ହାଇଦ୍ରାବାଦ: ସୋଡିୟମ୍, ଯାହାକୁ ଆମେ ଲୁଣ ବୋଲି କହିଥାଉ, ଏହା ଏକ ଗୁରୁତ୍ୱପୂର୍ଣ୍ଣ ଇଲେକ୍ଟ୍ରୋଲାଇଟ୍ ଯାହା ଶରୀରର ଅନେକ କାର୍ଯ୍ୟ କରିବାରେ ସାହାଯ୍ୟ କରେ । ଏହାର ସାହାଯ୍ୟରେ ଶରୀରର ଫ୍ଲ୍ୟୁଡ୍ ବାଲାନ୍ସ(ତରଳ ସନ୍ତୁଳନ) ବଜାୟ ରହିଥାଏ । ଏଥିସହ ରକ୍ତରେ ଶର୍କରା ସ୍ତର ମଧ୍ୟ ସନ୍ତୁଳିତ ରହିଥାଏ । ସ୍ନାୟୁ, ମାଂସପେଶୀ କାର୍ଯ୍ୟ, ହୃଦ୍ରୋଗ ବ୍ୟତୀତ ଏହା ଅନ୍ୟାନ୍ୟ କାର୍ଯ୍ୟକୁ ସଠିକ୍ ଭାବରେ ପରିଚାଳନ କରିବାରେ ସାହାଯ୍ୟ କରେ । କିନ୍ତୁ ଯେକୌଣସି ଖାଦ୍ୟ, ପ୍ରୋଟିନ୍, ଯୌଗିକ କିମ୍ବା ରସାୟନର ବୃଦ୍ଧି ଶରୀର ଉପରେ ପ୍ରଭାବ ପକାଇଥାଏ । ଏହି ପରିପ୍ରେକ୍ଷୀରେ ଲୁଣର ଅତ୍ୟଧିକ ବ୍ୟବହାର ମଧ୍ୟ ନାନା ସମସ୍ୟା ସୃଷ୍ଟିକରେ । ତେବେ ଅତ୍ୟଧିକ ଲୁଣ ଖାଇବା ଦ୍ବାରା କି କି ସ୍ବାସ୍ଥ୍ୟ ସମସ୍ୟା ଦେଖାଯାଏ, ଜାଣନ୍ତୁ...
ପେଟ ଫୁଲିବା ସମସ୍ୟା: ଅତ୍ୟଧିକ ଲୁଣ ଖାଇବା ଦ୍ୱାରା ପେଟ ଫୁଲି ଯାଇପାରେ, କାରଣ ଯେତେବେଳେ ଆପଣ ଅଧିକ ଲୁଣ ଖାଇ ଥାଆନ୍ତି, ଶରୀରରେ ଅତ୍ୟଧିକ ଜଳ ଏକାଠି ହେବାକୁ ଲାଗେ, ଯାହା ପେଟ ଫୁଲିବା ସମସ୍ୟା ସୃଷ୍ଟି କରେ ଏବଂ ପରେ ପେଟ ଟାଣ ହୋଇଯାଏ ।
ୱାଟର୍ ରିଟେନସନ୍: ସାଧାରଣତଃ କିଡନୀରେ କିଛି ପରିମାଣର ସୋଡିୟମ୍ ମିଳିଥାଏ । ଯେତେବେଳେ ଆମେ ଅତ୍ୟଧିକ ଲୁଣ ଖାଇଥାନ୍ତି, ସେତେବେଳେ ଶରୀରରେ ଜଳ ଆବଶ୍ୟକତା ଠାରୁ ଅଧିକ ହୋଇଯାଏ । ଏପରିସ୍ଥିତିରେ ହାତ, ପାଦ ଏବଂ ମୁହଁରେ ଫୁଲା ଦେଖାଯାଏ ।
ବିପି ସମସ୍ୟା: ଉଚ୍ଚ ରକ୍ତଚାପ ପାଇଁ ଲୁଣ ଏକ ମୁଖ୍ୟ ସମସ୍ୟା ବୋଲି ବିବେଚନା କରାଯାଏ । ଦୀର୍ଘ ସମୟ ଧରି ଅତ୍ୟଧିକ ଲୁଣ ସେବନ କଲେ ଉଚ୍ଚ ରକ୍ତଚାପ ହୋଇପାରେ, ଯେଉଁଥିପାଇଁ ରକ୍ତଭଣ୍ଡାର କଠିନ ଏବଂ ସଂକୀର୍ଣ୍ଣ ହୋଇପାରେ । ଏହା ସହିତ ବାନ୍ତି ଏବଂ ଦୁର୍ବଳତା ଭଳି ଲକ୍ଷଣ ଦେଖାଯିବା ଆରମ୍ଭ କରେ ।
ଅତ୍ୟଧିକ ତୃଷା: ଅତ୍ୟଧିକ ଲୁଣିଆ ଖାଦ୍ୟ ଖାଇବା ଦ୍ବାରା ପାଟି ଶୁଷ୍କ ହୋଇପାରେ । ଏହା ଫଳରେ ଶୋଷ ଲାଗେ ଏବଂ ଜଣେ ବ୍ୟକ୍ତି ପ୍ରଚୁର ପାଣି ପିଇଥାନ୍ତି, ଯାହା ଶରୀରର ତରଳ ପଦାର୍ଥକୁ ବଢାଇପାରେ । ଏହା ଦ୍ବାରା ବାରମ୍ବାର ପରିସ୍ରା ଲାଗେ ।
ଏକଜିମା: ଏକ ନୂତନ ଅନୁସନ୍ଧାନରୁ ଜଣାପଡିଛି ଯେ, ଅତ୍ୟଧିକ ଲୁଣ ଏକଜିମା ସୃଷ୍ଟି କରିପାରେ । ସାଇନ୍ସ ଟ୍ରାନ୍ସଲେସନାଲ ମେଡିସିନ୍ରେ ପ୍ରକାଶିତ ରିପୋର୍ଟରେ ଦର୍ଶାଯାଇଛି ଯେ, ଲୁଣ ଖାଇବା ଏବଂ ଟି-ହେଲ୍ପର କୋଷ ଗୁଡ଼ିକର ବୃଦ୍ଧି ମଧ୍ୟରେ ଏକ ଲିଙ୍କ ଅଛି ଯାହା ଅତ୍ୟଧିକ ପ୍ରଦାହ ଏବଂ ଏକଜିମା, ଆର୍ଥ୍ରାଇଟିସ୍ ଏବଂ ଆଜମା ଭଳି ଆଲର୍ଜି ଭିତ୍ତିକ ରୋଗର କାରଣ ହୋଇପାରେ ।
ବାରମ୍ବାର ମୁଣ୍ଡବିନ୍ଧା: ଅଧିକ ଲୁଣ ଖାଇବା ଦ୍ୱାରା ଡିହାଇଡ୍ରେସନ୍ ଯୋଗୁଁ ବାରମ୍ବାର ମୁଣ୍ଡବିନ୍ଧା ମଧ୍ୟ ହୋଇପାରେ । ଏହା ମାଇଗ୍ରେନକୁ ଟ୍ରିଗର କରିପାରେ । ଏପରି ପରିସ୍ଥିତିରେ, ଏହାକୁ ଏଡାଇବା ପାଇଁ ବହୁତ ପାଣି ପିଇବା ଆବଶ୍ୟକ ।
Disclaimer: ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଖାଦ୍ୟ କିମ୍ବା ସପ୍ଲିମେଣ୍ଟ ଗ୍ରହଣ କରିବା ପୂର୍ବରୁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ ।
