ହାଇଦ୍ରାବାଦ: ମେ' ମାସରେ ସୂର୍ଯ୍ୟଙ୍କର ଭୟଙ୍କର ରୂପ ଦେଖିବାକୁ ମିଳୁଛି । ଦିନକୁ ଦିନ ତାପମାତ୍ରା ମଧ୍ୟ ରେକର୍ଡ ଭାଙ୍ଗିବାରେ ଲାଗିଛି । କିଛି ସ୍ଥାନରେ ତାପମାତ୍ରା 42 ଡିଗ୍ରୀରୁ ଅଧିକ ରହୁଥିବା ବେଳେ ଲୋକେ ଅସ୍ତବ୍ୟସ୍ତ ହେଉଛନ୍ତି । ସୂର୍ଯ୍ୟକିରଣ ଯୋଗୁଁ ମଧ୍ୟ ଲୋକେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ଏଭଳି ପରିସ୍ଥିତିରେ ନିଜର ଯତ୍ନ ନେବା ଜରୁରୀ ଅଟେ । ସୂର୍ଯ୍ୟକିରଣରେ ବାହାରକୁ ଯିବାବେଳେ ସତର୍କତା ଅବଲମ୍ବନ କରିବାକୁ ପଡ଼ିବ, କିନ୍ତୁ ସୂର୍ଯ୍ୟକିରଣରୁ ଘରକୁ ଆସିବା ପରେ ମଧ୍ୟ କେତେକ ବିଷୟ ଉପରେ ଧ୍ୟାନ ଦେବା ଆବଶ୍ୟକ ହୋଇଛି। କିଭଳି ଖରାରୁ ଆସି ନିଜକୁ ଫ୍ରେସ ରଖିବା ସହ ସମସ୍ତ ସମସ୍ୟାକୁ ମାତ ଦେବେ ଜାଣିବା ପାଇଁ ନିମ୍ନ ଲିଖିତ ତଥ୍ୟ ଉପରେ ଧ୍ୟାନ ଦିଅନ୍ତୁ ।
ହାଇଡ୍ରେଟ୍: ଗ୍ରୀଷ୍ମ ସମୟରେ ତାପମାତ୍ରା ବୃଦ୍ଧି ହେତୁ ଡିହାଇଡ୍ରେସନ୍ ଏକ ସାଧାରଣ ସମସ୍ୟା ଭଳି ହୋଇଯାଇଛି। ଏପରି ପରିସ୍ଥିତିରେ, ଯେତେବେଳେ ଆପଣ ସୂର୍ଯ୍ୟଙ୍କ ଠାରୁ ଘରକୁ ଫେରିଯାଆନ୍ତି, ନିଜକୁ ହାଇଡ୍ରେଟ୍ କରନ୍ତୁ । ଆପଣ ଆମ୍ବପଣା କିମ୍ବା ବଟରମିଲ୍କ, ସରବତ ପିଇ ନିଜକୁ ହାଇଡ୍ରେଟ ରଖିପାରିବେ । କିନ୍ତୁ ମନେରଖନ୍ତୁ ଯେ ବାହାରୁ ଆସିବା ମାତ୍ରେ ଆପଣ ଥଣ୍ଡା ପାଣି ପିଅନ୍ତୁ ନାହିଁ ନଚେତ ସ୍ବାସ୍ଥ୍ୟ ଉପରେ କୁପ୍ରଭାବ ପଡିପାରେ ।
ଗାଧୋଇବା: ସୂର୍ଯ୍ୟକିରଣରେ ବାହାର ରହିବା ଫଳରେ ଝାଳ ହୋଇ ଅନେକ ସମସ୍ୟା ଦେଖାଯାଇଥାଏ । ଶରୀର ଏବଂ ମୁଣ୍ଡ ଭାରି ଭାରି ଲାଗିଥାଏ । ଅତ୍ୟଧିକ ଝାଳ ଯୋଗୁଁ କୀଟାଣୁର ମଧ୍ୟ ଭୟ ରହିଥାଏ । ଏଭଳି ସମସ୍ୟାରୁ ଦୂରେଇ ରହିବା ପାଇଁ ପ୍ରଥମେ ଭଲଭାବରେ ଥଣ୍ଡା ପାଣିରେ ଗାଧୋଇ ପଡନ୍ତୁ । ଏହା ଦ୍ବାରା ଆପଣ ନିଜକୁ ଥଣ୍ଡା ରଖିବା ସହ ଜିବାଣୁ ଜନିତ ସମସ୍ୟାରୁ ମୁକ୍ତି ପାଇପାରିବେ । କିନ୍ତୁ ସଙ୍ଗସଙ୍ଗ ବାହାରୁ ଆସିବା ପରେ ସ୍ନାନ କରନ୍ତୁ ନାହିଁ । କିଛି ସମୟ ବସିବା ପରେ 15 ରୁ 20 ମିନିଟ୍ ପର୍ଯ୍ୟନ୍ତ ସ୍ନାନ କରନ୍ତୁ ।
ଆରାମ କରନ୍ତୁ: ଖରାଦିନେ ବାହାରୁ ଆସିବା ମାତ୍ରେ ଥକା ଲାଗି ରହିଥାଏ । ଏଥିରୁ ମୁକ୍ତି ପାଇବା ପାଇଁ 1ରୁ 2 ଘଣ୍ଟା ଆରାମ କରନ୍ତୁ । ବାହାରୁ ଆସିଲେ ସଙ୍ଗେ ସଙ୍ଗେ ଏସିରେ ନରହି କିଛି ସମୟ ଫ୍ୟାନରେ ରୁହନ୍ତୁ ।
ହାଲୁକା ପୋଷାକ ପିନ୍ଧନ୍ତୁ: ଖରାଦିନେ ଯେତେ ହାଲୁକା ପୋଷାକ ପିନ୍ଧିବେ ସେତିକି ଶାନ୍ତି ମିଳିବ । ସୂତା କପଡା ପିନ୍ଧନ୍ତୁ । କଳା ରଙ୍ଗର ପୋଷାକ ପରିତ୍ୟାଗ କରନ୍ତୁ । କାରଣ ଏହି ରଙ୍ଗରେ ପୋଷାକ ପିନ୍ଧିଲେ ସୂର୍ଯ୍ୟକିରଣ ଶୀଘ୍ର ଭେଦ କରିପାରେ ।
ଫ୍ୟାନ୍ ଏବଂ ଏସିର ବ୍ୟବହାର: ଯେତେବେଳେ ଆପଣ ସୂର୍ଯ୍ୟଙ୍କଠାରୁ ଘରକୁ ଫେରିବେ, ନିଜକୁ ଥଣ୍ଡା ରଖିବା ପାଇଁ ତୁରନ୍ତ ଏସିର ବ୍ୟବହାର କରନ୍ତୁ ନାହିଁ । କିଛି ସମୟ ଫ୍ୟାନରେ ରହିଲେ ଦେହର ତାପମାତ୍ରା ସ୍ବାଭାବିକ ହୋଇଥାଏ। ଏହାପରେ ଆପଣ ଏସିର ବ୍ୟବହାର କରିପାରିବେ । ଏହା ଗରମରୁ ଆରାମ ମଧ୍ୟ ଦେବ ଏବଂ ଆପଣ ଥଣ୍ଡା ଅନୁଭବ କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
