ୱାଶିଂଟନ୍: ଋଷିଆରେ ବ୍ୟାପୁଛି SARS-CoV-2 ଭୂତାଣୁ । ବାଦୁଡିଙ୍କ ଠାରେ ଆବିଷ୍କୃତ ହୋଇଥିବା ଏହି ନୂଆ SARS-CoV-2 ଭୂତାଣୁ ମଣିଷଙ୍କୁ ମଧ୍ୟ ସଂକ୍ରମିତ କରିପାରେ ବୋଲି ଜଣାପଡିଛି । ମାତ୍ର COVID-19 ବିରୁଦ୍ଧରେ ବର୍ତ୍ତମାନର ଟିକା ପ୍ରତିରୋଧକ ଭାବେ କାମ କରିବ ବୋଲି ଅଧ୍ୟୟନରୁ ଜଣାପଡିଛି ।
ଆମେରିକାର ୱାଶିଂଟନ୍ ଷ୍ଟେଟ୍ ୟୁନିଭରସିଟି(Washington State University, WSU) ର ଅନୁସନ୍ଧାନକାରୀଙ୍କ ଦ୍ବାରା ଏକ ଟିମ୍, ବାଦୁଡି ଭୂତାଣୁରୁ ସ୍ପାଇକ୍ ପ୍ରୋଟିନ୍ ଚିହ୍ନଟ କରିଛନ୍ତି, ଯାହାର ନାମ ଖୋସ୍ତା-୨ । ଏହା ମାନବ କୋଷକୁ ସଂକ୍ରମିତ କରିପାରେ ଏବଂ SARS-CoV-2 ପାଇଁ ଟିକା ଦିଆଯାଇଥିବା ଲୋକଙ୍କଠାରୁ ଉଭୟ ଆଣ୍ଟିବଡି ଥେରାପି ଏବଂ ରକ୍ତ ସେରମ୍ ପ୍ରତିରୋଧ କରେ ।
ଏହି ଭୂତାଣୁ ମାନବ କୋଷକୁ ପ୍ରବେଶ ଏବଂ ସଂକ୍ରମିତ କରିବା ପାଇଁ ସ୍ପାଇକ୍ ପ୍ରୋଟିନ୍ ବ୍ୟବହାର କରେ । ଉଭୟ ଖୋସ୍ତା-୨ ଏବଂ SARS- CoV-2 କରୋନା ଭାଇରସର ସମାନ ଉପ-ବର୍ଗ, ଯାହା ସାର୍ବେକୋଭାଇରସ୍ ଭାବରେ ଜଣାଶୁଣା । ଆମର ଗବେଷଣା ଆହୁରି ଦର୍ଶାଏ ଯେ, ଏସିଆର ବାହାରେ ବନ୍ୟଜନ୍ତୁମାନଙ୍କର ସାରବେକୋଭାଇରସ୍ ବୁଲୁଛି, ଏପରିକି ପଶ୍ଚିମ ଋଷ ଭଳି ସ୍ଥାନରେ, ଯେଉଁଠାରେ ଖୋସ୍ତା-2 ଭାଇରସ୍ ମିଳିଥିଲା । SARS-CoV-2 ବିରୋଧରେ ଚାଲିଥିବା ଟୀକା ଅଭିଯାନ ସମୟରେ ଏହା ବିଶ୍ୱ ସ୍ୱାସ୍ଥ୍ୟ ପ୍ରତି ବିପଦ ସୃଷ୍ଟି କରିପାରେ ବୋଲି ଅନୁସନ୍ଧାନର ଲେଖକ ଲାଇକେଲ ଲେଟକୋ କହିଛନ୍ତି ।
PLoS Pathogens ପତ୍ରିକାରେ ପ୍ରକାଶିତ ଏହି ଅନୁସନ୍ଧାନରେ, SARS-CoV-2ର ଜଣାଶୁଣା ପ୍ରକାର ଅପେକ୍ଷା ସାଧାରଣତ ସାର୍ବେକୋଭାଇରସ୍ ଠାରୁ ରକ୍ଷା କରିବା ପାଇଁ ବିଶ୍ବସ୍ତରୀୟ ଟିକା ବିକଶିତ କରିବାର ଆବଶ୍ୟକତା ଦର୍ଶାଯାଇଛି । ଲେଟ୍କୋ କହିଛନ୍ତି ଯେ, "ବର୍ତ୍ତମାନ ଏକ ଗୋଷ୍ଠୀ ଟିକା ପ୍ରସ୍ତୁତ କରିବାକୁ ଚେଷ୍ଟା କରୁଛନ୍ତି, ଯାହା କେବଳ SARS-2ର ପରବର୍ତ୍ତୀ ପ୍ରକାରରୁ ରକ୍ଷା କରିବନି ବରଂ ସାର୍ବକୋଭାଇରସ୍ ଠାରୁ ରକ୍ଷା କରିବ।"
ଦୁର୍ଭାଗ୍ୟବଶତଃ, ସାମ୍ପ୍ରତିକ ବିକଶିତ ହୋଇଥିବା ଟିକା ନିର୍ଦ୍ଦିଷ୍ଟ ଭୂତାଣୁ ପ୍ରତିରୋଧକ ବୋଲି ବୈଜ୍ଞାନିକ କହିଛନ୍ତି । ନିକଟ ଅତୀତରେ ଏସିଆର ବାଦୁଡିମାନଙ୍କ ଠାରୁ ଶହ ଶହ ସାର୍ବେକୋଭାଇରସ୍ ଚିହ୍ନଟ କରାଯାଇଛି, ମାତ୍ର ସେଗୁଡିକ ମଧ୍ୟରୁ ଅଧିକାଂଶ ମାନବ କୋଷକୁ ସଂକ୍ରମଣ କରିବାରେ ସକ୍ଷମ ନୁହଁନ୍ତି । ଅନୁସନ୍ଧାନକାରୀମାନେ କହିଛନ୍ତି ଯେ, "ଖୋସ୍ତା -1 ଏବଂ ଖୋସ୍ତା-୨ ଭୂତାଣୁ ଋଷର ବାଦୁଡିମାନଙ୍କ ଠାରୁ 2020 ଶେଷରେ ଚିହ୍ନଟ ହୋଇଥିଲା ଏବଂ ଏହା ପ୍ରଥମେ ମାନବଙ୍କ ପାଇଁ ବିପଦ ନୁହେଁ ବୋଲି ଜଣାପଡିଥିଲା । ବର୍ତ୍ତମାନ କିନ୍ତୁ ଏହା ମାନବଙ୍କୁ ସଂକ୍ରମିତ କରୁଥିବା ନେଇ ଜଣାପଡିବା ପରେ ଆମେ ବିଶ୍ମିତ ହୋଇଯାଇଥିବା କହିଛନ୍ତି ଅନୁସନ୍ଧାନକାରୀ ।"
