ହାଇଦ୍ରାବାଦ: ହେପାଟାଇଟିସ୍ ଏକ ଜଟିଳ ରୋଗ । ଦେଶରେ ଏହାର ମାମଲା ଦିନକୁ ଦିନ ବୃଦ୍ଧି ପାଉଛି । ହେପାଟାଇଟିସ୍ ବି, ସି କିମ୍ବା ଏହା ସହିତ ଜଡିତ କୌଣସି ରୋଗରେ ଯକୃତରେ ପ୍ରଦାହ ଆରମ୍ଭ ହୁଏ । ବିଶ୍ବ ସ୍ବାସ୍ଥ୍ୟ ସଂଗଠନ ମଧ୍ୟ ଏହି ବିଷୟକୁ ନେଇ ଚିନ୍ତା ପ୍ରକଟ କରିଛି । ହେପାଟାଇଟିସ ସି' ଏକ ସଂକ୍ରାମକ ରୋଗ ହୋଇଥିବା ବେଳେ ଏହା ଏଚ୍ସିଭି ଯୋଗୁଁ ହୋଇଥାଏ। ପ୍ରାଥମିକ ଭାବେ ଏହା ପ୍ରଥମେ ଯକୃତର କ୍ଷତି ଘଟାଇଥାଏ । ରୋଗରେ ଆକ୍ରାନ୍ତ ହେବାର ପ୍ରାରମ୍ଭରେ କୌଣସି ଲକ୍ଷଣ ଦେଖାଯାଉନଥିବା ବେଳେ ସମୟ ଅନୁସାରେ, ଏହା ସାଂଘାତିକ ହୋଇପାରେ । ଏନେଇ ଅନୁସନ୍ଧାନ କରାଯାଇଥିଲା ଯେଉଁଥିରେ ଚିନ୍ତାଜନକ ରିପୋର୍ଟ ପ୍ରକାଶ ପାଇଛି । ଅନୁସନ୍ଧାନରୁ ଜଣାପଡିଛି ଯେ, ହେପାଟାଇଟିସ୍ ସି' ସଂକ୍ରମଣ ଭଲ ହେବାପରେ ମଧ୍ୟ ରୋଗୀର ମୃତ୍ୟୁ ଆଶଙ୍କା ରହିଥାଏ । ଯାହାକି ଏକ ପ୍ରକାର ଚିନ୍ତାର ବିଷୟ ଅଟେ ।
20 ହଜାର ଲୋକଙ୍କୁ ନେଇ କରାଯାଇଥିଲା ରିସର୍ଚ୍ଚ: ହେପାଟାଇଟିସ ରୋଗରେ ଆକ୍ରାନ୍ତ ହୋଇଥିବା 20 ହଜାର ରୋଗୀଙ୍କ ଉପରେ ଏହି ଅନୁସନ୍ଧାନ କରାଯାଇଥିଲା । ଯେଉଁମାନଙ୍କୁ ଅନ୍ତର୍ଭୁକ୍ତ କରାଯାଇଥିଲା, ସେମାନେ ହେପାଟାଇଟିସ ସି'ରେ ଆକ୍ରାନ୍ତ ହୋଇ ସମ୍ପୁର୍ଣ୍ଣ ସୁସ୍ଥ ହୋଇସାରିଥିଲେ । ଏହି ରୋଗରୁ ଆରୋଗ୍ୟ ହେବା ପରେ ମଧ୍ୟ ଏହାର ପ୍ରଭାବ ଯକୃତ ଉପରେ ପଡିଥାଏ । ଏହାର ସହିତ ଅନ୍ୟ କିଛି ରୋଗ ହେବାର ସମ୍ଭାବନା ମଧ୍ୟ ଅଧିକ ରହିଥାଏ । ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ପ୍ରକାଶିତ ଏକ ରିପୋର୍ଟରେ ଏହାକୁ ଏକ ମାରାତ୍ମକ ରୋଗ ବୋଲି ବର୍ଣ୍ଣନା କରାଯାଇଛି ।
ହେପାଟାଇଟିସ ସିର ଡାଏଟ ଚାଟ: ହେପାଟାଇଟିସ ସି'ରେ ଆକ୍ରାନ୍ତ ହେବା ପରେ ସ୍ବାସ୍ଥ୍ୟର ବିଶେଷ ଯତ୍ନ ନେବା ଆବଶ୍ୟକ । ବାଦାମ, ଆଲମଣ୍ଡ, ପିସ୍ତା, ବାଦାମ ଖାଇବା ଉଚିତ୍ । ଏଥି ସହିତ ଚିନି ଏବଂ ଲୁଣ ଖାଇବାଠାରୁ ଦୂରେଇ ରହିବା ଉଚିତ । ଦୈନନ୍ଦିନ ଖାଦ୍ୟରେ ପାଳଙ୍ଗ, କୋବି, କାଲ ପରି ପନିପରିବା ଅନ୍ତର୍ଭୁକ୍ତ କରାଯିବା ଉଚିତ ।
