ହାଇଦ୍ରାବାଦ: ମଦ୍ୟପାନ ଆଜିକା ସମୟରେ ଏକ ଟ୍ରେଣ୍ଡ ସାଜିଛି । ପିଲାଠୁ ବୁଢା ସମସ୍ତ ମଦ୍ୟପାନ କରୁଛନ୍ତି । ତେବେ ଅତ୍ୟଧିକ ମଦ୍ୟପାନ କରୁଥିଲେ ହୋଇଯାଆନ୍ତୁ ସାବଧାନ । କାରଣ ଏହା ସ୍ୱାସ୍ଥ୍ୟ ଉପରେ ବିପଜ୍ଜନକ ପ୍ରଭାବ ପକାଇପାରେ । ଅତ୍ୟଧିକ ମଦ୍ୟପାନ କରିବା ଦ୍ୱାରା ମସ୍ତିଷ୍କର ଆକାର ଛୋଟ ହୋଇଯାଇଥାଏ ବୋଲି ଏକ ରିପୋର୍ଟରେ ପ୍ରକାଶିତ ହୋଇଛି । ଅଧିକ ମଦ୍ୟପାନର କେବଳ ଶରୀର ଉପରେ ନୁହଁ ବରଂ ମସ୍ତିଷ୍କ ଉପରେ ଖରାପ ପ୍ରଭାବ ପକାଇପାରେ ବୋଲି ଜଣାପଡିଛି ।
ମସ୍ତିଷ୍କ ଉପରେ ମଦର ପ୍ରଭାବ: ଆମ ଶରୀରର ମେଟାବୋଲିଜିମ୍ କ୍ଷମତା ରହିଥାଏ । ମେଟାବୋଲିଜିମ ଅର୍ଥ ପାଚନ ବା ହଜମ ପ୍ରକ୍ରିୟା ହୋଇଥାଏ । ତେବେ ଅଧିକ ମଦ୍ୟପାନ ଦ୍ବାରା ମେଟାବୋଲିଜିମ୍ ପ୍ରକ୍ରିୟା ସଠିକ୍ ଭାବରେ ହୋଇନଥାଏ । ଶରୀର ଉପରେ ମଦ୍ୟପାନର ପ୍ରଭାବ ଶୀଘ୍ର ପଡିଥାଏ । ଏହାର ପ୍ରଭାବ ପ୍ରଥମେ ରକ୍ତରେ ଦେଖାଯାଥାଏ । ଏହା ପରେ ଏହା ଶରୀରର ଟିସୁରେ ବିସ୍ତାର ହେବା ଆରମ୍ଭ କରେ । ମଦ 5 ମିନିଟରେ ମସ୍ତିଷ୍କରେ ପହଞ୍ଚେ ଏବଂ ଏହାର ପ୍ରଭାବ ମାତ୍ର 10 ମିନିଟରେ ଦୃଶ୍ୟମାନ ହୋଇଥାଏ ।
କେତେ ସମୟ ପର୍ଯ୍ୟନ୍ତ ଶରୀରରେ ମଦ ରହିପାରେ: ମଦ ପିଇବାର 20 ମିନିଟ ପରେ ଯକୃତ ମଦ୍ୟପାନର ପ୍ରକ୍ରିୟାକରଣ କରିଥାଏ। ଯକୃତ ଏକ ଘଣ୍ଟାରେ ଏକ ଆଉନ୍ସ ମଦକୁ ମେଟାବୋଲାଇଜ କରିପାରେ । ମଦ ନିଶା ଶରୀରରୁ ଛାଡିବା ପାଇଁ ପାଖାପାଖି 5 ଘଣ୍ଟା ଲାଗିଥାଏ । ମଦ 80 ଘଣ୍ଟା ପର୍ଯ୍ୟନ୍ତ ପରିସ୍ରାରେ ଏବଂ 3 ମାସ ପର୍ଯ୍ୟନ୍ତ ହେୟାର ଫୋଲିକଲରେ ରହିପାରେ । ଯତେବେଳେ ମେଟୋବୋଲିଜିମ କ୍ଷମତା ଠାରୁ ଅଧିକ ମଦ ହୋଇଥାଏ ସେତେବେଳେ ଶରୀରରେ ନିଶା ଦେଖାଯାଇଥାଏ ।
