ହାଇଦ୍ରାବାଦ: ନୂତନ ବର୍ଷ 2025 ଅନେକ ଆଶା, ଉତ୍ସାହ ସହ ଆରମ୍ଭ ହୋଇଛି । ଏପରି ସମୟରେ 2024 ଅନେକ ଲୋକଙ୍କ ପାଇଁ ଭଲ ଏବଂ ଖରାପ ଥିଲା । 2024 ବଲିଉଡ୍ ସେଲିବ୍ରିଟିଙ୍କ ପାଇଁ ମଧ୍ୟ ସମାନ ଥିଲା । କାହାର ଫିଲ୍ମ ବକ୍ସ ଅଫିସରେ ବହୁତ ଟଙ୍କା ରୋଜଗାର କରିଥିବାବେଳେ କାହାର ବର୍ଷ ପୁରୁଣା ସମ୍ପର୍କ ଭାଙ୍ଗି ଯାଇଥିଲା ଏବଂ ଅନେକଙ୍କ ଜୀବନରେ ପରିବର୍ତ୍ତନ ମଧ୍ୟ ଆଣିଥିଲା । ତେବେ ସମସ୍ତେ ବିଦାୟୀ ବର୍ଷକୁ ଅଲବିଦା କହିବା ସହ ନିଜ ନିଜ ଶୈଳୀରେ ନୂତନ ଆଶା ନେଇ 2025 କୁ ସ୍ୱାଗତ କରିଛନ୍ତି । ଅମିତାଭ ବଚ୍ଚନ, କାର୍ତ୍ତିକ ଆର୍ଯ୍ୟନ, ମଲାଇକା ଏବଂ ଅଜୟ ଦେବଗନଙ୍କ ପରି ଅନେକ ତାରକା 2024 କୁ ବିଦାୟ ଦେଇ ନୂତନ ବର୍ଷ ପାଳନ କରିଛନ୍ତି ।
T 5241 .... 2025 !!! ज़िंदाबाद
— Amitabh Bachchan (@SrBachchan) December 31, 2024
ଅମିତାଭ ବଚ୍ଚନଙ୍କ ପୋଷ୍ଟ
ବଲିଉଡ ଅଭିନେତା ବିଗ୍ ବି ତଥା ଅମିତାଭ ବଚ୍ଚନ ଏକ୍ସରେ ଏକ ପୋଷ୍ଟ କରି ଲେଖିଛନ୍ତି, "2025 ଜିନ୍ଦାବାଦ" । ଏହି ପୋଷ୍ଟ ମାଧ୍ୟମରେ ସେ ନୂଆ ବର୍ଷରେ ତାଙ୍କ ପ୍ରଶଂସକଙ୍କୁ ଆଗକୁ ବଢିବାକୁ ମେସେଜ ଦେଇଛନ୍ତି ।
କାର୍ତ୍ତିକ ଆର୍ଯ୍ୟନ 2024 କୁ ଧନ୍ୟବାଦ ଜଣାଇଛନ୍ତି
କାର୍ତ୍ତିକ ଆର୍ଯ୍ୟନ ଚନ୍ଦୁ ଚାମ୍ପିଅନ୍ ଏବଂ ଭୁଲ୍ ଭୁଲ୍ୟା 3 ସମ୍ବନ୍ଧୀୟ ଫଟୋ ପୋଷ୍ଟ କରି 2024 କୁ ଧନ୍ୟବାଦ ଦେଇଛନ୍ତି । ସେ କ୍ୟାପସନରେ ଲେଖିଛନ୍ତି, "ଐତିହାସିକ 2024 ପାଇଁ ଧନ୍ୟବାଦ । ଗୋଟିଏ ବର୍ଷ ଯାହା ମୋ ଜୀବନକୁ ବଦଳାଇଲା, ମୁଁ ଏହାକୁ ସର୍ବଦା ମନେ ରଖିବି ।
ଅଜୟ ଦେବଗନ୍ 2024କୁ ଦେଲେ ବିଦାୟ
ଅଜୟ ଦେବଗନ ତାଙ୍କର ଅନେକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି। ଏହି ଫଟୋଗୁଡ଼ିକରେ, ସେ 2024 ର ଯାତ୍ରା ଦେଖାଇଛନ୍ତି, ଯେଉଁଥିରେ 'ସୈତାନ' ରୁ 'ସିଙ୍ଘମ୍ ଏଗେନ' ଯାତ୍ରା ଅନ୍ତର୍ଭୁକ୍ତ । ସେ ଲେଖିଛନ୍ତି, 'ମୁଁ ବର୍ଷ ଶେଷରେ ଏହି ଭାବନାକୁ କିପରି ପ୍ରକାଶ କରିବି ଜାଣି ନଥିଲି। ତେଣୁ ମୁଁ ମୋର ଚଳଚ୍ଚିତ୍ର ଏବଂ ସ୍ମୃତିର ଏକ ଛୋଟ ସଂଗ୍ରହାଳୟ ତିଆରି କଲି ।'
