ହାଇଦ୍ରାବାଦ: ଭାରତୀୟ ଖାଦ୍ୟପେୟରେ ଚା'ର ରହିଛି ସ୍ବତନ୍ତ୍ର ଭୂମିକା । ସକାଳ ଶଯ୍ୟା ତ୍ୟାଗ ପରଠାରୁ ଆରମ୍ଭ ହୋଇଯାଏ ଚା'ର ଆସର । ଘରକୁ ବନ୍ଧୁ ପରିଜନ ଆସିଲେ ପ୍ରଥମେ ପରସା ଯାଏ ଚା' । ଅଧିକାଂଶ ପରିବାରରେ ଦିନକୁ ଦୁଇରୁ ତିନି ଥର ଚା' ପ୍ରସ୍ତୁତ ହେଉଥିବ ନିଶ୍ଚୟ । ଏକ ଅଭ୍ୟାସ ଥାଏ କି ପୂର୍ବ ପ୍ରସ୍ତୁତ ଚା'କୁ ଗରମ କରି ପିଇଦେବା କିମ୍ବା ସେଥିରେ ମିଶାଇ ଆଉ କିଛି ପରିମାଣରେ ନୂଆ ପ୍ରସ୍ତୁତ କରିଦେବା, ଯଦି ଆପଣ ମଧ୍ୟ ଏପରି ଅଭ୍ୟାସ କରୁଛନ୍ତି ତେବେ ସାବଧାନ ହୋଇଯାଆନ୍ତୁ ! ପୂର୍ବରୁ ତିଆରି ଚା'କୁ ବାରମ୍ବାର ପିଇବା ଦ୍ବାରା ସ୍ବାସ୍ଥ୍ୟ ଉପରେ କୁପ୍ରଭାବ ପଡିଥାଏ । ତେବେ ଏହାର କି କି ଅପକାରୀ ଗୁଣ ରହିଛି, ଜାଣନ୍ତୁ...
ପ୍ରତ୍ୟେକ ଖାଦ୍ୟ ପଦାର୍ଥ ପ୍ରସ୍ତୁତ ହୋଇ ବାହାରେ ରହିବା ଫଳରେ ଖରାପ ହୋଇଯାଇଥାଏ । ସେହିପରି ଚା' ମଧ୍ୟ । ଚା' ତିଆରି କରିବା ପରେ ବାରମ୍ବାର ଗରମ କରିବାର ସବୁଠାରୁ ବଡ ଅସୁବିଧା ହେଉଛି ଏହା କେବଳ ସ୍ୱାଦ ହରାଏ ନାହିଁ ବରଂ ଚା' ଭିତରେ ଥିବା ପୋଷକ ତତ୍ତ୍ୱକୁ ମଧ୍ୟ ନଷ୍ଟ କରିଦିଏ । ଗରମ ଚା' ପିଇବା ଦ୍ୱାରା ହଜମ ସମ୍ବନ୍ଧୀୟ ସମସ୍ୟା ହୋଇପାରେ । ବାନ୍ତି, ଝାଡ଼ା ଭଳି ସମସ୍ୟା ମଧ୍ୟ ଦେଖା ଦେଇପାରେ ।
ମାଇକ୍ରୋବାୟଲ୍ ବିପଦ:- ଯଦି ଆପଣ ଦୀର୍ଘ ସମୟ ପାଇଁ ଚା' ତିଆରି କରି ରଖି ଦେଉଛନ୍ତି, ଏହି ସମୟ ମଧ୍ୟରେ ଅନେକ ବ୍ୟାକ୍ଟେରିଆ ଏବଂ ଜୀବାଣୁ ଚା' ଭିତରକୁ ପ୍ରବେଶ କରନ୍ତି । ଏପରି ପରିସ୍ଥିତିରେ, ଯଦି ସେହି ଚା'କୁ ଗରମ କରି ପିଆଯାଏ, ତେବେ ଏଥିରେ ମାଇକ୍ରୋବସ୍ ଉତ୍ପାଦନ ହେବାର ଆଶଙ୍କା ଥାଏ । ଅଧିକାଂଶ ଘରେ କ୍ଷୀର ଚା' ତିଆରି କରାଯାଏ, ଏହି କାରଣରୁ ମାଇକ୍ରୋବାୟାଲ ପ୍ରଦୂଷଣର ଆଶଙ୍କା ଅଧିକ ହୋଇଥାଏ । ଅନ୍ୟପଟେ, ଯଦି ଆପଣ ବାରମ୍ବାର