Vaginal Itching: ଗୁପ୍ତାଙ୍ଗରେ ସଂକ୍ରମଣ ଜନିତ ସମସ୍ୟାର କିପରି କରିବେ ସମାଧାନ, ଜାଣନ୍ତୁ

ଖରା ହେଉ ଅବା ବର୍ଷାଦିନ ଅଧିକାଂଶ ମହିଳାମାନେ ଯୋନୀ ସଂକ୍ରମଣ ଜନିତ ସମସ୍ୟାର ସମ୍ମୁଖୀନ ହୁଅନ୍ତି । ଏହି କାରଣରୁ ସେହି ସ୍ଥାନରେ ଜ୍ବଳନ, କୁଞ୍ଚନ ଏବଂ କୁଣ୍ଡିଆ ହୋଇଥାଏ । ମାତ୍ର ବାରମ୍ବାର ଏପରି ଘଟୁଥିଲେ ହାଲୁକା ଭାବେ ନେବା ଅନୁଚିତ୍ । ଏପରି ସମସ୍ୟାର କିପରି ସମାଧାନ କରିବେ, ଜାଣନ୍ତୁ

ହାଇଦ୍ରାବାଦ: ଯୋନୀ(vagina) ଶରୀରର ସବୁଠାରୁ ସମ୍ବେଦନଶୀଳ ଅଂଶ । ଫଙ୍ଗସ୍ ଏବଂ ବ୍ୟାକ୍ଟେରିଆ ଏହାକୁ ସହଜରେ ପ୍ରଭାବିତ କରିପାରେ ଏହି କାରଣରୁ ଉତ୍ତେଜନା ବା ଜ୍ବଳନ, କୁଞ୍ଚନ ଏବଂ ଘା' ଆଦି ସମସ୍ୟା ହୋଇପାରେ । ଅନେକ ସମୟରେ ମହିଳାମାନେ ପ୍ରାଇଭେଟ୍ ପାର୍ଟରେ ଜ୍ବଳନ କିମ୍ବା କୁଣ୍ଡିଆ ଆଦି ସମସ୍ୟାର ସମ୍ମୁଖୀନ ହୁଅନ୍ତି । ଏହି ସମସ୍ୟା ସାଧାରଣ ହେଲେ ମଧ୍ୟ ଯଦି ବାରମ୍ବାର ଏପରି ଘଟୁଛି, ତେବେ ତୁରନ୍ତ ଡାକ୍ତରଙ୍କ ପରାମର୍ଶ ଗ୍ରହଣ କରିବାର ଆବଶ୍ୟକତା ରହିଛି । ନଚେତ୍ ଏହି ସମସ୍ୟା ଅନ୍ୟାନ୍ୟ ରୋଗ କରିପାରେ ।

Vaginal Itching

ସଠିକ୍ ପରିଷ୍କାର ନହେବା କାରଣରୁ ଅନେକ ଥର ଏହିପରି ସମସ୍ୟା ଦେଖାଯାଏ । କିନ୍ତୁ କୁଣ୍ଡେଇ ହେବା ଏବଂ ଜ୍ବଳନ ସମସ୍ୟା କେତେକ ମହିଳାଙ୍କଠାରେ ଅଧିକ ଦେଖାଯାଏ, ଯାହାକୁ ଅଣଦେଖା କରିବା ବିପଜ୍ଜନକ ହୋଇପାରେ । ଯୋନୀରେ କ୍ରମାଗତ କୁଞ୍ଚନ ହେତୁ ବେଳେବେଳେ ସେହି ଅଂଶରେ ଫୁଲା ମଧ୍ୟ ହୁଏ । ଯୋନୀର କମ୍ pH କାରଣରୁ କୁଞ୍ଚନ ହୋଇଥାଏ । ତେବେ ସେହି ସ୍ଥାନରେ କୁଣ୍ଡିଆ(Rashes) ହେବାର ବହୁ କାରଣ ରହିଛି, କଣ ଏହି ସବୁ କାରଣ, ଜାଣନ୍ତୁ...

