ଗର୍ଭାବସ୍ଥାରେ ଥାଇରଏଡ ସମସ୍ୟା, ଛୁଆ ଉପରେ କଣ ପ୍ରଭାବ ପଡିବ ଜାଣନ୍ତୁ

ଥାଇରଏଡ ସମସ୍ୟା ଯେକୌଣସି ବୟସରେ ହୋଇଥାଏ। ତେବେ ଗର୍ଭାବସ୍ଥାରେ ଏହି ସମସ୍ୟା ଦେଖାଗଲେ ଅନେକ ପ୍ରକାର ସମସ୍ୟାର ସମ୍ମୁଖୀନ ହେବାକୁ ପଡିଥାଏ। ତେବେ ଜାଣନ୍ତୁ ଏହାର ଲକ୍ଷଣ

ହାଇଦ୍ରାବାଦ: ଥାଇରଏଡ୍ ରୋଗ ଯେକୌଣସି ବୟସରେ ହୋଇପାରେ । କିଛି ବ୍ୟକ୍ତିଙ୍କୁ କମ ବୟସରେ ଥାଇରଏଡ ସମସ୍ୟା ଦେଖାଦେଉଥିବା ବେଳେ ଆଉ କିଛି ଜଣଙ୍କୁ ଗର୍ଭାବସ୍ଥାରେ ଥାଇରଏଡ ସମସ୍ୟା ହୋଇଥାଏ । ତେବେ ପ୍ରଶ୍ନ ଉଠୁଛି ଯେ ଏହା କାହିଁକି ଘଟେ ? ବାସ୍ତବରେ, ଥାଇରଏଡ୍ ଏକ ଗ୍ରନ୍ଥି ଅଟେ, ଯେତେବେଳେ ଏଥିରେ କୌଣସି ପ୍ରକାରର ବ୍ୟାଘାତ ହୁଏ, ସେତେବେଳେ ଥାଇରଏଡ୍ ବଢିଯାଇଥାଏ । ଯଦି ଡାକ୍ତରୀ ଭାଷାରେ କହିବା ଥାଇରଏଡ ହେଉଛି ଏକ ପ୍ରକାର ଗ୍ରନ୍ଥି ଯାହା ଗଳାରେ ରହିଥାଏ । ଏହି ଗ୍ରନ୍ଥି ଶରୀରର ମେଟାବୋଲିଜିମକୁ ନିୟନ୍ତ୍ରଣ କରିଥାଏ । ତେବେ ଥାଇରଏଡର ମାତ୍ରା ବୃଦ୍ଧି ହେବା ଯୋଗୁଁ ନାନା ପ୍ରକାର ସମସ୍ୟା ଦେଖାଦେଇଥାଏ । ତେବେ ଗର୍ଭାବସ୍ଥାରେ ଥାଇରଏଡ ସମସ୍ୟା ଯୋଗୁଁ କେଉଁ ପ୍ରକାର ସମସ୍ୟାର ସମ୍ମୁଖୀନ ହେବାକୁ ପଡେ ଜାଣନ୍ତୁ...

ଥାଇରଏଡ ସମସ୍ୟା: ଲୋକଙ୍କ ମଧ୍ୟରେ ସଚେତନତାର ଅଭାବ କାରଣରୁ ଥାଇରଏଡ ଦ୍ରୁତ ଗତିରେ ବୃଦ୍ଧି ପାଇଥାଏ । ଯେକୌଣସି ବୟସରେ ମଧ୍ୟ ଏହା ହୋଇପାରେ । ଏହାଦ୍ବାରା ଥକ୍କା ଲାଗିବା, ଥଣ୍ଡା ହେବା, କୋଷ୍ଠକାଠିନ୍ୟ, ଶୁଷ୍କ ଚର୍ମ, ଓଜନ ବୃଦ୍ଧି, ମୁହଁ ଫୁଲିଯିବା, ସ୍ୱରରେ ପରିବର୍ତ୍ତନ, ମାଂସପେଶୀ ଦୁର୍ବଳତା, ମାଂସପେଶୀ ଯନ୍ତ୍ରଣା, ମାସିକ ଋତୁସ୍ରାବ ପରିବର୍ତ୍ତନ, କେଶ ଝଡ଼ିବା, ଉଦାସୀନତା, ସ୍ମୃତି ସମସ୍ୟା ଭଳି ଲକ୍ଷଣ ଦେଖାଯାଇଥାଏ ।

ଥାଇରଏଡ 3 ପ୍ରକାର ହୋଇଥାଏ:

ହାଇପୋଥାଇରଏଡିଜିମ: ଏହା ସବୁଠାରୁ ସାଧାରଣ ଥାଇରଏଡ୍ ବୋଲି କୁହାଯାଇଥାଏ । ଏଥିରେ ଥାଇରଏଡ୍ ଗ୍ରନ୍ଥି ସାଧାରଣ ଅପେକ୍ଷା କମ୍ ସକ୍ରିୟ ହୋଇଯାଏ। ଯେଉଁଥିପାଇଁ ଏହା ଆବଶ୍ୟକତାଠାରୁ କମ୍ କାମ କରିଥାଏ । ଏଥିପାଇଁ ଆପଣଙ୍କୁ ସାରା ଜୀବନ ଔଷଧ ଖାଇବାକୁ ପଡିପାରେ।

