ଉଚିତ୍ । ଏହା ସହିତ, ଏକ ସନ୍ତୁଳିତ ଖାଦ୍ୟ ଉପରେ ମଧ୍ୟ ଧ୍ୟାନ ଦେବା ଉଚିତ ।
ଯଦି ଅଫିସରେ ଘଣ୍ଟା ଘଣ୍ଟା ଧରି ବସି କାର୍ଯ୍ୟ କରୁଛନ୍ତି, ତେବେ ହାଡର ମଧ୍ୟ ସମସ୍ଯା ଦେଖାଯାଏ । ଏପରି ପରିସ୍ଥିତିରେ, କାମ ମଧ୍ୟରେ କିଛି ସମୟ ଚାଲିବା ଆବଶ୍ୟକ । ବାରମ୍ବାର ଚା' ଏବଂ କଫି ବଦଳରେ ସୁସ୍ଥ ପାନୀୟଜଳ ପିଇବା ଉଚିତ୍ । ଏଥିସହ ଠିକ୍ ସମୟରେ ଖାଇବା ସହ ସୁସ୍ଥ ଖାଦ୍ୟ ଖାଇବା ଦରକାର । ଏହା ବ୍ୟତୀତ ନିୟମିତ ବ୍ୟାୟାମ ଏବଂ ଯୋଗ କରିବା ଉଚିତ । ଏହି ରୁଟିନ୍ ଅନୁଯାୟୀ ସର୍ବଦା କାମ କରିବା ଦ୍ବାରା ଅଫିସ୍ ଜୀବନରେ ମଧ୍ୟ ବଢୁଥିବା ଓଜନକୁ ନିୟନ୍ତ୍ରଣ କରାଯାଇପାରିବ ।
