ହାଇଦ୍ରାବାଦ: ଆୟ ସ୍ତର ନିର୍ବିଶେଷରେ ସମଗ୍ର ବିଶ୍ୱରେ ହୃଦ୍ରୋଗ(cardiovascular diseases)ର କାରଣ ପ୍ରାୟ ସମାନ । 1.55 ନିୟୁତରୁ ଅଧିକ ଲୋକଙ୍କୁ ନେଇ ଏକ ବିଶ୍ୱସ୍ତରୀୟ, ବହୁମୁଖୀ ଅଧ୍ୟୟନରୁ ଜଣାପଡିଛି ଯେ ଉଚ୍ଚ, ନିମ୍ନ ଏବଂ ମଧ୍ୟମ ଆୟ ଦେଶରେ ଏବଂ ଉଭୟ ପୁରୁଷ ଓ ମହିଳାଙ୍କ ମଧ୍ୟରେ ହୃଦଘାତର କାରଣ ଗୁଡ଼ିକ ପ୍ରାୟ ସମାନ ଥିବା ପ୍ରୋସ୍ପେକ୍ଟିଭ ଅର୍ବାନ ରୁରାଲ ଏପିଡେମୋଲୋଜିକାଲ (Prospective Urban Rural Epidemiological, PURE) ଅନୁଧ୍ୟାନରୁ ଜଣାପଡିଛି ।
PURE ଅଧ୍ୟୟନରେ, 21ଟି ଉଚ୍ଚ ଆୟକାରୀ, ମଧ୍ୟମ ଆୟ ଏବଂ ସ୍ୱଳ୍ପ ଆୟକାରୀ ଦେଶର ବ୍ୟକ୍ତି ଅଂଶଗ୍ରହଣ କରିଥିଲେ ଏବଂ ସେମାନଙ୍କ ଉପରେ ପ୍ରାୟ 10 ବର୍ଷ ଧରି ରିସର୍ଚ୍ଚ କରାଯାଇଥିଲା । ଅନୁସନ୍ଧାନକାରୀମାନେ ଅଂଶଗ୍ରହଣକାରୀଙ୍କ ମେଟାବୋଲିକ୍, ଆଚରଣଗତ ଏବଂ ସାଇକୋସୋସିଆଲ୍ ବିପଦ କାରଣ ଗୁଡ଼ିକ ଉପରେ ସୂଚନା ରେକର୍ଡ କରିଥିଲେ । ମୋଟ ଉପରେ, 1,55,724 (58.4% ମହିଳା 41.6% ପୁରୁଷ) ଅଂଶଗ୍ରହଣକାରୀଙ୍କ ଉରକେ 5 ଜାନୁୟାରୀ 2005ରୁ ସେପ୍ଟେମ୍ବର 13, 2021 ମଧ୍ୟରେ ଅନୁସନ୍ଧାନ କରାଯାଇଥିଲା ।
ଅନୁସନ୍ଧାନରୁ ଜଣାପଡିଥିଲା ଯେ, ବିଶେଷ କରି ଯୁବାବସ୍ଥାରେ 4,911 ପୁରୁଷଙ୍କ ତୁଳନାରେ ମହିଳାମାନେ ହୃଦରୋଗକୁ ମୁକାବିଲା କରିବାରେ ଉନ୍ନତ । ଅଧ୍ୟୟନରୁ ଆହୁରି ମଧ୍ୟ ଜଣାପଡିଛି, ଲିପିଡ ମାର୍କର(କୋଲେଷ୍ଟ୍ରଲ) ଏବଂ ଉଦାସୀନତା କାରଣରୁ ମହିଳାଙ୍କ ତୁଳନାରେ ପୁରୁଷଙ୍କଠାରେ ହୃଦ୍ରୋଗର ଆଶଙ୍କା ଅଧିକ ରହି ଥିବାବେଳେ ଡାଏଟ୍ କାରଣରୁ ପୁରୁଷଙ୍କ ଅପେକ୍ଷା ମହିଳାମାନଙ୍କ ଠାରେ ଅଧିକ ହୃଦରୋଗ ହେବାର ଆଶଙ୍କା ଅଧିକ ରହିଛି । ଉଲ୍ଲେଖଯୋଗ୍ୟ, ଏହି ଅନୁସନ୍ଧାନଗୁଡିକ ଉଚ୍ଚ ଆୟ ଏବଂ ମଧ୍ୟମ ଆୟ ଏବଂ ସ୍ୱଳ୍ପ ଆୟକାରୀ ଦେଶମାନଙ୍କରେ ସମାନ ଥିଲା ।
ଅଧ୍ୟୟନ ପାଇଁ ଭାରତର ସହଯୋଗୀମାନେ ଏଟର୍ଣ୍ଣାଲ ହାର୍ଟ କେୟାର ସେଣ୍ଟର ଏବଂ ଅନୁସନ୍ଧାନ ପ୍ରତିଷ୍ଠାନ, ଜୟପୁର; ମାଡ୍ରାସ୍ ଡାଇବେଟିସ୍ ରିସର୍ଚ୍ଚ ଫାଉଣ୍ଡେସନ୍, ଚେନ୍ନାଇର ଡ. ମୋହନ ଡାଇବେଟିସ୍ ସ୍ପେସିଆଲିଟି ସେଣ୍ଟର; ଇଣ୍ଡିଆ SUT ଏକାଡେମୀ ଅଫ୍ ମେଡିକାଲ ସାଇନ୍ସ, ଭଟ୍ଟାପାରା, ଥିରୁଅନନ୍ତପୁରମ୍, କେରଳ; କମ୍ୟୁନିଟି ମେଡିସିନ୍ ଏବଂ ଜନସ୍ୱାସ୍ଥ୍ୟ ବିଭାଗ, ସ୍ନାତକୋତ୍ତର ଇନଷ୍ଟିଚ୍ୟୁଟ୍ ଅଫ୍ ମେଡିକାଲ୍ ଏଜୁକେସନ ଏବଂ ଅନୁସନ୍ଧାନ, ଚଣ୍ଡିଗଡ଼ ଏବଂ ଫିଜିଓଲୋଜି ବିଭାଗ, ସେଣ୍ଟ ଜନ୍ ମେଡିକାଲ୍ କଲେଜ ଏବଂ ହସ୍ପିଟାଲ୍, ବାଙ୍ଗାଲୋର ଯୋଗ ଦେଇଥିଲେ ।
ଅଧ୍ୟୟନର ଅନ୍ୟତମ ଲେଖକ ମାଡ୍ରାସ୍ ଡାଇବେଟିସ୍ ରିସର୍ଚ୍ଚ ଫାଉଣ୍ଡେସନର ଭି ମୋହନ କହିଛନ୍ତି ଯେ, "21 ଟି ଉଚ୍ଚ, ମଧ୍ୟମ ଏବଂ ସ୍ୱଳ୍ପ ଆୟକାରୀ ଦେଶରେ ହୃଦ୍ରୋଗକୁ ତୁଳନା କରିବାରେ ଏହା ପ୍ରଥମ ଅଧ୍ୟୟନ । ମହିଳା ଏବଂ ପୁରୁଷଙ୍କ ହୃଦ୍ ରୋଗ ବିପଦର କାରଣ ଗୁଡ଼ିକ ମଧ୍ୟରେ ସାମାନ୍ୟ ପାର୍ଥକ୍ୟ ରହିଛି, ତେଣୁ ଅଧ୍ୟୟନରୁ ଏହା ସ୍ପଷ୍ଟ ଯେ, ଉଭୟ ମହିଳା ଏବଂ ପୁରୁଷଙ୍କଠାରେ ହୃଦ୍ରୋଗକୁ ରୋକିବା ପାଇଁ ରଣନୀତି ସମାନ ହେବା ଉଚିତ୍ ।"