ବ୍ରେନ ଉପରେ ମଦର ପ୍ରଭାବ: ଶରୀର ମଦ୍ୟକୁ ସଂପୂର୍ଣ୍ଣ ଭାବେ ଗ୍ରହଣ କରିଥାଏ । ଏହା ମସ୍ତିଷ୍କର ସୂଚନା ଉପରେ ମଧ୍ୟ ପ୍ରଭାବ ପକାଇପାରେ ଯେ ଏହା ସହିତ, ମସ୍ତିଷ୍କର ଆକାରରେ ଛୋଟ ହୋଇପାରେ ଏବଂ ଅନ୍ୟାନ୍ୟ ଅନେକ କ୍ଷତିକାରକ ପ୍ରଭାବ ମଧ୍ୟ ପକାଇପାରେ ବୋଲି ଅନୁସନ୍ଧାନରୁ ଜଣାପଡିଛି ।
ସ୍ମରଣ ଶକ୍ତି ଏବଂ ମସ୍ତିଷ୍କ ପାଇଁ କ୍ଷତିକାରକ ମଦ: ମଦ୍ୟପାନ ମସ୍ତିଷ୍କର ଫ୍ରଣ୍ଟାଲ୍ ଲୋବ୍ସକୁ ସଂପୂର୍ଣ୍ଣ ପ୍ରଭାବିତ କରିଥାଏ । ଏହା ନିଷ୍ପତ୍ତି ନେବା ଏବଂ ଇମ୍ପ୍ଲେସ କଣ୍ଟ୍ରୋଲ ପରି କାମ କରେ । ଏହାସହ ହିପୋକାମ୍ପସ୍ ଉପରେ ମଧ୍ୟ ପ୍ରଭାବ ପକାଇଥାଏ । ଯଦି କେହି ଦୀର୍ଘ ଦିନ ପର୍ଯ୍ୟନ୍ତ ମଦ୍ୟପାନ କରନ୍ତି, ତେବେ ମସ୍ତିଷ୍କ ଟିସୁ ନଷ୍ଟ ହୋଇପାରେ ।
ମଦ୍ୟ କେତେ ଦିନ ମସ୍ତିଷ୍କରେ ରହିଥାଏ: ମଦ୍ୟପାନ କରିବା ପରେ ମସ୍ତିଷ୍କ ସ୍ୱାଭାବିକ ଅବସ୍ଥାକୁ ଫେରିବା ପାଇଁ ଅତି କମରେ 15 ଦିନ ଲାଗିପାରେ । ମଦ୍ୟ ରିପୋଭରି ଟାଇମଲାଇନ ଆରମ୍ଭ ହେବା ପର୍ଯ୍ୟନ୍ତ ଏହା ମସ୍ତିଷ୍କରେ ରହିଥାଏ । ଯଦି ଆପଣ ମଦ୍ୟପାନ ନିଶା ଛାଡିବାକୁ ଚାହାଁନ୍ତି, ତେବେ ଏହାର ଅସୁବିଧା ଏବଂ ପାର୍ଶ୍ୱ ପ୍ରତିକ୍ରିୟା ଗୁଡ଼ିକୁ ଠିକ୍ ସମୟରେ ବୁଝିବା ଉଚିତ୍ । ଏହା ମଧ୍ୟ ବୁଝିବା ଜରୁରୀ ଯେ ମଦ୍ୟପାନ ଛାଡ଼ିବା ଦ୍ୱାରା ମାନସିକ ସ୍ୱାସ୍ଥ୍ୟରେ ଉନ୍ନତି ହୋଇଥାଏ । ଏହା ଚିନ୍ତା ସ୍ତରକୁ ହ୍ରାସ କରିଥାଏ ଏବଂ ମନୋବଳକୁ ଦୃଢ କରିଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
