ହାଇଦ୍ରାବାଦ: କେତେକ ସମୟରେ ଗରମ ଖାଦ୍ୟ ଏବଂ ପାନୀୟ ଯୋଗୁଁ ଆମ ଜିଭ ପ୍ରାୟତଃ ପୋଡିଥାଏ । ଅନେକ ଥର ଅଜାଣତରେ ଗରମ ଚା କିମ୍ବା ଖାଦ୍ୟ ଖାଇବା ଦ୍ବାରା ଜିଭ ପୋଡିଥାଏ । ଏହା ଫଳରେ ଯେକୌଣସି ଖାଦ୍ୟ ଖାଇଲେ ହେଁ ଜିଭ ଜଳାପୋଡା ହୋଇଥାଏ । ସେଥିପାଇଁ କୁହାଯାଏ ଯେ ଅତ୍ୟଧିକ ଗରମ ଖାଦ୍ୟ ଖାଇବା କ୍ଷତିକାରକ । ଜିଭ ପୋଡିବା ଦ୍ୱାରା ଖାଇବା, ପିଇବା ଏବଂ କହିବାରେ ବହୁତ ଅସୁବିଧା ହୋଇଥାଏ । ଏଭଳି ପରିସ୍ଥିତିରେ ଜିଭର ଉପଚାର କରିବା ନିହାତି ଆବଶ୍ୟକ ହୋଇଥାଏ । କିଛି ଲୋକ ବିଭିନ୍ନ ପ୍ରକାରର ଔଷଧ ଖାଇ ଏହି ସମସ୍ୟାରୁ ମୁକ୍ତି ପାଇଥାଆନ୍ତି । ତେବେ ଘରୋଇ ଉପଚାର ଦ୍ବାରା ବିନା କୌଣସି ପାର୍ଶ୍ବପ୍ରତିକ୍ରିୟା ଶୀଘ୍ର ସମସ୍ୟାରୁ ରକ୍ଷା ପାଇପାରିବେ ।
- ଥଣ୍ଡା ପାଣି: ଜିଭ ପୋଡିବା ପରେ ଧୀରେ ଧୀରେ ଥଣ୍ଡା ପାଣି ପିଇବା ଦ୍ବାରା ଜିଭକୁ ଆରାମ ମିଳିଥାଏ । ଥଣ୍ଡା ପାଣି ଜିଭରେ ଜଳିଯାଇଥିବା ଅଂଶକୁ ଥଣ୍ଡା କରିଥାଏ । ଏହା ବ୍ୟତୀତ ପାଟିରେ ବରଫ ଖଣ୍ଡ ମଧ୍ୟ ରଖିପାରିବେ । ଯାହାକି ପୋଡୁଥିବା ଜିଭକୁ ଶୀତଳ କରିଥାଏ । ଥଣ୍ଡା ପାଣିରେ ମିଶ୍ରିତ ଲୁଣ ସହିତ ଗର୍ଲିଂ କରିବା ମଧ୍ୟ ଜ୍ବଳନ ଏବଂ ଯନ୍ତ୍ରଣାରେ ଆରାମ ଦେଇଥାଏ। ତେଣୁ ଜିଭ ପୋଡିବା ସମୟରେ ଥଣ୍ଡା ପାଣିର ବ୍ୟବହାର ପ୍ରଭାବଶାଳୀ ଅଟେ।
- ଦହି ବା କ୍ଷୀର: କ୍ଷୀର ଏବଂ ଦହି ପିଇବା ଦ୍ବାରା ମଧ୍ୟ ପୋଡୁଥିବା ଜିଭରୁ ଆରାମ ମିଳିଥାଏ । ଏଥିରେ ରହିଥିବା ପ୍ରୋବାୟୋଟିକ୍ସ ଜିଭକୁ ଥଣ୍ଡା କରିଥାଏ ।
ଏହା ମଧ୍ୟ ପଢନ୍ତୁ: ପାଟି ଭିତରେ ଧଳା ପରଦା ପଡିବା ହୋଇପାରେ ଏହି ସମସ୍ୟା
- ଘିଅ: ଯେତେବେଳେ ଜିଭ ପୋଡିଥାଏ ସେତେବେଳେ ଘିଅ ରାମବାଣ ସଦୃଶ ଅଟେ । ଘିଅ ଲଗାଇବା ଦ୍ବାରା ଜ୍ବଳନ ସମସ୍ୟାରୁ ମୁକ୍ତି ମିଳିଥାଏ । ଘିଅରେ ଥିବା ଚର୍ବି ଜିଭକୁ କୋମଳ କରିଥାଏ ଏବଂ ଉତ୍ତେଜନାକୁ ହ୍ରାସ କରିଥାଏ । ଏହା ବ୍ୟତୀତ ଘିରେ ଆଣ୍ଟି-ବ୍ୟାକ୍ଟେରିଆଲ୍ ଗୁଣ ମଧ୍ୟ ରହିଥାଏ ଯାହା ଜିଭର ଜଳାପୋଡି ଅଂଶରେ ସଂକ୍ରମଣକୁ ହ୍ରାସ କରିଥାଏ ।
- ଲେମ୍ବୁ ରସ: ଓଠ ପୋଡିଗଲେ ତତକ୍ଷଣାତ ଲେମ୍ବୁ ରସ ଲଗାଇବା ଉଚିତ୍ । ଲେମ୍ବୁରେ ରହିଥିବା ଭିଟାମିନ ସି ଏବଂ ଆଣ୍ଟିଅକ୍ସିଡେଣ୍ଟ ଗୁଣ ଲିଭର ଜ୍ବଳନକୁ କମ କରିଥାଏ ।
- ମିଶ୍ରି ଏବଂ ଅଦା: ମିଶ୍ରି ଏବଂ ଅଦାକୁ ମିଶାଇ ଚୋବାଇବା ଦ୍ବାରା ଜିଭ ଜ୍ବଳନରୁ ମୁକ୍ତି ମିଳିଥାଏ । ଅଦାର ଆଣ୍ଟିସେଫ୍ଟିକ ଏବଂ ଆଣ୍ଟିବ୍ୟାକ୍ଟେରିଆ ଗୁଣ ଜିଭ ସଂକ୍ରମଣରୁ ମୁକ୍ତି ଦେଇଥାଏ ।
- ଲୁଣ ପାଣିରେ କୁଳି: ଲୁଣ ପାଣିରେ କୁଳି କରିବା ଦ୍ବାରା ଜିଭରେ ଫୁଲା ଥିଲେ ମୁକ୍ତି ମିଳିଥାଏ ଏବଂ ଯନ୍ତ୍ରଣା ମଧ୍ୟ କମ ହୋଇଥାଏ।
ବ୍ୟୁରୋ ରିପୋର୍ଟ, ଇଟିଭି ଭାରତ
