ହାଇଦ୍ରାବାଦ: କର୍କଟର ବିଭିନ୍ନ ପ୍ରକାର ମଧ୍ୟରୁ ଗୋଟିଏ ହେଉଛି ଯକୃତ କର୍କଟ ବା ଲିଭର୍ କ୍ୟାନ୍ସର(Liver Cancer), ଯାହା ସାଂଘାତିକ ହୋଇପାରେ । ଲିଭର କ୍ୟାନ୍ସର ହେଉଛି ଏକ ପ୍ରକାର କର୍କଟ ଯାହା ଯକୃତର କୋଷରେ ଆରମ୍ଭ ହୁଏ । ଯକୃତ ହେଉଛି ଏକ ଫୁଟବଲ୍ ଆକାରର ଅଙ୍ଗ ଯାହା ପେଟର ଉପର ଡାହାଣ ଭାଗରେ, ଡାଏଫ୍ରାଗମ୍ ତଳେ ଥାଏ । ଏହା ହଜମ କ୍ରିୟାରେ ବେଶ୍ ସହାୟକ ହୋଇଥାଏ । ମାତ୍ର ବେଳେବେଳେ ଖରାପ ଖାଦ୍ୟ ଗ୍ରହଣ ଓ ଜୀବନଶୈଳୀକୁ ଏହାକୁ ପ୍ରଭାବିତ କରିଥାଏ । ସାମାନ୍ୟ ଅବହେଳା ମଧ୍ୟ କର୍କଟ ଭଳି ଜଟିଳ ରୋଗକୁ ମଧ୍ୟ ଡାକି ଆଣେ । ତେବେ ଜାଣନ୍ତୁ ଲିଭର୍ କ୍ୟାନ୍ସର ବାବଦରେ ସମସ୍ତ ବିବରଣୀ
ସଂକେତ ଓ ଲକ୍ଷଣ(Liver Cancer Signs, Symptoms):- ପ୍ରାଥମିକ ଯକୃତ କର୍କଟ ରୋଗର ପ୍ରାରମ୍ଭିକ ଅବସ୍ଥାରେ ଅଧିକାଂଶ ଲୋକଙ୍କର ସଂକେତ ଓ ଲକ୍ଷଣ ନଥାଏ । ତଥାପି କେତେକ ସାଧାରଣ ଲକ୍ଷଣ ପରିଲିକ୍ଷିତ ହୁଏ, ସେଗୁଡିକ ହେଲା । ଡାହାଣ ପାଖ ପଞ୍ଜରା(rib cage) ଠିକ ତଳକୁ ପେଟ ଭିତରେ ଏକ ପିଣ୍ଡ ହାତକୁ ଲାଗେ ବା ସେହି ସ୍ଥାନରେ ଯନ୍ତ୍ରଣା ହୁଏ । ଏକ ସାମାନ୍ୟ ରାତ୍ରୀ ଭୋଜନ କରିବା, କିନ୍ତୁ ପେଟ ପୁରିଯାଇଥିବା ଭଳି ଅନୁଭବ ହେବା । ଓଜନ ହ୍ରାସ । ଭୋକ କମିବା । ବାନ୍ତି କିମ୍ବା ପତଳା ଝାଡ଼ା(diarrhoea) । ଆଖି ଏବଂ ଚର୍ମ ଯାହା ହଳଦିଆ ହୋଇଯିବା(ଜଣ୍ଡିସ) । ସହଜରେ କ୍ଷତ ହେବା ।
ଏହା ମଧ୍ୟ ପଢନ୍ତୁ:- Polycystic kidney Disease: ଜାଣନ୍ତୁ ରୋଗର କାରଣ ଓ ପ୍ରକାର
କାରଣ(Liver Cancer Cause):- ହେପାଟାଇଟିସ ବି, ହେପାଟାଇଟିସ ସି ବା ମଦ୍ୟପାନ ଯୋଗୁଁ ସିରୋସିସ୍ ହେବା ପରେ ଏହି ଯକୃତ କର୍କଟ ରୋଗ ହୁଏ । ଅନ୍ୟାନ୍ୟ କାରଣ ମଧ୍ୟରେ ଆଫ୍ଲାଟକ୍ସିନ(aflatoxin), ଆଲକୋହଲ ବିହୀନ ଚର୍ବିଳ ଯକୃତ (non-alcoholic fatty liver disease) ରୋଗ ଓ ଯକୃତ ପର୍ଣ୍ଣକୃମି (liver flukes) କାରଣରୁ ଏହି ରୋଗ ହୋଇଥାଏ । ଯକୃତ କର୍କଟ ଅନେକ ପ୍ରକାରର ହୋଇପାରେ, ସେଥି ମଧ୍ୟରୁ ହେପାଟୋସେଲ୍ୟୁଲାର କର୍କଟ(୮୦%) (hepatocellular carcinoma) ଓ କୋଲାଞ୍ଜିଓକାର୍ସିନୋମା (cholangiocarcinoma) ଅଧିକ ଦେଖାଯାଏ ।
ଏହାଠାରୁ କମ ସଂଖ୍ୟାରେ ମ୍ୟୁସିନସ ସିସ୍ଟିକ ନିଓପ୍ଲାଜ୍ମା (mucinous cystic neoplasm) ଓ ଇଣ୍ଟ୍ରାଡକ୍ଟାଲ ପାପିଲାରି ବିଲିଆରି ନିଓପ୍ଲାଜ୍ମା(intraductal papillary biliary neoplasm) ରୋଗ ଦେଖାଯାଏ । ରୋଗ ନିର୍ଣ୍ଣୟ ନିମନ୍ତେ ରକ୍ତ ପରୀକ୍ଷା (blood tests), ମେଡିକାଲ ଇମେଜିଙ୍ଗ(medical imaging) ଓ ଟିସୁ ବାୟୋପ୍ସି(tissue biopsy) ଇତ୍ୟାଦିର ପରୀକ୍ଷଣ ଆବଶ୍ୟକ ହୁଏ ।
ଚିକିତ୍ସା(Liver Cancer Treatment):-ଭଲ ଜୀବନଶୈଳୀ ଅଭ୍ୟାସ ଗ୍ରହଣ କରି, ଯେପରିକି ବାରମ୍ବାର ବ୍ୟାୟାମ, ଏକ ସୁସ୍ଥ ଓଜନ ବଜାୟ ରଖିବା ଏବଂ କମ୍ ମଦ୍ୟପାନ ସହିତ ସନ୍ତୁଳିତ ଖାଦ୍ୟ ଖାଇବା ଦ୍ୱାରା ଯକୃତ କର୍କଟ ହେବାର ସମ୍ଭାବନାକୁ ହ୍ରାସ କରିପାରିବେ । ହେପାଟାଇଟିସ୍ ବି ଏବଂ ସି ଭୂତାଣୁ ସଂକ୍ରମଣକୁ ମଧ୍ୟ ଏଡାଇବା ଉଚିତ୍ । ହେପାଟାଇଟିସ୍ ବି ସଂକ୍ରମଣର ଯଦି ସଠିକ୍ ଚିକିତ୍ସା କରାନଯାଏ ତେବେ କୁପ୍ରଭାବ, ଲିଭର୍ ଫେଲ୍ ଏବଂ ସିରୋସିସ୍ ଭଳି ସମସ୍ୟା କରିପାରେ । ହେପାଟାଇଟିସ୍ ବି ଟିକା ଉଭୟ ବୟସ୍କ ଏବଂ ପିଲାମାନଙ୍କ ପାଇଁ ଦିଆଯାଉଛି ।