ଯଦି ଗର୍ଭାବସ୍ଥାରେ ଏହି ଥାଇରଏଡ୍ ସମସ୍ୟା ଗର୍ଭାବସ୍ଥାରେ ଦେଖାଯାଏ ତାହେଲେ ଏହି ପ୍ରକାର ଲକ୍ଷଣ ଦେଖାଯାଇଥାଏ:

• ଓଜନ ବଢିବା
• ଶିଶୁର ବୃଦ୍ଧି ବା ବିକାଶ ନହେବା
• ଧିମା ଲାଗିବା
• କୋଷ୍ଠକାଠିନ୍ୟ

ହାଇପର ଥାଇରଏଡିଜିମ: ଏଥିରେ ଥାଇରଏଡ୍ ଗ୍ରନ୍ଥି ଅଧିକ ସକ୍ରିୟ ହୋଇଯାଏ। ଏହି ପରିସ୍ଥିତିରେ, ବେଳେବେଳେ ରୋଗୀକୁ ଡିଆକ୍ଟିଭ ଆୟୋଡିନ୍ କିମ୍ବା ଅପରେସନ୍ ଆବଶ୍ୟକ ହୋଇପାରେ। ଏହି ପ୍ରକାରର ଲକ୍ଷଣଗୁଡିକ ହାଇପରଥାଇରଏଡିଜିମରେ ଦେଖାଯାଏ

• ଦ୍ରୁତ ଓଜନ ହ୍ରାସ
• ହୃଦସ୍ପନ୍ଦନରେ ପରିବର୍ତ୍ତନ
• ଗଳ। ଖରାପ
• କେଶ ଝଡିବା

ଗୋଏଟର: ଏହା ହେଉଛି ଏକ ପ୍ରକାର ଥାଇରଏଡ୍ ଯେଉଁଥିରେ ଗଳା ଫୁଲିବା ଆରମ୍ଭ ହୁଏ। ଏହାକୁ ଇଉଥାଇରଏଡ୍ ଗୋଏଟର କୁହାଯାଏ।

ଥାଇରଏଡ ରୋଗୀଙ୍କ ପାଇଁ ଉପକାରୀ ବ୍ରାଜିଲ ନଟ: ସେଲେନିୟମ୍ ସମୃଦ୍ଧ ଖାଦ୍ୟ ଖାଇ ଥାଇରଏଡ୍ ସମସ୍ୟାର ସମାଧାନ କରିପାରିବେ । ଏଥିପାଇଁ ଆପଣ ବ୍ରାଜିଲ ନଟ୍‌କୁ ଖାଦ୍ୟରେ ଅନ୍ତର୍ଭୁକ୍ତ କରିପାରିବେ । ବ୍ରାଜିଲ ନଟ୍‌ ସେଲେନିୟମର ଏକ ଉତ୍ତମ ଉତ୍ସ । ଥାଇରଏଡ୍ ହରମୋନ୍ ସ୍ତରର ଉନ୍ନତି ପାଇଁ ସେଲେନିୟମ୍ କାର୍ଯ୍ୟ କରେ । ବିଶେଷଜ୍ଞମାନେ ଏହା ମଧ୍ୟ କହିଛନ୍ତି ଯେ ଥାଇରଏଡ ହରମୋନର ଅଭାବକୁ ବ୍ରାଜିଲ ନଟ୍‌ ସହାୟକ ହୋଇପାରେ । ଥାଇରଏଡ୍ ଗ୍ରନ୍ଥିର ଟିସୁରେ ଶରୀରର ଅନ୍ୟ ଅଙ୍ଗ ଅପେକ୍ଷା ଅଧିକ ସେଲେନିୟମ୍ ମିଳିଥାଏ । ଏହା ଥାଇରଏଡକୁ ଅକ୍ସିଡେଟିଭ୍ କ୍ଷତିରୁ ରକ୍ଷା କରିଥାଏ ଏବଂ ଥାଇରଏଡ୍ ହରମୋନ୍ ଉତ୍ପନ୍ନରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏହି ପରିପ୍ରେକ୍ଷୀରେ, ବ୍ରାଜିଲ୍ ନଟ୍‌ ଏପରି ଏକ ଶୁଖିଲା ଫଳ ବା ଡ୍ରାଏ ଫ୍ରୁିଟ୍ସ ଯାହା ଥାଇରଏଡ୍ ଗ୍ରନ୍ଥିକୁ ଏକ ଭଲ ଉପାୟରେ ହ୍ରାସ କରିବାରେ ସାହାଯ୍ୟ କରେ ।

ବ୍ୟୁରୋ ରିପୋର୍ଟ, ଇଟିଭି ଭାରତ