ଗରମ କରିବା ପରେ ହର୍ବାଲ୍ ଚା' ପିଉଛନ୍ତି, ତେବେ ସେଥିରେ ଥିବା ପୁଷ୍ଟିକର ତତ୍ତ୍ବ ମଧ୍ୟ ନଷ୍ଟ ହୋଇଯାଏ । ସେହିପରି ଏହା କରିବା ଦ୍ବାରା ଚା'ରୁ ଟେନିନ୍ ବାହାରିଥାଏ, ଯେଉଁ କାରଣରୁ ଚା'ର ସ୍ୱାଦ ସମ୍ପୂର୍ଣ୍ଣ ତିକ୍ତ ହୋଇଯାଏ, ଏହା ପାଟିର ସ୍ୱାଦକୁ ମଧ୍ୟ ନଷ୍ଟ କରିପାରେ ।
ଅମ୍ଳ ସମସ୍ୟା:- ବାସୀ ଚା' ପିଇବା ଦ୍ୱାରା ଅନ୍ତନଳୀରେ ଏସିଡ୍ ଉତ୍ପାଦନ ବୃଦ୍ଧି ପାଇଥାଏ, ଯେପରିକି ହୃଦଘାତ ଏବଂ ଛାତିରେ ଯନ୍ତ୍ରଣା ଭଳି ସମସ୍ୟା ଦେଖାଯାଏ । ଏହା ହଜମ ପ୍ରକ୍ରିୟା ଉପରେ ଗଭୀର ପ୍ରଭାବ ପକାଇଥାଏ । ଚା'ରେ ଥିବା ଅମ୍ଳୀୟ ଗୁଣ ପେଟରେ ଥିବା ଏସିଡ୍ ପରିମାଣକୁ ଆହୁରି ବଢାଇଥାଏ, ଯେଉଁ କାରଣରୁ କୋଷ୍ଠକାଠିନ୍ୟ ସମସ୍ୟା ହୋଇପାରେ । ରକ୍ତଚାପ ସମସ୍ୟାରେ ପୀଡିତ ଲୋକେ ଏହି ପ୍ରକ୍ରିୟାରୁ ଦୂରେଇ ରହିବା ବିଶେଷ ଜରୁରୀ, ନଚେତ୍ ଏହା ରକ୍ତଚାପ ବଢାଇପାରେ ।
ଚା' ପିଇବା କିପରି:- ସବୁବେଳେ ତାଜା ଚା’ ପିଇବାକୁ ଚେଷ୍ଟା କରନ୍ତୁ, ଯଦି ଚା' ତିଆରି କରିବାର 15 ମିନିଟ୍ ପରେ ଗରମ କରନ୍ତି, ଏହା ଶରୀର ପାଇଁ ଅଧିକ କ୍ଷତି ପହଞ୍ଚାଏ ନାହିଁ । ତେଣୁ ଦୀର୍ଘ ସମୟ ବାହାରେ ରଖି ଚା'କୁ ପୁନର୍ବାର ସେବନ କରିବା ଅଭ୍ୟାସରୁ ନିବୃତ୍ତ ରୁହନ୍ତୁ । ଯେତିକି ଚା' ପିଇବେ ସେତିକି ପ୍ରସ୍ତୁତ କରନ୍ତୁ । ସେହିପରି ଚା' ତିଆରି କରୁଥିବା ବାସନରୁ ସ୍ବଚ୍ଛ ରଖନ୍ତୁ, ପ୍ରତ୍ୟେକ ଦିନ ଚା' ପିଉଥିବା କପ୍ର ମଧ୍ୟ ସ୍ବଚ୍ଛତା ବଜାର ରଖିବାକୁ ଭୁଲନ୍ତୁ ନାହିଁ । ଏକ ସୁସ୍ଥ ଜୀବନଶୈଳୀ ପାଇଁ ସ୍ବଚ୍ଛତା ସବୁଠୁ ଗୁରୁତ୍ବପୂର୍ଣ୍ଣ ।
Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଖାଦ୍ୟ କିମ୍ବା ସପ୍ଲିମେଣ୍ଟ ଗ୍ରହଣ କରିବା ପୂର୍ବରୁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ ।