ଏହା ମଧ୍ୟ ପଢନ୍ତୁ:- BHU Study: ମାନସିକ ଚାପ ପୁରୁଷଙ୍କ ଶକ୍ତିକୁ ପ୍ରଭାବିତ କରୁଛି

ଯୋନୀରେ କୁଣ୍ଡେଇ ହେବାର କାରଣ

ଇଷ୍ଟ ସଂକ୍ରମଣ(yeast infection): ଯୋନୀରେ ଖମିର(ଇଷ୍ଟ) ଅତ୍ୟଧିକ ବୃଦ୍ଧି ହେତୁ ଏହି ସଂକ୍ରମଣ ହୁଏ । ଖମୀର ସଂକ୍ରମଣ ଜ୍ବଳନ, କୁଞ୍ଚନ ଏବଂ ଅତ୍ୟଧିକ ହ୍ବାଇଟ୍ ଡିସ୍‌ଚାର୍ଜ କରିପାରେ ।

ବ୍ୟାକ୍ଟେରିଆର୍ ଭେଜିନୋସିସ୍(Bacterial vaginosis): ଯୋନୀରେ ଜୀବାଣୁ ବୃଦ୍ଧି ହେତୁ ଏହା ହୁଏ । ଜୀବାଣୁ ଭେଜିନୋସିସରେ ପୀଡିତ ମହିଳାମାନଙ୍କର ଯୋନୀରୁ ଦୁର୍ଗନ୍ଧ ନିର୍ଗତ ସହ ମୂତ୍ର ତ୍ୟାଗରେ ଦୁର୍ଗନ୍ଧ ଆସିଥାଏ ।

ସେକ୍ସୁଆଲି ଟ୍ରାନ୍ସମିଟେଡ୍ ଇନଫେକ୍ସନ୍(sexually transmitted infection): କେତେକ ସେକ୍ସୁଆଲି ଟ୍ରାନ୍ସମିଟେଡ୍ ଇନଫେକ୍ସନ୍(STI) ଯେପରିକି କ୍ଲାମିଡିଆ, ଗୋନୋରିଆ ଏବଂ ଟ୍ରାଇକୋମୋନିଆସିସ୍ ଯୋନୀ କୁଞ୍ଚନ ଏବଂ ହ୍ବାଇଟ୍ ଡିସ୍‌ଚାର୍ଜ କରିପାରେ ।

ଆଲର୍ଜି କିମ୍ବା ଜ୍ବଳନ: କିଛି କ୍ଷତିକାରକ ଦ୍ରବ୍ୟ ପ୍ରୟୋଗ କାରଣରୁ ଯୋନୀରେ ଜ୍ବଳନ ହୋଇଥାଏ । ଏହି କ୍ଷତିକାରକ ଦ୍ରବ୍ୟରେ ସ୍ପର୍ମିସିଡ୍ସ, ସୁଗନ୍ଧିତ ଟେମ୍ପେନ୍, ଡଚ୍ ଇତ୍ୟାଦି ମିଶିଥାଏ । ଫଳରେ ଜ୍ବଳନ କିମ୍ବା ଆଲର୍ଜି ଆଦି ସୃଷ୍ଟି ହୁଏ ।

ମେନୋପୋଜ୍: ମେନୋପୋଜ ସମୟରେ ଇଷ୍ଟ୍ରୋଜେନ୍ ସ୍ତର କମିଯାଏ । ଯୋନୀ ଟିସୁ ପତଳା ଏବଂ ଶୁଷ୍କ ହୋଇଯାଏ, ଯାହା ଦ୍ବାରା କୁଞ୍ଚନ ଏବଂ ଜ୍ବଳନ ହୋଇପାରେ ।

ଚିକିତ୍ସା

ଆଣ୍ଟିଫଙ୍ଗାଲ୍ ଔଷଧ: ଏହି ଔଷଧ ଗୁଡ଼ିକ ଖମୀର ସଂକ୍ରମଣର ଚିକିତ୍ସା ପାଇଁ ବ୍ୟବହୃତ ହୁଏ । ଏଗୁଡିକ କୁଞ୍ଚନ ସମସ୍ୟା ମଧ୍ୟ ଦୂର କରିପାରିବ ।

ଆଣ୍ଟିବାୟୋଟିକ୍: ବ୍ୟାକ୍ଟେରିଆ ଭେଜିନୋସିସ୍ ଏବଂ କେତେକ ସେକ୍ସୁଆଲି ଟ୍ରାନ୍ସମିଟେଡ୍ ଇନଫେକ୍ସନ୍ କ୍ଷେତ୍ରରେ ଏହି ଔଷଧଗୁଡିକ ବ୍ୟବହୃତ ହୁଏ ।

ଟପିକାଲ୍ ଷ୍ଟେରଏଡ୍: ଏହା ପ୍ରଦାହ ଏବଂ କୁଞ୍ଚନ ହ୍ରାସ କରିବାରେ ସାହାଯ୍ୟ କରିଥାଏ ।

Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ । ଡାକ୍ତରଙ୍କ ବିନା ପରାମର୍ଶ କ୍ରମେ କୌଣସି ଔଷଧ କିମ୍ବା ମଲମ ବ୍ୟବହାର କରନ୍ତୁ ନାହିଁ ।