ପ୍ରୀତି ଜିଣ୍ଟା 2024 ସ୍ମୃତି ମନେ ପକାଇଛନ୍ତି
ପ୍ରୀତି ଜିଣ୍ଟା ମଧ୍ୟ ତାଙ୍କର ବିଶେଷ ମୁହୂର୍ତ୍ତର ଭିଡିଓ ସେୟାର କରିଛନ୍ତି । ସେ ଲେଖିଛନ୍ତି, 'ଯେହେତୁ ଏହି ବର୍ଷ ଶେଷ ହେବାକୁ ଯାଉଛି, ମୋର ମନେ ଅଛି ପେରୁରେ ନୂଆ ବର୍ଷକୁ ସ୍ୱାଗତ କରିବା ଏବଂ ଇନ୍କା ଟ୍ରେଲରେ ଯାତ୍ରା । ଏହି ବର୍ଷ ମୋର ଏକ ଆକ୍ସନ୍-ପ୍ୟାକ୍ ସମୟ ଥିଲା ଏବଂ ବହୁତ ସମୟ ପରେ ସେଟକୁ ଫେରି ଆସିଲି ।'
ନୂଆବର୍ଷ ପାଳନ କଲେ ସୋନାକ୍ଷୀ ସିହ୍ନା
ଗତ ବର୍ଷ ଜାହିର ଇକବାଲଙ୍କ ସହ ବିବାଦ କରିଥିଲେ ସୋନାକ୍ଷୀ ସିହ୍ନା । ବିବାହ ପରେ ଅଷ୍ଟ୍ରେଲିଆର ସିଡନୀରେ 2025 ମସିହାରେ ତାଙ୍କ ସ୍ୱାମୀଙ୍କ ସହ ନୂତନ ବର୍ଷକୁ ସ୍ୱାଗତ କରିଛନ୍ତି ସୋନାକ୍ଷୀ । ସେ ଇନଷ୍ଟାଗ୍ରାମରେ ଏହାର ଭିଡିଓ ସେୟାର କରି ଝଲକ ଦେଖାଇବା ସହ ସମସ୍ତଙ୍କୁ 'ନୂତନ ବର୍ଷର ଶୁଭେଚ୍ଛା' ଜଣାଇଛନ୍ତି ।
ଶିଳ୍ପା ଶେଟ୍ଟୀ ମଧ୍ୟ ପରିବାର ସହ ନୂଆବର୍ଷ ପାଳିଲେ
ଶିଳ୍ପା ଶେଟ୍ଟୀ ତାଙ୍କ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ତାଙ୍କ ପରିବାର ସହ ତାଙ୍କ ପ୍ରଶଂସକଙ୍କୁ 'ନୂଆ ବର୍ଷର ଶୁଭେଚ୍ଛା' କାମନା କରୁଥିବା ଦେଖିବାକୁ ମିଳିଛି। ଏହି ଭିଡିଓ ସେୟାର କରି ସେ ଲେଖିଛନ୍ତି, 'ସୁସ୍ଥ ଏବଂ ଖୁସି, 2025 ଏହିପରି ହେବ... ଆମ ସମସ୍ତଙ୍କ ତରଫରୁ ନୂଆ ବର୍ଷର ଶୁଭେଚ୍ଛା'।
ଏହା ମଧ୍ୟ ପଢନ୍ତୁ: 2025କୁ ସ୍ୱାଗତ କଲେ ଓଲିଉଡ଼ ସେଲିବ୍ରିଟି, 2024କୁ ଏମିତି ଦେଲେ ବିଦାୟ
ସେହିପରି ମଲାଇକା ଆରୋରା, ପରିଣୀତି ଚୋପ୍ରା, ନେହା ଧୁପିଆଙ୍କ ସମେତ ଅନେକ ବଲିଉଡ଼ ସେଲିବ୍ରିଟି 2024କୁ ବିଦାୟ ଦେଇ ନୂଆବର୍ଷ 2025 କୁ ଧୁମଧାମରେ ସ୍ୱାଗତ କରିଛନ୍ତି । ଏବଂ ଫ୍ୟାନ୍ସଙ୍କୁ ନବବର୍ଷର ଶୁଭକାମନା ଜଣାଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
